ISAYAX 26:10 - Wa Common Language Translation

¹⁰ Viang bwanson mawh pa hoik yuh tix ka pui pa caox caig kawx, nawh tak ang lai gau ti tawng krax pa rahsee heue. Ka daux haktiex koe krax pa rahsee kawx, nawh tak yuh krax pa ang rahsee mai tak ang lai koe krax jhak ka min sibrawm kwang Siyiex heue.

ISAYAX 26:10 Iomraidhean Croise

2 SIMIANG 13:6

Viang yuh ka mawx kawx, kix ang lai gah tix khaing phima pa hoik yuh doeh nyiex ma Yerobom khankix, pa hoik kieh pui Isarelax khan kix koe pa lud mai lawng ka daux ankix; mai khaox rong riang grang siyiex Asherax khankix kawn koe ka daux veng Samarix heue.

YAOGYAW 106:43

Viang Nawh Cao hoik taoh ka kix, tom nie bawg kawx kix ca keud krax tieh feen, kheu phimap pa yuh kix heue.

YAOGYAW 143:10

Gau ka aux, sonsang chix hawt aux alo Maix liak, Maix mawh Siyiex aux heue. Kieh Khwan singax Maix thong aux hu ka dee lung dee mhawm liak.

YAOGYAW 69:27

Baox thie phimap ka piang phimap ka kix, paw kieh kix laig ka daux pa rahsee Maix.

LIH HU 8:15

Yam yaox Pharaw ka hoik yiien ceu an khankix, nawh deeh kiien rhawm mai ang nghiet lox kix, awm pa hoik krai Siyiex heue.

LIH HU 9:30

“Viang mawh nan, son maix mai kawncau maix khankix, aux tawng ang pex nyang lhat graung ka Siyiex tom yam in.”

LIH HU 9:34

Yam hoik yaox Pharaw ka hoik yiien lhiex pre mai lox sinum praix khankix, nawh deeh baox lud mai rhawm rhi nawh deeh kiien tau mai kawncau nawh khankix.

LOX KAB 1:32

Pui pa ang koe pingnya, lud krax mai hoek krax som ju heue. Pui caox khankix, ang koe satix mai hoek krax laux leeing heue.

SIDIEX 3:16

Lheu khaing an ka greem singaix aux hoik yaox ka koe dee prawng see pa caox caig tan mai ka dah dee koe pa rahsee, pa caox caig kawx koe tan heue.

SIDIEX 8:11

Grawh grawng nawh mawh kheu ang khran ciyang piang kaing pa caox caig an khankix phaiphai, rhawm kawn pui khankix hoik naog ka ceu pa sang simie ti yuh ka pa caox heue.

ISAYAX 1:21

Veng pa kaux sijax hoik lih ti mawh bun pa coh kaux yuh ka mawx lie? An hoik mawh pa naog pa rahsee, krax pa mawh meh hoik ot ka daux nawh glang ka in heue. Viang mawh nan, yam in mawh deeh ot cao pa pah ju pui yum heue.

ISAYAX 2:10

Laig ka daux simaox rang mai mox tix ka daux phawng tiex, khaing krax pa glhat Siyiex mai khaing min sibrawm pa ting lhaong Nawh heue.

ISAYAX 24:5

Meung haktiex hoik seeing brai greem pui pa ot ka piang nawh khankix heue. Mawh kheu hoik lheu kix ka gumlox beenli mai hoik tieh kix ka lox tat jhawm prawng mai hoik yieh ti tik gumlox sijax mukheu leeing ju heue.

ISAYAX 27:13

Ka daux singaix an tak phlu lox teettawng pa ting sinum mai kix pa tak sang grai grup ka daux haktiex Asurix khankix mai kix pa hoik tik vud tix ka daux meung Ejiptux, tak bleeh tix hoek mai kix tak krup Siyiex ka piang gawng singax singeh pa koe ka daux veng Yerusaliem heue.

