ISAYAX 26:1 - Wa Common Language Translation

¹ Ka daux singaix an, lai rhax in tak sang mawh pa rhax tix ka daux meung Yudax ah nin, ex hoik koe veng pa kaux cong, Siyiex tak sang yuh ti deuh bwanson krax taoh pa mawh guh veng khankix mai son pa tieb tie naing khankix heue.

ISAYAX 26:1 Iomraidhean Croise

EZARAX 3:11

Kix rhax lai pa deeh ra lai pawk ka paox tix, ka daux krax pa yaogyaw mai ting bwanson ka Siyiex ah nin; “Mawh kheu Nawh Cao mawh pa mhawm mawh kheu pa caux rhawm Nawh Cao kaux cong leeing ju son ceu pui Isarelax heue. “Khaix an pui khawmuik kok yo lox sinum ka daux krax pa yaogyaw kix ka Siyiex, kheu hoik sum kix jaong num nyiex bwan Siyiex heue.

YAOGYAW 31:21

Kieh Siyiex koe bwanson liak, grawh grawng nawh, Maix hoik jhi krax moh krax rhawm pa daox am ka aux, ka daux veng Maix pa kaux cong heue.

YAOGYAW 48:12

Hawt rob vung viang veng Zion mai simin ti deuh ka nyiex pa ting lhaong khankix,

YAOGYAW 48:4

Jhak heue, simiang khankix, hoek ti kum kawng mai paox tix heue.

ISAYAX 12:1

Ka daux singaix an maix tak ah nin “Siyiex eue, aux tak sang yaog yaw ka Maix Cao, viang Maix Cao hoik song rhawm ka aux kawx krax pa song rhawm Maix Cao hoik veeh tix grai hu mai Maix Cao hoik kieh aux nyawm rhawm heue.

ISAYAX 14:31

Siviex eue, ngia heue, veng eue yiiem yo heue, pui haktiex khawmuik eue maix hoik daox hoik aw heue, mawh kheu taox ngu tak sang hoek khaing plak laong mai cub nawh ang koe pa tang ot nong nong heue.

ISAYAX 2:11

Pui pa lhaong jhak khankix tak yeen tiem, pui pa ting rhawm tak gup kaing tix mai mawh Siyiex tix kaux khaing, pa yaog tix ting lhaong ka daux singaix an heue.

ISAYAX 2:20

Ka daux singaix an pui tak tik vud ka riang rao mau mai khri pa hoik yuh kix ti krub son tokaux cao tix, ka beei mai blak khankix.

ISAYAX 25:9

Ka daux singaix an, kix tak sang ah nin jhak heue, in mawh Siyiex ex, pa krox jun ex, Nawh Cao tak sang taoh ex heue. In mawh Siyiex, pa krox jun ex, ex tak sang koe krax gaux rhawm ka daux bwanson krax pa taoh Nawh Cao heue.

ISAYAX 31:5

Awm awm u sim kawn tix, awm an Siyiex cao kru naing raoma tak tieb tie ka veng Yerusaliem, Nawh Cao tak tieb tie mai taoh kah, Nawh Cao tak priex rien mai teem kah.

ISAYAX 31:9

Rang ting nawh tak to mai lhat graung mai cub simiang greem nawh tak lhat graung ka pak tix chix tix, Siyiex pa koe rao ngu ka Zion mai pa koe glah ngu ka Yerusaliem ah nan heue.

ISAYAX 33:5

Siyiex mawh pa yaog ting lhaong kah, mawh kheu Nawh Cao ot ka piang dee lhaong, Nawh Cao hoik naok yuh veng Zion ka pa rahsee mai pa mawh meh.

ISAYAX 33:6

Pingnya mai krax tawng yung, tak mawh pa kaux cong ka daux baux yam im ju maix mai pa naog ka bwanson krax taoh, krax lhat graung ka Siyiex mawh sinngao nawh.

