ISAYAX 2:2 - Wa Common Language Translation

² Ka daux singaix bawg phao khaix, nyiex bwan Siyiex, tak sang pang tix ka piang choek gawng khankix mai tak sang yaog tix lhaong ka piang ton khankix mai can pui khawmuik tak lih hu ka tan heue.

ISAYAX 2:2 Iomraidhean Croise

YAM JAH 49:1

Yakop kok ka kawn simex tix khankix ah nin, “Khrawm paox tix tau, aux sang krai pex mhong pa sang lih hoek ti mawh piang pex sivoe ngai heue.

YAWBAX 19:25

Mawh kheu tawng aux ka im ju cao pa taoh aux mai Nawh Cao tak cung piang tiex yam sidah praix,

YAOGYAW 102:23

Nawh Cao kieh riang rao aux dieh hu, ka daux krax pa hu aux mai kieh singaix bawg yam aux dawd hu heue.

YAOGYAW 2:8

Rawg ka Aux heue, Aux tak sang tawx ceu pui khawmuik ka maix mai haktiex khawmuik kawx mawh cie maix heue.

YAOGYAW 22:27

Dee sidah haktiex khawmuik, tak sang doh keud mai deeh tieh tix hoek ka Siyiex, pui kuceu khawmuik, tak sang krub plak sivoe ngai Maix heue.

YAOGYAW 22:28

Grawh grawng nawh, piang haktiex khawmuik, hoik mawh meung cie Nawh mai Nawh Cao kwang ka piang pui khawmuik heue.

YAOGYAW 48:2

Gawng Zion mawh pa lhaong mai pa mhawm grang mai mawh dee gaux rhawm ka piang haktiex khawmuik, ka daog plak laong mawh dee koe veng Simiang pa ting lhaong heue.

YAOGYAW 68:17

Ling brung cie Siyiex pa nie lheu khaing kaing mheen kaing sien, lih hoek khaing gawng Sina mai hu ka dee ot pa singax singeh heue.

YAOGYAW 72:8

Rawm sigrit sigra tix mu tom sidah hoik tix mu mai rawm klawng ting tix klawng hoik tix klawng, tom sidah haktiex nawh tak sang giex kaing heue.

YAOGYAW 86:9

Siyiex eue, can ceu pui pa phan pa deuh Maix khankix, greed tix hoek grux ngawng sivoe ngai Maix mai yaogyaw min plakngai ceu kaux Maix heue.

YAOGYAW 87:1

Jaong num nyiex bwan Nawh Cao sum ti deuh ka piang gawng pa singax singeh heue.

YAOGYAW 87:2

Siyiex nie lheu moh, siviex Zion khaing can dee ot Yakop khawmuik heue.

ISAYAX 11:10

Ka daux singaix an, num riah Yessie tak sang mawh chix pa pak ti deuh son pui khawmuik, pui tang ceu khankix tak sang sawg ti yaox Nawh Cao mai dee laux lee nawh tix, tak koe min pakngai pa ting heue.

ISAYAX 25:6

Ka piang gawng in, Siyiex cao kru naing raoma tak sang yuh pawie khan kheu pa ih, ceu pa nyawm pa tie son pui khawmuik mai krax khan kheu pawie rawm plix siiet ceu pa prim khaing ceu pa kluing pa bee khankix pa naog ka gua bee si-ang mai khaing rawm plix siiet pa ciied tix mhawm mhawm khaing rawm plix siiet pa prim khankix heue.

ISAYAX 27:13

Ka daux singaix an tak phlu lox teettawng pa ting sinum mai kix pa tak sang grai grup ka daux haktiex Asurix khankix mai kix pa hoik tik vud tix ka daux meung Ejiptux, tak bleeh tix hoek mai kix tak krup Siyiex ka piang gawng singax singeh pa koe ka daux veng Yerusaliem heue.

ISAYAX 30:29

Pex tak ah lai rhax, awm ponsawm pa yuh pawie pa singax singeh mai nyawm rhawm ka daux rhawm tix, awm yam phlu pui ka pi, sonsang hu ka gawng Siyiex, tom hoek ka rang ting pui Isarelax.

