ISAYAX 26:11 - Wa Common Language Translation

¹¹ Siyiex eue, viang Maix hoik yaog taix ix kawx, kix ang cu ti jhak ti simi, viang mawh nan, kix tak yaox mai koe krax kaig tua, ka hoik koe rhawm rhi Maix ka pui khankix; ngu tak sang gleeing ti tik ka pui koeng Maix khankix heue.

ISAYAX 26:11 Iomraidhean Croise

YAWBAX 34:27

Grawh grawng nawh kix deeh veeh tix hu khaing Nawh Cao mai ang lai keud grawng krax Nawh Cao tix ceu kawx heue.

YAOGYAW 10:12

Siyiex eue, kaoh heue, Siyiex eue, yaog taix Maix liak, paw doh pi awm ka pui pa kha rhawm liak.

YAOGYAW 21:8

Taix Maix tak sipub ka pui pa koeng ka Maix khawmuik mai taix khawn dawm Maix tak sipub ka pui pa koeng pa khoi ka Maix heue.

YAOGYAW 28:5

Grawh grawng nawh, mawh kheu kix map ka pa hoik yuh Siyiex mai khaix taix pa hoik yuh Siyiex khankix, Nawh Cao ang kieh kix kaux cong mai yieh kix laux leeing heue.

YAOGYAW 78:63

Kieh sinaw khankix yum daux ngu mai ang kieh bunkrih khankix yaox tix koe mex.

YAOGYAW 86:17

Jhi aux yaox mhai ceu pa daox am pa mhawm mai kieh pui pa koeng ka aux, yaox mai kieh kix kaig tua liak. Grawh grawng nawh, Maix teem ka aux mai tawx pa nyawm rhawm liak.

LIH HU 9:14

“Mawh kheu yam in Aux tak ploi ceu pa kha rhawm khawmuik, ka daux rhawm rhi maix, ka piang kawncau maix mai ka piang pui maix, sonsang tawng maix ang pui pa awm Aux koe tix kaux kawx ka daux haktiex in khawmuik.

ISAYAX 1:31

Pa ting riang tak sang awm keei saix ngu mai kaing jhaw yuh nawh tak awm situah ngu an khawm ra gleeing tau mai pui tix kaux kawx tak ang pon preet kah heue.

ISAYAX 10:16

Mawh kheu nan, Siyiex cao kru naing raoma tak ploi krax pa krawx pa rhao hoek ka daux sinax can pui pa seeing brai khankix mai ka greem min pakngai Nawh, tak cap awm ngu pa proe heue.

ISAYAX 10:17

Pa riang ceu pui Isarelax khankix tak awm ngu pa proe mai cao pa singax Nawh tak awm rao ngu heue. An tak proe mai laux leeing yuh, pang kat lawm nawh mai khawm yeem yaw nawh khankix ka daux tix singaix ngie heue.

ISAYAX 11:13

Krax pa ghoing rhawm ceu pui Epharem khankix tak grai hu mai pui koeng riang ciang khoi ka ceu pui Yudax khankix tak mawh pa teei ti tik heue. Ceu pui Epharem tak ang lai koe krax ghoing rhawm ka ceu pui Yudax mai ceu pui Yudax kawx tak ang yuh krax pa koeng riang ciang khoi ka ceu pui Epharem heue.

ISAYAX 18:3

Can pui pa ot ka piang haktiex khankix mai pui pa ot ka piang tiex khankix eue, yam yaog nawh ti pak chix ka piang gawng khankix maix jhak heue. Yam phlu nawh teettawng mai nghiet heue.

ISAYAX 37:32

pui pa kawn deuk tak lih khaing veng Yerusaliem mai pui pa glawd tak lih khaing gawng Zion, mawh kheu Siyiex cao kru naing raoma koe rhawm ti yuh in.

ISAYAX 42:13

Siyiex tak lih awm pui naing pa ting riang mai so rhawm rhi tix, awm pui naing, Nawh Cao tak kok yo mai kok yo lox ting lhaong, Nawh Cao tak pex ka pui pa koeng Nawh Cao heue.

ISAYAX 44:18

Kix ang tawng tidtix mai kix ang doh rhawm, mawh kheu nyeep ngai kix tix, kix tom ang chix yaox tidtix mai rhawm kix kawx, hoik yeep tix kix tom ang doh rhawm kah heue.

ISAYAX 44:9

Pui pa yuh ka riang rao khankix, mawh pa giex going, pa khaw caw rhawm kix ang lai koe bwanson, kix kham sakse pa ang ti yaox mai pa ang tix tawng, kix tak pon krax kaig tua.

