ISAYAX 18:2 - Wa Common Language Translation

² ploi cao cau khankix hu ka piang rawm sigrit sigra mai pa brug ka reu briem khankix, ka piang rawm mai ah nin; cao cau pa kied phai khankix eue, hu ka krax ceu pui pa lhaong kaux pa mhawm plang kaux hak khankix, pa mawh ceu pui pa koe krax lhat graung ka, tom yam jah tom hu sivoe ngai mai ceu pui pa kied ting sibrawm khankix mai pa gwieh ti dig haktiex ka pa gwieh rawm khankix ka mee haktiex cie kix heue.

ISAYAX 18:2 Iomraidhean Croise

2 GRAWNG BEEN 14:9

Khaix an, Zerax pa mawh simiang Ethiopia, hoik lih hoek ti sang puing kix tau mai cub kru naing pa koe tix lan kaux mai khawm ling lawx naing brung khankix loe yieh lhang mai nawh hoek ka veng Maresha heue.

2 GRAWNG BEEN 16:8

Mawh ang pui Ethiopia mai pui Lubim khankix hoik mawh cub kru naing pa kied ting tix cub tau mai pa koe tix ling lawx naing brung mai pui naing brung khankix tom kied nie haoh hun lie? Viang mawh nan, kheu hoik een maix rhawm tix ka Siyiex, Nawh Cao hoik ap ti tawx kix ka daux tawm taix maix heue.

YAWBAX 9:26

Kix nie lheu phai khaing reu ting mai luan hu awm teei klang krih totiag ih cao tix heue.

LIH HU 2:3

Yam yaox nawh ang ti lai pon mox nawh teei kreeb pa taing ka priem son nawh mai kraix graix mai peeh khaox Ashaphat ka mai sau kawn nyawm daux an, hu deuh sinax pang priem pa koe praok rawm klawng.

ISAYAX 18:7

Ka daux bawg yam an ceu pui pa lhaong kaux pa mhawm plang kaux hak khankix pa mawh ceu pui pa koe krax lhat graung ka, tom yam jah tom hu sivoe ngai mai ceu pui pa kied ting sibrawm khankix mai pa gwieh ti dig haktiex, ka pa gwieh rawm khankix ka mee haktiex cie kix, tak viex totaix hoek ka Siyiex cao kru naing raoma ka piang gawng Zion ka dee koe ceu kaux Nawh Cao heue.

YERAMIX 49:14

Aux mhong lox satang khaing Siyiex mai grawng pa hoik ploi Nawh cao cau hu ka ceu pui khankix, kaoh mai khrawm paox ti hoek yuh naing ka haktiex Edom heue.

YEZAKELAX 30:9

“Ka daux ngaix an, cao cau pa ploi Aux khankix, tak brug reu ting, sonsang hu krai ka pui Ethiopia pa ang tawng ti koe krax khi glawh mai krax khi rhawm pa kied ting, tak sang hoek ka piang kix, awm ngaix laux leeing meung Ejiptux, mawh kheu ngaix an hoik dex heue.

AWBADIX 1:1

Riang susai pa plak jhi Siyiex, Awbadix yaox ah nin son grawng haktiex Edom heue. Ex hoik mhong lox pa pao khaing Siyiex mai cao cau pa hoik dawg ploi hu ka daux sinax ceu pui khankix ah nin, “Yaog ti kaoh mai kieh ex yaog ti kaoh puing naing ka haktiex Edom heue.

HABAKUK 1:7

Kix mawh pui pa kied kin mai pa kied koe krax lhat kah, krax prawng ca kix mai krax koe min pakngai kix, hoik mawh pa tang yuh lih khaing tokaux kix heue.

LUKAX 10:19

Jhak heue, Aux hoik tawx sibrawm ka pex, sonsang pon dig pex piang siuing mai tamtim khankix mai ka piang sibrawm pui pa koeng ka pex mai tix ceu kawx ang tau ti pon kieh pex saux heue.