ISAYAX 2:4 - Wa Common Language Translation

⁴ Nawh Cao tak prawng ka daux sinax ceu pui khankix mai tak ah ka pui khankix tom nie kix tak lhaw vaid lawm ti mawh tothai mai deeh tawk plia ti mawh sivawg, tix meung mai tix meung tak ang lai puing puah paox tix mai kix tak ang lai yaox ti gau grawng naing tix bawg kawx heue.

ISAYAX 2:4 Iomraidhean Croise

YAOGYAW 110:6

Nawh tak prawng ca ka pui tang ceu khankix heue. Nawh kieh tokaux pui pa yum tah hu kudauh kudee mai pah kaing kix sau ka daux tiex pa ting pa vieh heue.

YAOGYAW 46:10

Ot yiien yawg mai kieh pex tawng, grawng mawh Aux Siyiex awx. Aux mawh Siyiex pa ting sibrawm piang kawn pui mai piang haktiex khawmuik heue.

YAOGYAW 46:9

Nawh Cao raig ak mai pliah pot, baux mawx baux an mai teei ngu gleeing ti tik ka ling khankix mai kieh naing yiien tom sidah haktiex khawmuik heue.

YAOGYAW 82:8

Siyiex eue, kaoh mai prawng ca ka haktiex liak, grawh grawng nawh, kawn pui khawmuik mawh cie Maix heue.

YAOGYAW 96:13

Grawh grawng nawh, Nawh Cao lih hoek ti prawng ca ka kawn pui haktiex heue. Nawh Cao tak prawng ca ka haktiex hawt beenli pa rahsee mai ka kawn pui hawt awm sijax mukheu Nawh heue.

ISAYAX 32:17

Bwanson pa mawh meh ak lih mawh pa nhim mai bwanson pa mawh meh ak mawh krax yiien yawg mai pa kaux cong leeing ju.

ISAYAX 32:18

Pui Aux khankix tak yaox ti ot ka dah dee pa nhim mai ka dah dee lawd luan mai ka dee laux lee pa yiien yawg.

ISAYAX 33:22

Siyiex mawh cao prawng see ka ex, Siyiex mawh cao kwang ka ex, Siyiex mawh simiang ex, Nawh Cao tak taoh ex.

ISAYAX 42:1

Jhak ka kawncau Aux, pa yaog Aux kah, pa mawh pui laug Aux, pui pa khaw rhawm Aux, Aux hoik deuh khwan tix ka piang nawh, nawh tak viex pa rahsee hoek ka pui kuceu.

ISAYAX 42:3

Nawh ang raig gawng priem graig mai ang preet ka ngu pa hoik laix yeet, Nawh tak viex pa rahsee mai pa mawh meh hoek.

ISAYAX 9:5

Grawh grawng nawh, kiep ceep pui naing khankix khaing dee pa kied sinum lox naing mai kraung ceep pa hoik caux ka daux nham khankix, tak mawh pa shiao tix son sai ngu mai gleeing kah heue.

ISAYAX 9:7

Krax pa haok hwan ting lhaong sibrawm Nawh mai krax pa nhim Nawh, tak ang koe dee sidah, ka piang dang ngeung simiang Davit mai ka piang meung haktiex Nawh, sonsang khre ti deuh mai pang ti deuh an kaux cong mai prawng ca ka daux krax pa rahsee, jah yam in hu sivoe ngai, tom hoek leeing ju heue. Krax pa kied koe rhawm koe rhi Siyiex Cao kru naing raoma tak yuh tix tawx in heue.

HOSE 2:18

Ka daux singaix an, Aux tak sang yuh sijax mukheu tau mai totiag daux tiag khankix mai sim sai daux raoma khankix mai khawm ceu pa chix mu ti hu piang tiex heue. Ak mai vaig pa shiao tix daux naing khankix, Aux tak sang raig pot khaing piang haktiex, sonsang kieh kix nyawm it nyawm tum heue.

HOSE 2:20

Aux tak sang teei maix mawh cie Aux, ka daux pa kaux sijax mai maix tak tawng ka Siyiex heue.

YOLAX 3:10

Tawk to thai pex khankix mawh vaig lawm mai sivawg pex mawh pliah, kieh pa iak riang ah nin, Aux mawh pa koe riang rao heue.

YOLAX 3:12

Kieh ceu pui khawmuik so ti kaoh mai haok ka daux ngawd Yehoshaphat heue. Grawh grawng nawh, Aux tak sang ngawm ti ciyang ka ceu pui pa ot hawt vung viang khankix khawmuik heue.

MIKHA 4:3

Nawh Cao tak sang prawng ca ka daux sinax pui khankix tom nie mai sidiex gau ka ceu pui pa kied ting riang rao an pa koe ka dee singai heue, kix tak sang tawk vaig lawm tix deeh mawh to thai mai yuh pliah kix deeh mawh sivawg heue. Meung in tak ang lai yaog vaid tix puing ka meung an mai kix tak ang lai gau ti puing naing khaix in tibawg kawx heue.

ZAKHARIX 9:10

Aux tak sang tat ti tik ling lawx naing khaing Epharem mai brung naing khaing veng Yerusaliem, ak yuh naing khankix tak sang mawh pa tat ti tik uik heue. Nawh tak sang sikah lox pa nhim ka ceu pui khankix, dee kwang dee pang Nawh, tak sang mawh pa jah khaing rawm sigrit sigra in tom hoek ka rawm sigrit sigra an mai jah khaing rawm klawng ting tom hoek ka dee sidah sidu haktiex heue.”

KAWNCAU 17:31

Mawh kheu hoik ciak Nawh ti deuh tix ngaix, yam tak sang prawng ca Nawh haktiex in ka daux pa rahsee, ka Pui pa hoik laug Nawh tix kaux, Nawh hoik plak pui khawmuik yaox mhai rug pa kaux, ka daux ceu pa hoik kieh Nawh Cao deeh kaoh khaing krax yum heue.”

PLAK JHI 19:11

Aux yaox hoik baoh raoma.Jhak heue, lih bleeh brung paing tix mu mai Kaw pa ngawm piang brung an, kok ceu kaux Nawh mawh, “Pa kaux sijax mai pa mawh pa meh.” Nawh prawng ca mai yuh naing ka daux pa rahsee heue.

1 SAMOELAX 2:10

Pui pa koeng Simiang Siyiex ka khankix tak laux phawng vid, Nawh Cao kieh sinum praix khaing raoma tuh ka kix, Simiang Siyiex ciyang tom sidah haktiex, Nawh tak mawh riang rao ka simiang Nawh Cao mai yaog siawp sibrawm pui pa hoik groi Nawh Cao bee ka.”