ISAYAX 5:24

Mawh kheu nan, awm voeg ngu ka brex nghox khankix laux leeing mai awm gleeing rao ngu ka kam khankix, awm an riah kix tak sang awm khaox rham mai pruh tai kix tak sang haok plak piang awm phawng tiex; grawh grawng nawh, kix hoik thiang ti tik ka gumlox Siyiex cao kru naing raoma mai hoik nu nai ka gumlox Siyiex cao pa singax singeh ceu pui Isarelax heue.

ISAYAX 59:17

Nawh Cao hoik ceep krax pa rahsee, mawh son kraung naing pa tieb tie naok mai ceep krax taoh mawh son mhok khri ka piang kaing. Nawh Cao hoik ceep pa pawk bix, mawh son kraung ceep mai hoik ceep krax pa koe rhawm ti mawh son sibex dhah heue.

ISAYAX 60:14

Kawn simex pui pa hoik yuh krax kha rhawm ka maix khankix, tak hoek num kaing tix ka maix mai pui khawmuik pa hoik nu nai ka maix, tak krub hawt caong maix, kix tak kok maix, mawh veng Siyiex, veng Zion cie Siyiex pa singax singeh ceu pui Isarelax heue.

ISAYAX 63:15

Jhak ti yaox khaing daux raoma mai kok puan khaing dee pa singax singeh mai dee koe min pakngai Maix heue. Krax pa kied koe rhawm Maix mai krax pa ting sibrawm Maix, koe dee mawx lie? Krax pa kied moh Maix mai krax pa caux rhawm Maix ka aux koe dee mawx lie?

ISAYAX 66:15

Jhak heue, Siyiex tak hoek awm ngu mai ling lawx naing bhaung Nawh, awm bhaung keu kang lux, sonsang jhi krax pa song rhawm Nawh awm taox ngu mai krax pa sivied gau Nawh awm rao ngu heue.

ISAYAX 66:24

Kix tak sang lih hu ti jhak ka tokaux pui pa hoik lud ka Aux. Mawh kheu viag pa koe daux kix ang chix yum mai ngu kix, mawh pa ang lai chix yeet. Kix tak mawh ceu pa seeing brai ka son pui khawmuik heue.”

ISAYAX 66:5

Pex pa koe krax graung ka gumlox Nawh Cao khankix eue, nghiet ka gumlox Nawh Cao heue. Puxaik pex khankix pa koeng ka pex, pa hoik grheu pex lih kheu jao ceu kaux Aux hoik sax ah nin, “Kieh Siyiex koe min plakngai, son tak sang pon ex ti yaox ka krax pa gaux rhawm pex. Viang mawh nan, kix tak mawh pa kaig tua heue.”

ISAYAX 9:18

Jao pa caox caig mawh pa proe awm ngu, an tak gleeing ti tik yeem yaw mai pang kat lawm khankix mai pa keeid tix ka daux yeem tiag khaox nong, kix tak haok awm taox ngu tom nie heue.

ISAYAX 9:19

Mawh kheu krax song rhawm Siyiex cao kru naing raoma, haktiex hoik mawh pa gleeing tix uik mai pui khankix tak mawh khix sai ngu pa gleeing heue. Puxke mai pux kawx, ang lai lhawk ka paox tix, tix kaux lai tix kaux heue.

ISAYAX 9:7

Krax pa haok hwan ting lhaong sibrawm Nawh mai krax pa nhim Nawh, tak ang koe dee sidah, ka piang dang ngeung simiang Davit mai ka piang meung haktiex Nawh, sonsang khre ti deuh mai pang ti deuh an kaux cong mai prawng ca ka daux krax pa rahsee, jah yam in hu sivoe ngai, tom hoek leeing ju heue. Krax pa kied koe rhawm koe rhi Siyiex Cao kru naing raoma tak yuh tix tawx in heue.

YERAMIX 44:28

Viang mawh nan, pui pa glawd khaing lawm vaig pa deeh ing khaing meung Ejiptux mai hoek ka haktiex meung Yudax mawh pa tux, pui lih hu ka meung Ejiptux, sonsang bang tan, tak tawng ka gumlox pa kaux cong mawh gumlox Aux pa kaux cong lie? Phan ang mawh nan, gumlox kix lie?

YERAMIX 5:3

Siyiex eue, ngai Maix Cao mawh pa simi ti jhak piang pa mawh meh ang mawh lie? Maix Cao hoik siviet tix gau ka kix, viang mawh nan, kix cu tix tieh loh rhawm tix, Maix Cao hoik yuh kix laux leeing, viang mawh nan, kix hoik thiang ti tik ka ceu pa sidiex gau maix heue. Kix hoik kieh pakngai tix lheu kiien khaing simaox, kix hoik thiang tix ang deeh ing heue.