ISAYAX 49:6

Nawh Cao ah nin, “Awm pa mawh maix siliex Aux, sonsang yaog ka doeh ru Yakop mai sonsang kieh pui Isarelax, pa deuk deeh mhawm krax ot, jhak ti yaox ka an awm pa mawh pa iak ngie, Aux kieh maix mawh pa riang ka pui piang haktiex, sonsang tah hu krax taoh tom sidah sidu haktiex.”

ISAYAX 56:5

Aux tak kieh kix ot daux nyiex Aux mai ka daux lawg Aux, koe krax pa doh keud mai ceu kaux pa nie lheu mhawm khaing pa koe kawn simex kawn bun khankix, Aux tak tawx ceu kaux leeing ju ka kix pa ang lai mawh pa tat ti tik heue.

ISAYAX 56:7

Aux tak viex kix hoek ka gawng pa singax Aux mai kieh kix koe krax gaux rhawm ka pa rawg bwan ka daux nyiex Aux. Krax tan pa gleeing kix mai krax tan pa appong kix khankix, tak mawh pa pon krax rieb ti teei ka piang khu dee tan Aux heue. Grawh grawng nawh, nyiex Aux tak kok mawh, nyiex dee rawg bwan son ceu pui khawmuik heue.

ISAYAX 60:3

Pui tang ceu khawmuik tak hoek ka pa riang maix mai simiang tak hoek ka krax jhan riang pa lih khaing maix heue.

ISAYAX 65:11

Viang mawh nan, pex mawh pui an kix pa tik pa vud ka Siyiex, pa piawm ka gawng pa singax singeh Aux mai pa khan kheu ka siyiex Gadax mai cox khre krax tan pa nyaux son siyiex Menix heue.

ISAYAX 66:20

Kix tak sang viex puxaik pex khankix hoek khaing daux haktiex tang meung khawmuik, ka piang brung mai ka daux ling lawx brung mai ka daux khreng klawm khankix mai ka piang la mai ka piang kala uk khankix, bleeh ka gawng pa singax Aux, veng Yerusaliem son krax pa tan ka Siyiex awm viex kawn praix ceu pui Isarelax khankix krax tan hoek ka daux tawg klong pa singax mai laig ka daux nyiex bwan Siyiex. Siyiex ah nin,

ISAYAX 66:23

“Ngaix haok khix khraox ku ngaix mai ngaix twah ku twah, can pui khawmuik tak hoek ti krub ka sivoe ngai Aux.” Siyiex ah nin heue.

YERAMIX 16:19

Siyiex pa mawh riang rao aux mai nyiex tab aux mai dee peung aux, singaix yam yaox aux krax kha rhawm, pui tang ceu khankix tak hoek, khaing dee sidah haktiex ka Maix Cao ah nin, “Keeing ex khankix hoik pon sinngao pie kheem, pa giex going mai pa ang koe bwanson tete heue.”

YERAMIX 23:20

Krax song rhawm Siyiex lai veet tix plak khaix, tom hoek bawg yam ang Nawh nyang bax ciyang awm pa hoik keud Nawh Cao daux rhawm tix heue. Ka daux singaix khaix khankix, pex tak sang tawng ka grawng an heue.

YERAMIX 26:18

“Mikha pui yaong Moreshiet hoik gruh krai lox jhai ka daux baux ju singaix Hezakiyax simiang meung Yudax mai krai ka pui haktiex Yudax khankix ka daux pa ah nin, Siyiex Cao kru naing raoma ah nin, gawng Zion tak thai ti awm gwang kaung, veng Yerusaliem tak sang mawh pum tiex khankix mai gawng nyiex bwan kawx tak sang awm nong yu heue.”

YERAMIX 3:17

Ka daux bawg yam an, veng Yerusaliem tak sang kok mawh dang ngeung Siyiex mai ceu pui khawmuik tak sang deeh kraix khrawm ti hoek ka an, ka daux min ceu kaux Siyiex ka veng Yerusaliem heue. Kix tak ang lai hawt khaix pa caox caig mai rhawm keud pa kiien tix heue.

YERAMIX 30:24

Krax pa kied kin song rhawm Siyiex, tak ang nyang greed nyang yeet tom hoek bawg yam ang Nawh Cao nyang bax hoik yuh krax pa keud Nawh Cao ka daux rhawm daux rhi tix tom grum naog heue. Khaix singaix an pex tak sang tawng ka heue.

