ISAYAX 19:3 - Wa Common Language Translation

³ Rhawm rhi pui meung Ejiptux tak khrup ka daux nawh heue. Aux tak yuh krax keud krax sawn kix laux leeing mai kix tak chawk ka riang grang ankix mai cao pa sipawk khankix, cao pa laig phi mai ka pui koe phi pheux khankix heue.

ISAYAX 19:3 Iomraidhean Croise

2 SAMOELAX 15:31

Yam an pui tix kaux hoek krai Davit mhong ah nin, “Ahitawphelax ot ka sinax pui tieh feen tau mai Apsalom, “mai Davit ah nin, “Simiang Siyiex eue, aux rawg bwan ka Maix Cao, kieh krax keud Ahitawphelax mawh pa giex going.”

2 SAMOELAX 17:14

Apsalom mai pui Isarelax khawmuik ah nin, “Krax keud sawn pa tawx Hushie pui Akhix lheu mhawm khaing krax keud Ahitawphelax, “mawh kheu Simiang Siyiex sang kieh krax laux leeing hoek piang Apsalom mai yuh krax keud pa tawx Ahitawphelax mawh pa som nai.

2 SAMOELAX 17:23

Yam hoik yaox Ahitawphelax ka ang kix lai hawt ti yuh awm krax keud pa hoik tawx tix, nawh sau an brug tix piang la mai yaog ti ing ka daux veng ot tix ka nyiex cao tix, khaix hoik khre rien nawh kuceu son pui daux nyiex ma tix mai nawh rawd ngawg tix yum ka maox mai kix sipaung nawh ka daux simeeig keeing nawh.

2 SIMIANG 1:2

Yam in Ahaziyax rau khaing daux siviex iak lawg plak piang ot nawh ka daux veng Samarix mai nawh mat; mawh kheu nan, nawh ploi cao cau khankix hu, ah nin ka kix, “Hu, chawk ti yaox ka sang deeh pon aux ti moi khaing krax pa mat aux, ka Balazebuk, pa mawh siyiex Ekaron heue.”

1 GRAWNG BEEN 10:13

Mawh kheu nan, Sawlux yum kheu ang nawh kaux sijax mai lud ka Siyiex, mawh kheu nawh ang priex rien ka gumlox Siyiex mai kheu jao hoik chawk cheng nawh krax keud ka bun cao pa koe si ngie sonsang hawt ti yuh ka heue.

YAOGYAW 107:27

Viex kix vung vang awm pui pa yoek ka plai mai viex krax tawng kix grai hu heue.

YAOGYAW 33:10

Siyiex tik vud ka ceu pa kum kawng pui tang ceu mai yieh ti tik ka krax pa keud sawn kix heue.

YAOGYAW 76:12

Nawh Cao yeen tiem ka kawn Simiang mai kieh simiang haktiex khankix, lhat graung heue.

LOX KAB 21:30

Pingnya, krax keud krax gau mai pingnya krax tawng yung, ang chix kaux cong sivoe ngai Siyiex tix ceu kawx heue.

ISAYAX 14:27

Mawh kheu Siyiex Cao kru naing raoma, hoik keud hoik sawn ti deuh an kix, mawh pui mawx pa sang pon yieh ti tik lie? Khawn taix Nawh Cao hoik nyeu tix lih mai mawh pui mawx pa sang pon kieh deeh yawn tix lie?

ISAYAX 15:2

Kawn bun veng Dibon haok ka dee lhaong sonsang yiiem tix heue. Pui haktiex Mawbax tak sang koe krax ngia ka piang veng Nebaw, mai ka piang veng Medebax, ka piang kaing kix hoik klo ang koe hauk mai pui ku kaux hoik khlao hauk jheeh tix singax heue.

ISAYAX 19:1

Gumlox pa plak jhi grawng meung Ejiptux, pa ah nin, jhak heue, Siyiex brug paiawm pa kied phai mai hoek ka daux meung Ejiptux heue. riang grang meung Ejiptux khankix tak lhat siyaung ka plak sivoe Nawh Cao mai rhawm rhi pui meung Ejiptux tak teh ka daux rhawm rhi kix heue.

