ISAYAX 39:3 - Wa Common Language Translation

³ Khaix an cao jhai Isayax hu ka simiang Hezakix mai ah nin ka nawh, mawh ah pui an kix patix, mawh kaoh kix khaing dee mawx hoek ka maix lie? Hezakix deeh ah nin, kix hoek khaing haktiex pa kied singai khaing Babulon.

ISAYAX 39:3 Iomraidhean Croise

2 SAMOELAX 12:1

Khaix an Simiang Siyiex ploi cao jhai Natan hu ah nin ka Davit, “Ka daux veng tix veng koe pui ra kaux, tix kaux mawh pui magmi mai an tix kaux mawh pui hot shia.

2 GRAWNG BEEN 16:7

Ka daux bawg yam an Hananix pa mawh cao pa yaox riang susai bleeh ti hoek ka Asa, pa mawh simiang Yudax mai ah nin ka nawh, “Mawh kheu jao grawng hoik een maix rhawm tix ka simiang Siriya mai kheu jao ang maix lai een rhawm tix ka Siyiex Cao tix, mawh kheu nan, cub kru naing simiang haktiex Siriya khankix, hoik pon ti boek khaing tawm taix maix heue.

2 GRAWNG BEEN 19:2

Cao pa yaox riang susai Yehu kawn simex Hananix lih hu rieb nawh mai ah nin ka simiang Yehoshaphat, mawh sang caw maix ti teem ka pui caox mai hu mox ka pui pa koeng ka Siyiex lie? mawh kheu nan, pa song rhawm Siyiex koe piang maix yam in heue.

2 GRAWNG BEEN 25:15

Mawh kheu nan, krax song rhawm Siyiex hoik lih piang Amazix mai Nawh Cao ploi cao jhai hoek ka nawh tix kaux, ah nin ka nawh “Maix sawg ti yaox siyiex tang ceu khankix pa ang pon taoh ka pui tokaux cao nawh khaing daux tawm taix maix yuh ka mawx lie?

ISAYAX 38:1

Yan an Hezakix saux tom dex sang yum mai cao jhai Isayax kawn simex Amok, hu ah nin ka nawh, “Siyiex ah nin, tawm lox ka pui nyiex ma maix, mawh kheu maix tak sang yum mai ang lai im.”

ISAYAX 38:5

“Hu mai krai ka Hezakix, Siyiex, Siyiex keeing maix Davit ah nin, Aux hoik mhong lox rawg maix bwan, aux hoik yaox lih rawm ngai maix mai Aux tak baox toe ju maix kao phwan num.

ISAYAX 39:4

Isayax baox ah nin mawh hoik yaox kix patix ka nyiex maix lie? Hezakix deeh pawk ah nin, “Kix hoik yaox can pa koe daux nyiex aux khawmuik, khaing nyiex kraung sinngao aux, ang lai koe pa ang jhi kix yaox tix ceu kawx.”

YERAMIX 4:16

tawx satix ka pui haktiex an mai krai pao piang veng Yerusaliem, cao pau veng khankix hoek khaing haktiex pa kied singai mai yo lox tix lih piang veng haktiex Yudax heue.

YERAMIX 5:15

Siyiex ah nin, “Ceu pui Isarelax khankix eue, jhak heue, Aux tak sang viex ceu pui tix cub hoek khaing ka dee pa kied singai tix puing kix ka pex mawh ceu pui pa kied ting riang mai mawh ceu pui pa dawk koe tom dixdix, mawh pui ang pex tawng lox sikah kix mai ang tawng ka ceu pa krai kix heue.

YERAMIX 8:19

Nghiet ka lox riag yo kawn bun pui aux khankix khaing haktiex pa singai heue. Mawh ang Siyiex koe ka daux veng Zion lie? Mawh ang simiang koe ka daux veng lie? Kheu kix lai so krax song rhawm Aux ka riang rao krub pa saik kix mai ka riang rao krub pui tang meung khankix lie?

PINGNYAP 28:49

Siyiex tak viex ceu pui tix ceu khaing dee singai dee sidah haktiex mai kieh kix hoek puing ka maix, awm phai pu klang ting, pa mawh ceu pui pa ang maix sax tawng ka lox sikah kix.

YAWSUX 9:6

Kix hu ka Yawsux ka dee pan nawh, hawt baoh Gilagalax ah nin ka nawh mai ka pui Isarelax khankix. “Yix hoik kaoh khaing, haktiex singai ti dah. Mawh kheu nan, yam in, pex yuh gumlox sijax mukheu tix ceu tau mai yix liak.”

YAWSUX 9:9

Kix deeh ah nin ka nawh. “Siliex cawng maix khankix, mawh pa hoik hoek khaing meung dee singai ti dah, kheu jao min ceu kaux Siyiex leeing ju maix heue. Grawh grawng nawh, yix hoik mhong ka ao min ceu kaux Nawh Cao mai can ceu pa hoik yuh Nawh Cao ka daux haktiex meung Ejiptux khawmuik,