ISAYAX 4:2

Ka daux singaix an, nyoig kak khaox Siyiex, tak mawh pa mhawm grang ti yaox mai pa koe min sibrawm mai plix piang tiex khankix tak mawh pa kied lheu mhawm mai pa fah rhawm son ceu pui Isarelax pa hoik pon glawd khankix heue.

ISAYAX 5:1

Yam in kieh aux ah lai rhax son paox moh dud aux, lai rhax paox moh dud aux pa dex dawd mai sipeem plix siiet nawh heue. Paox moh dud aux koe sipeem plix siiet tix gwang, ka piang ton gawng pa kied mhawm phon heue.

ISAYAX 56:5

Aux tak kieh kix ot daux nyiex Aux mai ka daux lawg Aux, koe krax pa doh keud mai ceu kaux pa nie lheu mhawm khaing pa koe kawn simex kawn bun khankix, Aux tak tawx ceu kaux leeing ju ka kix pa ang lai mawh pa tat ti tik heue.

ISAYAX 60:18

Krax pa kin tak ang lai mhong tix ka daux haktiex maix khaix in, krax pa nai pa nawk mai krax pa laux leeing kawx, tak ang lai koe ka daux sinax mee haktiex maix khankix heue. Viang mawh nan maix tak kok guh veng maix mawh krax taoh mai siviex veng maix mawh krax yaog yaw heue.

ISAYAX 62:10

Lih hu heue, lih hu khaing daux siviex, khre daux krax hu son pui khankix heue. Kheem ti sau tiex heue. Kheem tix sau tiex ka daux krax ting. Sut ti tik lon simaox yaog ti pak chix son pui khawmuik heue.

ISAYAX 62:11

Jhak heue, Siyiex hoik krai pao tom hoek ka dee sidah sidu haktiex mai ah nin ka kawn bun veng Zion, cao taoh maix hoik hoek, jhak heue, totaix koe tau mai Nawh Cao mai krax pa deeh viex ti tawx koe ka plak sivoe Nawh Cao heue.

YERAMIX 33:11

Khaix an tak mhong lox gaux rhawm mai lox nyawm rhawm, lox simex sang yuh ka paox mai lox bun sang yuh ka paox mai lox pui pa sang ah nin, “Yaogyaw ka Siyiex Cao kru naing raoma, grawh grawng nawh, Siyiex mawh pa mhawm mai krax caux rhawm Nawh Cao kaux cong leeing ju, mai lox pui pa sang viex krax tan pa appong krax pa yaogyaw ka daux nyiex bwan Siyiex heue. Grawh grawng nawh, Aux tak sang kieh pui pa giex laung daux haktiex an khankix deeh hoek mai ot awm phao voe Siyiex ah nin heue.

YEZAKELAX 40:5

Jhak heue, guh veng hoek hawt vung viang plak praix nyiex bwan, ka daux taix pui an koe khaox diag tiag pa lang liah sawk ka tix gawng, tix diag khaox an koe been tix sawk mai tix tiag taix mai nawh tiag ti yaox ka krax vieh guh veng an koe tix diag khaox tiag an tix gawng mai krax lhaong kawx awm an heue.

ZAKHARIX 2:5

Siyiex ah nin “Aux tak sang mawh guh veng ngu ka hawt vung viang nawh mai mawh min pakngai ka daux sigreung nawh heue.

ZAKHARIX 2:9

Jhak heue, Aux sang sau taix tix ka kix mai kix tak sang lih mawh kraung pa hoik tud rhim ti laux leeing son siliex kix heue. Khaix an, pex tak tawng ka hoik ploi Siyiex cao kru naing raoma Aux hoek heue.

SIMIN 21:17

Pui Isarelax khankix ah lai rhax, “Rawm daux eue, kieh rawm maix lih liak! mai rhax lai sonsang lih rawm.

MATHIEX 16:18

Aux krai ka maix, maix mawh Petrux mai Aux tak sum ceucao Aux piang simaox in mai siviex meung yum ang doh pex ka ceu cao an heue.