ISAYAX 26:12 - Wa Common Language Translation

¹² Siyiex eue, Maix tak sang tawx krax pa nhim ka son yix, grawh grawng nawh, Maix hoik yuh ti tawx kaing yix khawmuik ka daux yix heue.

ISAYAX 26:12 Iomraidhean Croise

YAOGYAW 29:11

Siyiex tawx riang rao ka pui Nawh khankix mai Siyiex nawb bwanson pa nhim ka pui Nawh khankix heue.

YAOGYAW 57:2

Aux tak kok yo ka Siyiex Cao pa ting lhaong, Cao pa kieh see aux hoik mhawm heue.

YAOGYAW 57:3

Nawh Cao ot meung raoma mai taoh ka aux, pui pa ting rhawm ting rhi khankix kaig tua heue. Siyiex tak sang tawx krax caux rhawm mai sijax mukheu pa kaux hoek heue.

YAOGYAW 68:28

Siyiex eue, jhi ex yaox sibrawm Maix liak. Siyiex eue, kieh bwanson pa yuh Maix ka ex kaux cong liak.

YAOGYAW 90:17

Siyiex eue, kieh bwanson Maix hoek ka piang ex liak. Kieh kaing pa yuh ex, kaux cong son ex liak.

ISAYAX 26:3

Ka pui pa deuh rhawm tix ka Maix, Maix tak priex nawh ka daux krax pa nhim, mawh kheu nawh een rhawm tix ka Maix heue.

ISAYAX 27:5

Phan ang mawh nan, kieh nawh een rhawm tix ka riang rao Aux, sonsang yuh nawh paox pie mai Aux mai nawh tak yuh paox pie tau mai Aux heue.

ISAYAX 29:23

Mawh kheu yam yaox nawh ka kawn praix tix, pa mawh kaing yuh Aux ka taix tix, ka sinax nawh, kix tak yungyi ka ceu kaux Aux mai nab yam ka pa singax singeh Siyiex pui Yakop mai lhat graung ka Siyiex pui Isarelax.

ISAYAX 32:18

Pui Aux khankix tak yaox ti ot ka dah dee pa nhim mai ka dah dee lawd luan mai ka dee laux lee pa yiien yawg.

ISAYAX 57:10

Maix hoik taug mao kheu singai krax maix, viang mawh nan maix ang tie ah nin, “Krax keud pot jun pot ang lai koe heue. “Maix hoik yaox ka deeh koe riang rao plawng taix tix, mawh kheu nan maix ang lai koe krax pa laux rhawm ka heue.

ISAYAX 57:19

“Aux phan ti deuh siyieb jheeh khankix, kieh bwanson krax pa nhim koe ka pui pa ot dee singai mai ka pui pa ot dee dex heue. “Siyiex ah nin, “Aux tak pai krax saux nawh moi heue.”

ISAYAX 9:6

Grawh grawng nawh kawn ngie hoik keh son ex tix kaux, kawn simex tix kaux mawh pa hoik tawx tix ka ex, sibrawm krax kwang tak koe ka piang klip Nawh Cao heue. ceu kaux Nawh Cao tak kok mawh pa daox am, cao pa kwang, Siyiex pa ting riang ting rao, keeing leeing ju, Simiang cao pa nhim heue.

YERAMIX 33:6

Jhak heue, Aux tak sang viex krax pa nyawm ot siu koe hoek ka veng in, sonsang moi nawh, Aux tak sang pai kix mai deeh jhi kix yaox krax gaux rhawm pa ang jud jai, krax pa nhim mai pa mawh meh heue.

YEZAKELAX 20:14

Aux hoik yuh son min ceu kaux cao tix, son ang mawh pa salao ka plak sivoe ngai pui tang ceu pa hoik viex Aux pui Isarelax lih khaing kix heue.

YEZAKELAX 20:22

Aux deeh yoi taix tix mai hoik yuh son min ceu kaux cao tix son ang mawh pa salao ka sivoe ngai pui tang ceu, ka daux pui Isarelax pa hoik viex Aux lih khaing kix heue.

YEZAKELAX 20:9

Viang mawh nan, Aux hoik yuh son min ceu kaux cao tix son ang lai mawh pa salao ka plak sivoe pui tang ceu ka sinax dee ot kix mai jhi tokaux tix kieh kix tawng grawng pa viex Aux kix lih khaing meung Ejiptux heue.

YEZAKELAX 36:25

Khaix an Aux tak sang phreeh rawm pa singax ka piang pex mai pex tak singax khaing pa seeing brai tix, Aux tak kieh pex singax khaing riang grang pa krub tix.

SIMIN 6:26

kieh Simiang Siyiex maong ti jhak ka piang maix, mai tawx krax pa nhim ka maix.

YOHAN 14:27

Aux deuh pa nhim mai pex, pa nhim Aux, Aux tawx ka pex. Pa tawx Aux ka pex ang awm pa tawx haktiex. Paw kieh rhawm pex koe krax khi rhawm, viang krax lhat graung kawx paw kieh koe awx.

EFESUX 2:10

Ex mawh khaix taix Nawh, pa hoik phan hoik yuh ka daux Yesux Khrit, sonsang twah, yuh ceu pa mhawm, pa hoik grux cox Siyiex sonsang hu ex ka daux ceu an khankix heue.

PINGNYAP 30:6

Simiang Siyiex maix tak pat hak rhawm maix mai khawm hak rhawm doeh ru maix, sonsang moh maix ka Simiang Siyiex tix khawm rhawm tix mai khawm ju tix khawmuik sonsang pon maix ti im ju.

HEBRIE 13:20

Yam in kieh Siyiex cao pa nhim, pa hoik deeh viex Simiang ex Yesux lih khaing krax yum, pa mawh cao liang Yung pa ting, pa liang yung khankix, ka daux nham sijax mukheu leeing ju,