MIKHA 5:9

Taix maix tak sang mawh pa yaog ti lhaong ka piang pui koeng maix khankix mai pui koeng maix tak sang mawh pa tat ti tik heue.

MIKHA 7:10

Yam an pui pa koeng ka aux, pa hoik sax ah nin ka aux, Siyiex maix pa mawh Siyiex leeing ju koe dee mawx lie? Yam yaox nawh ka ceu inkix krax kaig tua tak sang kheem ka piang nawh, ngai aux tak sang yaox ka nawh, nawh tak sang mawh pa dig tix greem caong, awm glaox pa koe ka piang krax khankix heue.

MIKHA 7:16

Ceu pui khankix tak sang yaox mai tak sang koe krax pa kaig tua ka daux riang rao pa kied ting lhaong kix khawmuik, kix tak teei taix tix thox ka jheeh tix mai yhaok kix tak sang mawh pa lheet kah heue.

MALAKHIX 4:1

“Jhak heue, Singaix an dex hoek mai awm ngu pa rup ka daux glah ngu mai can pui pa ting rhawm ting rhi an kix khawmuik, pa yuh kaing ceu pa caox caig, tak sang mawh nyhee pa kroh kroing. Singaix pa sang hoek an, tak gleeing ti tik kix, ang lai deuh khawm num khawm rao heue. Siyiex cao kru naing raoma ah nan heue.

MATHIEX 25:41

Yam an, ka kix pa ot plak taix khawn gwiex Nawh kawx, Nawh tak sang ah nin, pex pa mawh pa hoik jhax lawg eue, lih khaing Aux mai laig ka daux ngu leeing ju, pa hoik cox son phicaox mai kawncau nawh khankix heue.

LUKAX 16:23

Nawh kied kha rhawm daux meung yum, nawh yaog ngai tix jhak mai yaox ka Abraham dee singai, mai Lazarux ka daux naok Abraham heue.

KAWNCAU 28:27

Kheu rhawm pui ceu in hoik sivix mai yhaok kix ang hiex mhong mai kix hoik yip ngai tix, son ang kix sang yaox mai son ang yhaok kix chix mhong mai son ang rhawm kix chix tawng, deeh tieh hoek sonsang cox Aux ti kieh kix moi heue.

2 THESALONIX 1:8

mai pawk bix ka kix pa ang tawng ka Simiang Siyiex, ka kix pa ang cu nghiet ka lox bwan gaux rhawm Simiang ex Yesux Khrit.

HEBRIE 10:27

tak koe pa keud pot ce pot ceu pa lhat graung, grawng pa sang pon krax prawng mai pa song rhawm ngu pa tak sang gleeing ka kix pa koeng pa tieb tie khankix heue.

1 PETRUX 3:16

Kieh rhawm dee chix keud tawng pex ang koe dee deuh phimap ka tokaux tix, viang ah lox deuh phimap ka pex, awm mawh pex pui pa yuh pa caox kawx, kix pa nieb ah pa ang cee cak grawh grawng pa yuh pex ka daux Khrit, tak hoek krax kaig twa heue.

PLAK JHI 19:20

Giex ka totiag an mai ka khawm cao jhai pa ang mawh ang meh an tau mai nawh, pa hoik yuh mhai pa daox am ka sivoe nawh mai pa hoik teei mhai an kix tix pie lhen ka kix pa hoik pon mhai totiag an mai ka kix pa hoik krub ka riang grang nawh heue. Taing im kiex khawm ra ka daux nhawng ngu pa gleeing ka mhat heue.

PLAK JHI 3:9

Jhak heue, Aux tak kieh kix pa neuex ka nyiex sidiex Satan tiblah, kix pa dhua kix mawh pui Yudax mai kix ang tie mawh, viang mawh nan pa nieb pie lhen. Jhak heue, Aux tak kieh kix hoek ti krub ka sivoe caong maix mai tawng grawng pa moh Aux ka maix heue.

1 SAMOELAX 6:9

Mai pau ti jhak ka an, phan teug sijax mukheu lih hu ka haktiex cao tix, ka veng Bietshemiet mai Nawh Cao mawh pa yuh ceu pa caox pa kied ting in piang kaux ex mai phan ang cu ti hu ex tak tawng ang mawh taix Nawh Cao pa yuh ex, ex tak tawng an mawh pa tang lih ti mawh piang ex, pa ang ex keud ce.”