ISAYAX 26:3 - Wa Common Language Translation

³ Ka pui pa deuh rhawm tix ka Maix, Maix tak priex nawh ka daux krax pa nhim, mawh kheu nawh een rhawm tix ka Maix heue.

ISAYAX 26:3 Iomraidhean Croise

1 GRAWNG BEEN 5:20

Kix pon krax teem khaing Siyiex, cub ceu pui Hagarax mai can pui pa ot tau mai kix khankix hoik mawh pa ap ti ka daux tawm taix kix heue. Mawh kheu kix kok yo ka Siyiex ka daux biang naing, Nawh Cao nghiet lox rawg kix bwan kheu een kix rhawm tix ka daux Nawh Cao heue.

2 GRAWNG BEEN 13:18

Mawh kheu nan, ceu pui Isarelax khankix hoik som nai ka daux bawg yam an mai ceu pui Yudax khankix hoik pex ka kix, kheu jao hoik een kix rhawm tix ka Siyiex keeing kix heue.

2 GRAWNG BEEN 16:8

Mawh ang pui Ethiopia mai pui Lubim khankix hoik mawh cub kru naing pa kied ting tix cub tau mai pa koe tix ling lawx naing brung mai pui naing brung khankix tom kied nie haoh hun lie? Viang mawh nan, kheu hoik een maix rhawm tix ka Siyiex, Nawh Cao hoik ap ti tawx kix ka daux tawm taix maix heue.

YAOGYAW 119:165

Pui pa moh ka gumlox beenli Maix khankix, ang koe krax laux rhawm mai pon pa nhim tom nie heue.

YAOGYAW 125:1

Pui pa deuh rhawm ka Siyiex kaux cong jheung jheung, awm gawng Zion ang chix gah greed tix bawg kawx heue.

YAOGYAW 9:10

Pui pa tawng ka ceu kaux Maix khankix tak yum rhawm ka Maix heue. Grawh grawng nawh, Siyiex eue, Maix ang chix tik vud ka can pui pa sawg ka Maix heue.

ISAYAX 12:2

Jhak heue, Siyiex mawh cao taoh aux, aux tak een rhawm tix ka Nawh Cao mai ang koe krax pa lhat graung, mawh kheu Siyiex mawh riang rao aux mai mawh lai rhax aux, Nawh Cao hoik mawh cao pa taoh aux heue.

ISAYAX 26:12

Siyiex eue, Maix tak sang tawx krax pa nhim ka son yix, grawh grawng nawh, Maix hoik yuh ti tawx kaing yix khawmuik ka daux yix heue.

ISAYAX 27:5

Phan ang mawh nan, kieh nawh een rhawm tix ka riang rao Aux, sonsang yuh nawh paox pie mai Aux mai nawh tak yuh paox pie tau mai Aux heue.

ISAYAX 31:1

Kieh krax kha rhawm hoek ka pui an, pa lih hu ka Ejiptux, sonsang mhaing krax teem mai pa deuh rhawm ka brung, pa een rhawm ka ling lawx naing brung, kheu jao haoh hun mai een rhawm ka pui naing brung, kheu kied ting riang kix mai ang jhak ka cao pa singax singeh pui Isarelax mai ang chawk ka Siyiex.

ISAYAX 32:17

Bwanson pa mawh meh ak lih mawh pa nhim mai bwanson pa mawh meh ak mawh krax yiien yawg mai pa kaux cong leeing ju.

ISAYAX 32:18

Pui Aux khankix tak yaox ti ot ka dah dee pa nhim mai ka dah dee lawd luan mai ka dee laux lee pa yiien yawg.

ISAYAX 42:19

Lheu khaing kawncau Aux, mawh mawx pa dug, mawh pui mawx pa lheet awm cao cau ploi Aux, mawh pui mawx pa dug awm paox grawm Aux mai pui mawx pa dug ngai awm siliex Siyiex lie?

ISAYAX 42:6

“Aux mawh Siyiex hoik kok maix hoek ka daux pa rahsee, Aux tak giex mai priex ka maix, Aux hoik kieh maix mawh lai sijax mukheu son pui kuceu mai pa riang ka pui tang ceu.

ISAYAX 48:2

Kix kok cao tix mawh pui veng pa singax mai deuh rhawm tix ka Siyiex pui Isarelax, ceu kaux Nawh Cao mawh Siyiex cao kru naing raoma.

