ISAYAX 4:1 - Wa Common Language Translation

¹ Ka daux singaix an bun aliah kaux tak giex ti deuh simex tix kaux mai ah nin “Ex tak sang ih priex cao tix mai ceep kraung cao tix, kieh yix mawh pa kok tix ka ceu kaux maix nong nong ngie, sonsang teei ti tik krax pa kaig tua yix heue.

ISAYAX 4:1 Iomraidhean Croise

YAM JAH 30:23

Nawh koe kaux mai keh kawn simex tix kaux. Nawh ah nin, “Siyiex hoik teei krax pa salao aux hu.”

2 SAMOELAX 6:23

Mawh kheu nan, Mikhalax kawn bun Sawlux ang lai chix koe kawn tom hoek bawg yam yum nawh heue.

ISAYAX 10:20

Ceu an kix tak sang luan ka daux singaix an, ceu pui Isarelax pa kawn deuk an khankix mai mawh krax pa hoik glawd kix khaing daux nyiex ma ceu pui Yakop, tak ang lai baox deeh een rhawm tix ka nawh pa hoik pex ka kix, viang mawh nan, tak deeh een rhawm tix ka Siyiex, pa mawh cao pa singax singeh ceu pui Isarelax khankix ka daux krax pa kaux sijax heue.

ISAYAX 13:12

Aux tak yuh kawn pui nie lheu ngawh khaing khri nawnaw, mai pui nie lheu ngawh khaing siang, khri, Awphirax heue.

ISAYAX 17:7

Ka daux an, pui tak jhak ka cao pa phan pa deuh tix mai ngai kix tak maong ti jhak ka cao pa singax singeh ceu pui Isarelax heue.

ISAYAX 2:11

Pui pa lhaong jhak khankix tak yeen tiem, pui pa ting rhawm tak gup kaing tix mai mawh Siyiex tix kaux khaing, pa yaog tix ting lhaong ka daux singaix an heue.

ISAYAX 2:17

Pui pa ting rhawm lhaong ngai tak cod rau mai pui pa ting rhawm tak yeen tiem, mawh ngie Siyiex tix kaux khaing pa yaog tix ting lhaong ka daux singaix an heue.

ISAYAX 3:6

Yam giex pui tix kaux ka puxaik tix, ka daux nyiex keeing nawh mai ah nin! “Maix kawn koe kraung ceep maix yuh cao pa kwang ex mai kieh krax pa laux leeing inkix tak ot ka greem pa kwang maix heue.”

ISAYAX 54:4

“Paw koe krax khi rhawm heue. Mawh kheu maix tak ang hoek krax kaig tua mai ang pon ti mawh pa laux pakngai, mawh kheu maix tak ang lai mawh pa kham krax salao heue. Grawh grawng nawh maix tak piawm krax kaig tua yam awn ju maix mai tak ang lai koe krax keud ka lox salao yam mawh maix miexmai, khaix in pie tix bawg kawx heue.

YERAMIX 15:8

Miex mai tak nie baox haoh hun khaing mhaik pa koe daux rawm sigrit sigra ka plak sivoe Aux, aux tak sang viex pui pa yieh laux hoek piang kix mai piang miex pui awn ju an khankix, ka daux bawg yam jung singaix, Aux tak kieh krax kha rhawm mai krax lhat graung hoek dom mawx dom an piang kix heue.

LUKAX 1:25

“Simiang hoik yuh ceu in son aux, daux singaix yam kia Nawh aux, sonsang teei kieh aux luan khaing pa salao kawn pui heue.”

LUKAX 21:22

Mawh kheu singaix an khankix, mawh bawg yam sang prawng ciyang ti kieh ceu pa hoik tiiem ti deuh khawmuik grum naog heue.

2 THESALONIX 3:12

Ex tawm lox mai jeeh nyaw ka kix pa yuh kix kaing yiien yiien mhawm mhawm, tang ih blah cie tokaux tix heue.

1 SAMOELAX 1:6

Penina nie song rhawm ka Hanax sonsang kieh khrup rhawm kheu ang Simiang Siyiex kieh nawh koe kawn.