ISAYAX 2:8 - Wa Common Language Translation

⁸ Haktiex kix kawx naog ka riang rao, kix krub ka pa yuh kix ka taix cao kix, ka pa hoik yuh kix ka gien taix cao kix heue.

ISAYAX 2:8 Iomraidhean Croise

PLAK JHI 9:20

Kawn pui pa deuk khankix pa ang yum ka preng in loe ceu, ang lai doh keud ka phimap, kaing ceu pa hoik yuh kix ka taix tix, yuh ka mawx son ang kix sang krub ka phicaox mai ka riang grang khankix, pa yuh ka khri mai ka mau mai ka tawng lheung mai ka simaox mai ka khaox, pa mawh pa ang chix yaox, chix mhong mai pa ang chix hu heue.

YERAMIX 2:28

Mawh kheu nan, siyiex pa hoik yuh maix son tokaux tix koe dee mawx lie? Phan kix pon taoh ka maix kieh kix kaoh mai taoh ka maix yam yaox maix krax pa kha rhawm heue. O meung Yudax eue, koe veng maix haoh hun miex ding, siyiex maix kawx haoh hun awm an heue.

ISAYAX 37:19

“hoik tik siyiex krub kix ka daux ngu, mawh kheu ang kix mawh siyiex mai mawh ngie kaing taix yuh pui ka khaox mai lon simaox, mawh kheu nan, kix tom yuh laux leeing.

KAWNCAU 17:16

Yam kawn krox jun Pawlux ka kiex daux veng Athen mai yaox riang grang hoik naog daux veng an, nawh chu rhawm kah heue.

HOSE 14:3

Asurix tak ang lai pon taoh ka yix, yix tak ang lai brug brung mai yix tak ang lai ah nin ka kaing pa yuh taix yix khankix khaix in pie tix bawg kawx maix mawh Siyiex heue. Grawh grawng nawh, ka daux Maix Cao, kawn doe yaox ti pon krax pa caux rhawm heue.

HOSE 13:2

Yam in kix baox lud tix bawg hoik tix bawg mai hoik raug ti yuh riang grang ka mau khankix ka son tokaux kix, awm koe krax pa min yuh kix kaing khankix, an khawmuik mawh kaing yuh cao pa yuh kaing taix khaing heue. Koe pui pa ah nin ka kix, “Kieh pui khankix pa appong ti tan ngheet ka riang grang kawn mawie iak an heue.

HOSE 12:11

Haktiex Gilat ang koe phimap lie? Kix hoik mawh pa giex going khawmuik. Kix appong ti tan mawie khankix ka daux veng Gilagalax, khu dee tan kix tak sang awm pum nyhee ka daux rawng daux tong kaung khankix heue.

YERAMIX 11:13

Meung Yudax eue, awm koe carang veng pex miex ding, siyiex pex khankix kawx koe ding an mai awm koe carang krax veng Yerusaliem miex ding, pex kawx hoik sum ti deuh khu dee tan ding an ka ceu pa kaig tua pa sang gleeing ti nyawng bhawng ka siyiex Balax heue.

ISAYAX 57:5

Pex pa koe rhawm ka riang griang khankix pa koe greem khaox klai khankix, pa pah kawn nyawm ka daux ngawd daux lung mai ka greem daux doh rang khankix lie?

ISAYAX 17:8

Kix tak maong ti jhak ka khu dee tan, pa hoik yuh kix ka taix cao tix khankix, kix tak ang jhak ka ceu pa hoik yuh ka giien taix tix khankix, riang rao pa mawh khaox Asherax an kix mai ka khawm khu dee tan nyawng bhawng khankix heue.

2 GRAWNG BEEN 27:2

Viang ang nawh laig ka daux nyiex bwan Siyiex kawx, nawh yuh pa khaw caw ka plak sivoe ngai Siyiex awm pa hoik yuh keeing nawh Uziya khawmuik heue. Viang mawh nan, pui khankix kawn ca yuh krax pa caox heue.

PINGNYAP 4:28

Ka dee an pex tak yuh kaing jhaw siyiex pa yuh ka taix tix, pa mawh khaox, simaox, pa ang chix yaox, pa ang chix mhong, pa ang chix ih mai pa ang chix ngheet.

HOSE 8:6

Rieng kawn mawie an hoik mawh pa lih khaing ceu pui Isarelax, mawh pui yuh kaing taix tix kaux pa yuh ka an mai ang tie mawh siyiex, mawh kheu nan, riang kawn mawie Samarix tak sang mawh pa phawng heue.

1 SIMIANG 16:7

Mai gumlox Simiang Siyiex hoek ka cao jhai Yehu kawn simex Hananix, ka son Basha mai ka doeh nyiex ma nawh, kheu jao pa caox caig yuh nawh ka plak sivoe ngai Simiang Siyiex khankix hoik kieh Nawh Cao song rhawm, ka kaing pa yuh nawh ka taix ti awm pa yuh doeh nyiex ma Yerobom kheu jao hoik pah nawh doeh nyiex ma kix yum heue.

ISAYAX 26:13

Siyiex eue, lheu khaing Maix simiang tang kaux hoik koe krax pa kwang ka piang yix, viang mawh nan, yix tak yuh krax yaogyaw ka ceu kaux Maix nong nong heue.

ISAYAX 40:19

Rieng grang mawh pa raug cang lhaw, cao chix kraung mau mawh pa om khri mai pa raug soi mau.

ISAYAX 41:29

Jhak heue, siyiex an khankix mawh pa giex going, kaing yuh kix kawx ang koe ceu, riang rao raug kix kawx mawh bhaung pa giex going heue.

YERAMIX 1:16

Aux tak prawng ca ka kix awm pa caox caig yuh kix khawmuik, grawh grawng nawh, kix hoik tik hoik vud ka Aux mai gleeing nyawng bhawng ka siyiex tang kaux tang hak khankix mai hoik krub ka kaing pa yuh ka taix cao tix heue.

2 SIMIANG 17:10

Kix sum riang rong simaox mai riang khaox siyiex Asherax khankix ka piang gawng lhaong ku gawng mai ka greem khaox klai ku pang son tix heue.

2 SIMIANG 17:16

Mawh kheu kix hoik tik vud gumlox ping nyap Siyiex khankix mai kix hoik rawg tix cie riang kawn mawie iak ra mu mai kix baox yuh riang khaox siyiex Asherax tix mu mai krub ka can ceu pa koe piang raoma mai yuh kaing jhaw siyiex Balax heue.

MIKHA 5:12

Aux tak sang tat ti tik pui pa koe preu khaing daux taix maix mai maix tak ang lai koe cao pa sibawk khankix heue.