ISAYAX 13:3 - Wa Common Language Translation

³ Aux hoik tawm lox ka pui pa hoik singax yuh Aux khankix, Aux hoik baox deeh kok ka can pui pa koe rhawm cong rhawm kwa son krax pa song rhawm song rhi aux, ka can pui an kix, pa koe krax gaux rhawm ka daux krax pa ting lhaongheue.

ISAYAX 13:3 Iomraidhean Croise

YAOGYAW 149:2

Kieh ceu pui Isarelax gaux rhawm ka daux Cao pa phan pa deuh pex liak. Mai kieh pui Zion khankix gaux rhawm ka daux Simiang kix liak.

ISAYAX 23:11

Nawh Cao hoik nyeu taix tix ka piang rawm sigrit sigra, Nawh Cao hoik yung yang meung haktiex khawmuik heue. Siyiex hoik tawx gumlox ka piang meung Khanan, sonsang yuh laux leeing ka dee pa kaux cong nawh khankix heue.

ISAYAX 5:26

Nawh cao tak jung man chix son ceu pui an khankix pa ot khaing dee singai mai tak phlu siglu ka son kix khaing dee sidah sidu haktiex, kix tak niied ti hoek phai heue.

YERAMIX 25:9

jhak heue, Aux tak sang ploi mai teei nyiex ma pui khaing plak laong mai kawncau Aux Nebukhaneza simiang Babulon mai viex kix hoek puing ka daux haktiex in, ka pui pa ot ka daux nawh mai ka ceu pui pa ot hawt vung viang nawh khawmuik mai tak yuh kix laux lak pak leeing mai kieh kix koe pa daox deng mai lox pa sibriem mai dee pa yiien pui sijheeng heue.

YERAMIX 51:46

Paw kieh pex sung sang rhawm mai lhat graung ka mhong tix grawng satang veng an, tak sang mhong ka grawng lox satang tix num hoik tix num mai krax pa kied kin kha rhawm, tak koe ka daux haktiex mai simiang cao kwang haktiex tak sang tud rhim ka paox tix, tix kaux lai tix kaux heue.

YERAMIX 51:53

Siyiex ah nin, viang veng Babulon hoik haok daux raoma kawx mai viang nawh kieh guh veng dee pa lhaong tix kaux cong kawx, viang mawh nan, pui tud rhim khaing Aux tak sang hoek bleeh ka nawh heue.”

YOLAX 3:11

Pex pa mawh pui tang ceu pa ot hawt vung viang khankix eue, khrawm paox tix tau heue. Siyiex eue, kieh pui pa kied ting riang rao Maix khankix lih hoek heue.

ZEPHANIX 1:7

Ot yiien yawg ka plak sivoe ngai Siyiex, grawh grawng nawh, singaix Siyiex hoik dex hoek, Siyiex hoik khre rien krax pa appong, Nawh cao hoik kieh nyo sinie pa ghaok tix hoek khankix singax heue.

PLAK JHI 18:20

Raoma mai pex pui pa singax mai kawncau pa ting, mai cao jhai khankix eue, gaux rhawm rawb nawh heue. Kheu Siyiex hoik pawk bix pex ka nawh heue.”