ISAYAX 44:25

Pa preet mhai rug pui ah lox pie lox lhen mai pa kieh cao sipawk yhot, pa kieh pui koe pingnya deeh plak khaix mai kieh pa tawng kix mawh pa deux pa aw

ISAYAX 47:12

Kaoh mai yuh phi caox, ploi sat mai sibawk pa hoik yuh maix tom yam kawn awn ju maix, phan khaw ti pon bwanson maix tak pon bwanson mai haok hwan kah heue.

ISAYAX 57:16

Grawh grawng nawh, Aux ang koe krax pa simah simiang leeing ju mai Aux ang koe krax pa song rhawm sijheeng heue. Grawh grawng nawh, lhat ju tak koe krax som nai ka plak sivoe Aux mai khawm khwan khankix, pa hoik phan hoik deuh Aux heue.

ISAYAX 8:19

Yam ah kix nin ka maix, sawg ti yaox pui an kix pa mawh cao laig phi khankix mai cao pa koe preu khankix, pa koi ah lox tix lih, ex khex ang pon chawk ti yaox ka Siyiex lie? Mawh tak sang chawk kix ti yaox pa yum son tang pa im ju lie?

YERAMIX 46:15

Pui pa koe rhawm vao rhawm cong maix khankix lai mawh pa som kheu jao pa yuh ka mawx lie? Kix ang lai pon cung sijung kheu hoik nyhot Siyiex kix goh heue.

YEZAKELAX 21:7

Yam chawk kix ka maix ah nin, ngia ngheeik maix kheu patix? Maix tak deeh ah nin, mawh kheu grawng lox satang an, yam hoek grawng an, rhawm rhi pui ku kaux, tak sang khrup mai taix caong tak pawng poe mai khwan taug mao mai ngawng tak sang siyaung awm puk pak rawm. Jhak heue, lox satang an hoek mai grum naog, Siyiex ah nan heue.

YEZAKELAX 22:14

Yam prawng ca Aux ka maix mawh koe rhawm pa pon kham geu maix nang lie? Phan ang mawh nan, mawh kawn koe riang rao taix maix lie? Aux mawh Siyiex tak sang yuh awm pa krai tix heue.

DANYELAX 1:20

Grawng pingnya cuyi mai krax pa tawng pa yung pa hoik chawk cheng simiang ti yaox ka kix, nawh hoik yaox nie lheu chix kix kao son khaing pui ting pingnya cuyi mai cao pa chix sibawk khankix khawmuik pa hoik koe ka daux haktiex pa kwang nawh khawmuik heue.

DANYELAX 2:2

Khaix an simiang tawx lox tix hu sonsang kok ka pui ting pingnya cuyi khankix mai cao pa chix sibawk mai cao pa chix simeed chix sat khankix mai khawm pui Khaladie khankix hoek, sonsang krai pa camaox simiang heue. Mawh kheu nan, kix hoik hoek cung ka plak sivoe simiang heue.

DANYELAX 5:7

Simiang hoik riag yo lox tix pa ting mai tawx lox kieh kix hu kok cao pa chix tawng singaix pa sang hoek khankix, pui Khaladie khankix mai cao pa sibawk khankix hoek heue. Simiang krai ka pui ting pingnya cuyi haktiex veng Babulon khankix ah nin, “Pui pa pon phat ngai lai in mai pon krai aux tawng dee bleeh, tak mawh pa sang ceep kraung pa raoh rawt mai tak yaox ti tauk maox soi khri ka ping ngawg nawh mai nawh tak mawh cao pa kwang haktiex loe kaux tix kaux ka daux meung haktiex in heue.”

1 SAMOELAX 25:37

Ka daux ponngawb cao, yam hoik vai yoek Nabalax ka rawm plix siiet, moeng nawh krai ceu in khankix ka nawh mai rhawm nawh hoik yum plak daux mai nawh lih cong awm simaox.