ISAYAX 49:8

Siyiex ah nin ka daux bawg yam pa khaw, Aux hoik pawk lox maix mai ka daux singaix krax taoh, Aux hoik teem ka maix, Aux hoik kia ngien ka maix mai kieh maix yuh sijax mukheu ka pui piang haktiex, sonsang pang ka haktiex, sonsang tawx sinngao ka haktiex dee yiien yawg.

ISAYAX 50:1

Siyiex ah nin, “Mawh koe lai grieh miex pex, pa hoik ploi aux nawh luan di mawx? Phan ang mawh nan, mawh hoik coh Aux pex ka ceuk rom Aux ka kaux pui mawx lie? Mawh kheu jao phimap pex, pex hoik kham krax pa coh tix mai mawh kheu jao pa lud pex khankix, miex pex tom mawh pa hoik ploi tix luan heue.

ISAYAX 50:10

Mawh pui mawx ka daux sinax pex pa koe krax lhat graung ka Siyiex lie? Mawh pui mawx pa nghiet lox krai siliex nawh lie? Mawh pui mawx pa lailing ti hu ka daux pa faik mai pa ang koe pa riang, kieh nawh een rhawm tix ka daux ceu kaux Siyiex mai deuh rhawm tix ka Siyiex nawh heue.

ISAYAX 66:12

Siyiex ah nin, “Jhak heue, Aux tak greed lang krax pa nhim rhawm ka nawh, awm rawm klawng mai kieh plakngai pui tang meung naog kreh nawh awm rawm klawng pa lih hu heue. Pex tak yaox ti peuex, pex tak mawh pa klien tix ka paw nyoi nawh mai mawh pa glaw tix ka piang ngawng nawh heue.

YERAMIX 39:18

Mawh kheu Aux tak sang taoh ka maix tete mai maix tak ang yum ka lawm vaig heue. Viang mawh nan, ju maix tak sang mawh pa awm kraung pa pon rhim ti teei, mawh kheu een maix rhawm tix ka Aux, Siyiex ah nin heue.”

DANYELAX 3:17

Phan an lih ti mawh nin, Siyiex pa krub yix mai pa yuh yix ti tawx kaing jhaw, mawh pa pon deeh taoh yix khaing daux glah ngu pa kied hax an, simiang eue, Nawh Cao tak deeh taoh yix khaing daux tawm taix maix heue.

DANYELAX 3:28

Simiang Nebukhaneza ah nin, “Kieh Siyiex Shadariet, Meshak mai Abedanego koe bwanson heue. Nawh Cao ploi kawncau tix taoh ka siliex Nawh khankix pa koe krax yum rhawm mai een rhawm ka Nawh Cao mai kix hoik lheu ka gumlox simiang mai hoik ap ti tawx tokaux tix son ang kix pon yuh ti tawx kaing jhaw mai ang cu ti krub ka siyiex tang kaux lheu khaing Siyiex kix heue.

DANYELAX 6:23

Yam an simiang kied koe krax gaux rhawm ka son nawh mai tawx gumlox tix, sonsang deeh teei kix Danyelax lih khaing daux kawg sivai sangsi mai krax pa mat tix ceu kawx ang yaox piang nawh, mawh kheu yum rhawm nawh ka Siyiex Cao tix heue.

MIKHA 5:5

Simiang in tak sang mawh krax pa nhim, yam hoek ceu pui Asurix ka daux haktiex ex mai yam dig nawh ka daux nyiex haw ex, ex tak sang yaog ti deuh cao liang yung aliah kaux mai simiang khankix daix kaux, puing ka nawh heue.

YOHAN 14:27

Aux deuh pa nhim mai pex, pa nhim Aux, Aux tawx ka pex. Pa tawx Aux ka pex ang awm pa tawx haktiex. Paw kieh rhawm pex koe krax khi rhawm, viang krax lhat graung kawx paw kieh koe awx.

YOHAN 16:33

Aux hoik krai lox ceu in khankix ka pex, sonsang koe pex pa nhim ka daux Aux, ka piang haktiex in pex tak yaox krax kha rhawm, viang mawh nan kieh koe rhawm cong awx, Aux hoik pex ka haktiex in heue.”

ROMAX 5:1

Mawh kheu hoik pon hoek ex krax rahsee kheu krax yum rhawm, ex tom koe pa nhim ka plak Siyiex kheu Simiang ex Yesux Khrit heue.

PHILIPPIX 4:7

pa nhim cie Siyiex, pa nie lang teung ting khaing krax tawng yung khawmuik, tak sang pau rhawm rhi pex mai pa keud pex ka daux Yesux Khrit heue.