YERAMIX 31:12

Mawh kheu nan, kix tak sang hoek mai pa rhax lai rhax piang gawng lhaong Zion mai lih hu tau mai pon bwanson pa mhawm khaing pa mawh Siyiex, nghox ca, rawm plix siiet pa khraox mai rawm bee, cub kawn yung mai tobrie, khwan ju kix tak awm sipeem pa see ka rawm mai kix tak ang lai koe krax laux rhawm khaix in tix bawg kawx heue.

YERAMIX 48:47

Viang mawh nan, Aux tak sang deeh viex pui pa giex laung haktiex Mawbax khankix deeh ing, ka daux singaix pa sang hoek khankix, Siyiex ah nan heue. Mawh kheu nan, in mawh grawng pa prawng ca piang haktiex Mawbax heue.”

YERAMIX 49:39

Viang mawh nan, khaix singaix an, Aux tak sang deeh viex pui haktiex Elam pa giex laung an khankix deeh hoek, Siyiex ah nan heue.”

YERAMIX 51:44

Aux tak sang ciyang ka siyiex Balax pa koe ka daux veng Babulon mai Aux tak kieh nawh deeh hao ka can ceu pa hoik bleet nawh khaing daux jheeh tix mai ceu pui khankix tak ang lai khrawm paox ti hoek ka nawh khaix in tix bawg kawx heue. Mawh heue, guh veng Babulon tak sang grhup heue.

YEZAKELAX 38:16

maix tak hoek puing ka pui Aux Isarelax awm ceep paiawm ka haktiex. Gawgax eue, yam hoek bawg yam Aux tak sang viex maix hoek puing ka haktiex Aux, sonsang tawng ceu pui kuceu ka Aux, yam jhi Aux grawng singax singeh tix ka daux maix ka plak sivoe ngai kix heue.

YEZAKELAX 40:2

Ka daux riang susai Siyiex, Nawh Cao viex aux hu ka daux haktiex Isarelax mai hoik deuh aux ka piang gawng an see plak seh hoik koe pa awm pakpeung veng tix mu heue.

DANYELAX 10:14

Yam in aux hoek sonsang kieh maix tawng ka ceu pa tak sang lih ti koe piang ceu pui maix khankix ka daux singaix pa sang hoek, mawh kheu grawng riang susai an mawh pa dex dawd ka son singaix an tom nie mai son grawng pa sang hoek heue.

DANYELAX 2:28

“Mawh ngie Siyiex piang raoma tix kaux khaing pa pon plak jhi grawng pa raux mox an khankix mai Nawh hoik jhi simiang Nebukhaneza tawng ka ceu pa tak sang lih ti koe ka daux singaix pa sang hoek khaix in heue. Grawng pa camaox maix mai riang susai pa koe daux dong maix piang dee it maix hoik awm inkix heue.”

DANYELAX 2:35

Khaix an rhiem, tawng lheung mai mau khri khankix hoik phawng tix max tau mai hoik lih ti awm grhip nghox khaing daux biang pauh pui nghox daux bawg yam rung mai bhaung hoik phlu khankix luan tom ang lai yaox rhoi heue. Lon simaox pa hoik dheem riang grang an hoik lih ti mawh gawng pa ting lhaong tix mu mai hoik naog piang haktiex khawmuik khawm leeing heue.

DANYELAX 2:45

Awm pa hoik yaox maix mawh lon simaox tix lon pa hoik lih khaing gawng ka pa ang yuh ka taix tix mai lon simaox an hoik dheem rhiem, tawng lheung mai tiex glaox, mau mai khri khankix phawng, Siyiex pa ting lhaong, hoik jhi simiang tawng ka ceu pa tak sang bleeh tix hoek khaix in heue. Grawng pa camaox in rug mawh tete mai dee bleeh nawh khankix kawx mawh pa mawh meh tete heue.”

HOSE 3:5

Khaix an ceu pui Isarelax khankix, tak deeh ing sawg ti yaox Siyiex, pa mawh Siyiex kix mai khawm ka Davit pa mawh simiang kix mai koe krax lhat graung ka Siyiex mai rieb ti teei bwanson Nawh ka daux baux singaix pa sang hoek khaix in heue.