ISAYAX 32:6

Mawh kheu pui pheem tak sikah lox pheem mai rhawm nawh keud pa caox caig, sonsang yuh pa ang rahsee, sonsang ah lox pa lud ka Siyiex mai sonsang kieh pui cai rhawm nie lheu cai rhawm mai kieh pui pa sang nyaux nie rawm nie lheu sang nyaux rawm.

ISAYAX 32:7

Kraung shiao pui pheem mawh pa caox, nawh keud ngie kaing pa caox, sonsang yuh pui hot laux leeing ka lox pie, viang lox sikah pui pa cud cha rahsee kawx.

ISAYAX 5:12

Ting feuk mai ting si khankix, ting plah khaox mai shiao mai rawm plix siiet khankix koe ka daux pawie heue. Viang mawh nan kix ang yuh ti dex dawd mai kaing Siyiex mai ang koe krax keud ka pa yuh Nawh cao ka taix tix heue.

YERAMIX 2:7

Aux hoik viex pex laig ka daux haktiex dee pa kied nyawm tix ot, sonsang yaox pex tix ih plix nawh mai bee pa mhawm nawh khankix heue. Viang mawh nan, yam hoik laig pex, pex yuh haktiex Aux mawh pa caox caig mai hoik yuh sinngao Aux mawh pa seeing brai heue.

YERAMIX 31:23

Siyiex Cao kru naing raoma pa mawh Siyiex ceu pui Isarelax khankix ah nin, “Kix tak sang deeh shiao gumlox in ka daux meung Yudax mai ka daux veng khankix, yam deeh viex Aux kix hoek khaing krax pa giex laung, haktiex dee koe pa rahsee mai gawng pa singax singeh eue, kieh Siyiex nawb bwan ka maix heue.

HOSE 11:7

Pui Aux khankix hoik veeh ti hu khaing Aux, viang cao jhai khankix kok yo kix deeh hoek ka Siyiex Cao pa kied ting lhaong kawx, pui khawmuik ang tie yaog min Nawh lhaong heue.

HOSE 13:6

Yam hoik tawx Aux pa ih ka kix, kix hoik ih tom sak heue. Kix hoik sak mai rhawm kix hoik yaog ti ting lhaong, mawh kheu nan, kix hoik piawm ka Aux heue.

HOSE 9:3

Kix tak ang pon ti ot ka daux haktiex cie Siyiex mai Epharem tak sang deeh yaox ti ing ka meung Ejiptux mai tak sang yaox ti ih ceu pa ang singax khankix, ka daux haktiex Asurix heue.

MIKHA 2:10

Pex yaog ti kaoh mai hu heue, grawh grawng nawh, in ang tie mawh dee pa sang laux lee pex tix, kheu mawh dah dee pa hoik seeing brai mai pa tak sang kieh pex koe krax laux leeing, tom hoik kied ting krax pa laux leeing pex heue.

MATHIEX 4:5

Yam an Phicaox baoh viex Nawh hu ka daux veng singax mai deuh Nawh piang dee choek nyiex bwan.

PINGNYAP 32:15

Viang mawh nan, Yeshurun baox nie kluing nie bee mai deeh tiied ka caong ti, khaix nie kluing nie plang kaux hak nawh, klon bee hoik kheem piang nawh, khaix an nawh tik vud ka Siyiex, pa phan deuh nawh mai nunai ka rang ting pa mawh krax taoh nawh.

PLAK JHI 2:21

Aux hoik tawx bawg yam ka kiex, sonsang doh keud kiex ka phimap tix mai ang kiex koe rhawm ti sang doh keud ka pa lud vao tix heue.

1 SAMOELAX 15:17

Samoelax ah nin, “Viang maix mawh pa iak ka daux ngai cao tix kawx maix hoik mawh cao kaing doeh nyiex ma pui Isarelax mai Simiang Siyiex hoik groi rawm bee ka maix sonsang mawh maix simiang piang pui Isarelax ang mawh lie?