ISAYAX 26:9 - Wa Common Language Translation

⁹ Yam ponsawm, rhawm rhi aux sawg ka maix, yam ponngawb khwan aux sawg ka Maix heue. Mawh kheu yam ciyang Maix ka piang haktiex, can pui pa ot ka piang haktiex khankix, tak sang gau grawng krax pa rahsee heue.

ISAYAX 26:9 Iomraidhean Croise

MATHIEX 6:33

Pex sawg meung Siyiex mai pa rahsee Nawh phao ka ha mai Nawh tak baox tawx ceu in khawmuik ka pex heue.

YAOGYAW 119:62

Yam jhak aux ka krax prawng ca Maix hawt beenli khankix, aux kaoh yam greung sawm mai yaogyaw ka bwanson Maix heue.

YAOGYAW 63:1

Siyiex eue, Maix mawh Siyiex aux, aux coca ti sawg Maix heue. Ju aux kied simie ti lo ka Maix mai tokaux aux kied byaong ka Maix, awm haktiex kroh kram dee ang rawm koe heue.

MAKUX 1:35

Yam ponngawb yam ang praix bax mung riang, Nawh kaoh hu ka daux tiag tix dah mai rawg bwan dee an.

PLAK JHI 11:13

Ka daux bawg yam nari an tok kla reem ting mai veng kao son tix son grhup ka heue. Mai pa tok kla reem an pui yum aliah rheng mai pui pa deuk khankix kied lhat ka sigrien sigre mai yaogyaw ka Siyiex meung raoma heue.

LUKAX 6:12

Daux bawg yam ngaix an khankix, Nawh Cao haok ka gawng sonsang rawg bwan mai Nawh rawg bwan ka Siyiex leeing lang sawm heue.

ISAYAX 55:6

Sawg ka Siyiex, yam kawn pon pex ti sawg ka Nawh Cao, kok ka Nawh Cao yam dex Nawh Cao heue.

LOX KAB 8:17

Aux moh ka pui pa moh ka aux khankix, pui pa coca ti sawg ka aux khankix tak yaox ka aux heue.

YAOGYAW 58:11

Pui tang dah tak ah nin, pui pa rahsee khankix, pon bwanson tete te lai heue. Siyiex Cao pa prawng ca pa rahsee koe tete ka piang haktiex, kawn pui ah nan heue.

HOSE 5:15

Aux tak sang deeh ing ka dee ot Aux, tom hoek bawg yam deeh doh deud kix ka phimap pa lud tix heue. Khaix an, kix tak sawg ti yaox pakngai Aux, ka daux yam koe krax pa kha rhawm kix, kix tak sau riang tix sawg Aux heue.”

ISAYAX 27:9

Mawh kheu nan phimap phighram ceu pui Yakop tak mawh pa pon krax pluat ploi mai in mawh bwanson pa viex luan ka phimap phighram nawh, yam yuh nawh lon simaox khu dee tan khankix, awm simaox ceed pa hoik tawk tix phawng, tom ang riang rao pa mawh khaox Asherax khankix mai khu dee tan nyawng bhawng lai pon ti kaoh cung heue.

YAOGYAW 130:6

Aux krox jun ka gumlox Maix mai ju aux kawx, krox jun ka Siyiex nie lheu khaing kix, pa krox jun yam bah riang praix ponngawb heue.

YAOGYAW 64:9

Pui khankix khawmuik, lhat graung mai tawng pa yuh Siyiex mhawm mhawm mai krai ka pui khankix heue.

YAOGYAW 83:18

Kieh kix tawng ka ceu kaux Maix tix kaux khaing pa mawh Siyiex tix kaux khaing, Cao pa ting ka piang haktiex khawmuik liak.

YAOGYAW 78:34

Yam teei Nawh Cao kix yum, kix sawg ka Nawh Cao heue. Kix deeh hoek tix sawg ka Nawh Cao heue.

YAOGYAW 63:5

Ju aux hoik sak awm pa ih aux nex pa kluing pa bee mai jheeh aux tak gaux rhawm gaux rhi mai yaogyaw ka Maix heue.

YAOGYAW 105:7

Nawh Cao mawh Siyiex ex mai Nawh prawng ca ka piang haktiex khawmuik heue.

YAOGYAW 119:55

Siyiex eue, aux doh keud ka ceu kaux Maix bawg yam ponsawm mai hawt ka lox tawm beenli Maix heue.

ISAYAX 50:10

Mawh pui mawx ka daux sinax pex pa koe krax lhat graung ka Siyiex lie? Mawh pui mawx pa nghiet lox krai siliex nawh lie? Mawh pui mawx pa lailing ti hu ka daux pa faik mai pa ang koe pa riang, kieh nawh een rhawm tix ka daux ceu kaux Siyiex mai deuh rhawm tix ka Siyiex nawh heue.

YIIEM DOE 2:19

“Yaog ti kaoh mai kok yo plak ponsawm, yam jah praix ti riang, klup rhawm rhi maix lih awm rawm khankix, ka plak sivoe ngai Siyiex, yaog taix maix ka plak see Nawh, son ju kawn nyawm pa awn ju maix khankix, pa khrup rhawm ka cai rhawm tix, ka kaing krax ku krax heue.”

YIIEM DOE 3:25

Siyiex tak tawx bwanson ka pui ankix, pa krox jun Nawh mai ka ju pa sawg ti yaox Nawh heue.

YEZAKELAX 5:15

Mawh kheu nan an tak sang mawh pa salao sibriem pui mai krax pa tang pui phimap mai pa tawx krax gau krax sawn mai pa daox am, ka ceu pui pa hawt ot hawt vung viang maix khankix, yam tawx Aux krax ciyang ka piang pex tau mai krax pa song rhawm tix, ti sang koe lox ne ka pex khankix heue. Aux pa mawh Siyiex hoik krai ah nin heue.

1 GRAWNG BEEN 16:14

Nawh Cao mawh Siyiex ex, mawh cao pa prawng ca piang ca haktiex in khawmuik heue.