ZAKHARIX 14:10

Haktiex khawmuik tak sang mawh pa hoik deeh tieh ti mawh awm daux lung Arabax, jah khaing veng Gebax tom hoek ka veng Rimmon, pa koe plak seh veng Yerusaliem heue. Veng Yerusaliem tak kawn mawh pa lhaong ot ka dah dee prim nawh, jah khaing ka siviex Benyamin tom hoek ka dee koe siviex phao ka mai hoek ka siviex daog veng mai jah khaing nyiex pau tab Hananelax, tom hoek ka dah dee biiet rawm plix siiet cie simiang heue.

ZAKHARIX 14:9

Siyiex, tak sang mawh simiang ka piang ca haktiex khawmuik heue. Ka daux singaix an, “Siyiex mawh tix kaux khaing mai ceu kaux Nawh Cao mawh tix ceu khaing heue.”

ZAKHARIX 8:22

Pui khankix tom nie mai ceu pui tang meung pa kied ting riang rao khankix, tak sang hoek ti sawg Siyiex cao kru naing raoma ka daux veng Yerusaliem mai sonsang rawg tix bwan ka plak sivoe Siyiex heue.”

ZAKHARIX 8:3

“Siyiex ah nin, Aux deeh ing ka gawng Zion mai ot ka daux sigreung veng Yerusaliem heue. Veng Yerusaliem tak sang kok mawh veng pa kaux sijax, gawng Siyiex cao kru naing raoma tak kok mawh gawng pa singax heue.”

MALAKHIX 3:12

“Ceu pui khankix, tak sang kok pex mawh pui pa koe bwanson, mawh kheu haktiex pex tak sang mawh haktiex pa koe krax gaux rhawm. “Siyiex cao kru naing raoma ah nin heue.

SIMIN 24:14

Aux tak sang deeh hu ka ceu pui tix khankix, hoek heue, Aux tak sang kieh maix tawng pa sang yuh pui in khankix ka piang ceu pui maix khankix daux singaix khaix heue.”

KAWNCAU 2:17

Siyiex ah, ka daux bawg yam ngaix sidah khankix, Aux tak kieh Khuan Aux lih piang pui khawmuik heue. Kawn simex kawn bun pex tak sang krai lox jhai mai pui pa awn ju pex, tak sang yaox riang susai mai pui kuad song pex tak sang camaox ti yaox heue.

2 TIMOSE 3:1

Een ti tawng ceu in, ka daux bawg yam singaix sidah khankix sax, tak mawh bawg yam pa lang teung nu heue.

HEBRIE 1:2

Ka daux bawg yam sidah singaix inkix, hoik sikah ka ex ka daux Kawn Nawh Cao, pa hoik ciak Nawh ti kieh mawh Cao pa pon sin kuceu khawmuik, Kaw pa hoik teei Nawh Cao ti yuh khawm haktiex khankix kah heue.

2 PETRUX 3:3

Kieh tawng in phao ka, ka daux bawg yam singaix pa sidah khankix, pui pa map pa ang cee ang cak khankix, tak hoek mai viex pa map pa ang cee cak mai hawt hu ka alo tokaux tix,

PLAK JHI 11:15

Kawncau Siyiex aliah kaux tix kaux phlu teettawng mai lih koe lox pa ting pa sinum ka daux raoma, pa ah nin, “Meung haktiex in hoik lih mawh meung Simiang ex, mai meung Khrit cie Nawh Cao, mai Nawh Cao tak sang giex kaing ku ju leeing ju leeing phan heue.”

PLAK JHI 20:4

Aux yaox dang ngeung khankix mai ka kix pa ngawm ka piang dang ngeung an khankix mai hoik tawx akhwang tix prawng ca ka kix heue. Aux yaox ka ju kix pa hoik yaox ti kham pa kid kaing kix, son mhai ruk Yesux mai son gumlox Siyiex, pa mawh kix pa ang krub ka totiag an mai ka riang grang nawh mai pa ang rieb ti kieh sau mhai ka dong re kix mai ka taix kix heue. Kix im mai giex kaing tau mai Cao Khrit been tix rheng num heue.