ISAYAX 10:3 - Wa Common Language Translation

³ Pex sang yuh ka mawx ka daux singaix koe krax pa ciyang mai ka daux krax pa laux leeing pa tak sang bleeh ti hoek khaing dee pa kied singai lie? Sang to pex ti klawd ka pui mawx sonsang pon tix krax teem lie? Sang prah pex sinngao tix khankix dee mawx lie?

ISAYAX 10:3 Iomraidhean Croise

YAM JAH 31:1

Yakop mhong sikah kawn simex Laban khankix, pa ah kix nin, “Yakop hoik teei kraung khrai cie keeing ex hu khawmuik, nawh hoik yaox ti magmi kheu sin keeing ex”

2 SIMIANG 7:15

Kix hu hawt khaix kix tom hoek ka rawm klawng Yawdan kix yaox hoik naog kraung ceep kix mai kraung naing kix ka pa hoik tik vud pui Surix ka hawt sidah krax khawmuik yam nied kix ti to, cao cau khankix deeh ing krai ankix ka simiang heue.

YAWBAX 31:14

yam kaoh cung Siyiex, aux sang yuh ka mawx? Yam yaog Siyiex tix kaoh mai yam cheuk cheu Nawh Cao ka aux, aux tak sang deeh pawk ka Nawh Cao yuh ka mawx lie?

LOX KAB 11:4

Sinngao kraung khrai khankix, ang chix tawx bwanson singaix bawg yam lih song rhawm ex, phan mawh ceu pa rahsee, chix taoh ex khaing pa yum heue.

ISAYAX 13:6

Yiiem yo heue, mawh kheu singaix Siyiex hoik dex, an tak sang hoek, awm krax pa laux leeing pa ciyang cao pa ting sibrawm heue.

ISAYAX 17:4

Ka daux singaix an, min pakngai ceu pui Yakop tak yawm hu mai kaux hak pa kluing pa bee nawh tak krawx hu heue.

ISAYAX 20:6

Ka daux singaix an can pui pa ot ka hawt rawm plak in mai kix tak ah nin, jhak heue, “An pa een ex rhawm tix mai ka dee to ex ti pon krax teem sonsang glawd khaing simiang meung Asurix mai ex tak sang pon ti glawd yuh ka mawx lie?

ISAYAX 26:14

Kix hoik yum mai ang lai deeh kaoh im, kix hoik ot daux simeeig mai ang lai pon tix deeh kaoh, mawh kheu Maix hoik ciyang ka kix mai hoik yuh kix laux leeing mai hoik yuh min ceu kaux kix grai grup heue.

ISAYAX 26:21

Grawh grawng nawh, jhak heue, Siyiex lih hoek khaing dee ot Nawh Cao sonsang ciyang ka can pui pa yuh phimap phighram ka piang haktiex heue. Haktiex tak paoh ti jhi nham pui ka Nawh mai tak ang lai kheem ti mox pui pa pah tix yum ka daux Nawh Cao tix bawg heue.

ISAYAX 28:20

Mawh kheu ngaing ku it, ang lai kub nyat tix kah, mai prux lhop kawx mawh pa sikhawp ang lai kub lhop tokaux tix kah.

ISAYAX 29:6

Siyiex cao kru naing raoma, tak hoek fi ka maix khaing, sinum praix, khaing tuk kla reem, khaing bhaung ting lhiex ting mai bhaung keu kang lux mai khaing rao ngu pa koe krax laux leeing.

ISAYAX 30:16

Viang mawh nan pex ah nin, “Ang mawh! yix tak brug brung mai to,” mawh kheu nan, pex tak sang yaox tix to mai pex tak baox ah, “Yix tak brug brung to phai,” mawh kheu nan, pui pheet ka pex tak phai khaing pex.

ISAYAX 30:5

Pui ku kaux tak kaig tua ka pui pa ang tawx koe bwanson ka kix, pa ang viex krax teem mai pa ang viex bwanson tidtix, pon ngie krax kaig mai pa laux pakngai.

ISAYAX 30:7

Mawh kheu krax teem pui Ejiptux, mawh pa giex going, mawh kheu nan, Aux tom kok nawh mawh Rakhap, pa ngawm giex khaing mai pa ang koe krax chix chuh heue.

ISAYAX 33:14

Pui phimap daux veng Zion kawx lhat, krax yaoh hoik jhawp ti giex ka pui caox. “Mawh pui mawx daux sinax ex pa pon ot mai ngu pa hax lie, mawh pui mawx daux sinax ex pa pon ot mai ngu gleeing leeing ju lie?”

ISAYAX 39:3

Khaix an cao jhai Isayax hu ka simiang Hezakix mai ah nin ka nawh, mawh ah pui an kix patix, mawh kaoh kix khaing dee mawx hoek ka maix lie? Hezakix deeh ah nin, kix hoek khaing haktiex pa kied singai khaing Babulon.

ISAYAX 5:14

Mawh kheu nan, meung yum hoik yuh tokaux cao tix kied vieh mai hoik paoh daux moing jheeh tix ka daux pa ang lai pon tiag min sibrawm kix mai pui hun kix mai min pakngai kix mai pui pa koe krax gaux rhawm khankix tak lih ti glip ka daux an heue.

ISAYAX 5:26

Nawh cao tak jung man chix son ceu pui an khankix pa ot khaing dee singai mai tak phlu siglu ka son kix khaing dee sidah sidu haktiex, kix tak niied ti hoek phai heue.

YERAMIX 22:7

Aux tak sang khre pui pa yuh krax laux leeing piang maix, tau mai pa viex kraung naing tix ku kaux, kix tak sang kid khaox Arit pa kied mhawm maix khankix mai taing laig ka daux ngu heue.

YERAMIX 4:30

Yam hoek ceu pa laux leeing ka maix, mawh sang yuh maix ka mawx? Viang maix ceep ka kraung pa raoh kawx mai viang maix jawg tokaux tix ka kraung khri kawx, viang mai kraix ngai tix ka sidah awt kawx, pa yuh maix grang tix an mawh pa giex going heue. Paox moh maix khankix tak seeing ka maix mai tak sang sawk ti teei ju maix yum heue.

YERAMIX 5:31

cao jhai khankix ah lox jhai pa ang mawh ang meh mai cao giex kaing li khankix kawx rieb ti teei ka sibrawm pa kwang tix mai pui Aux khankix kawx khaw rhawm ka ceu an awm paox tix heue. Yam sidah ceu an khankix pex tak sang yuh ka mawx lie?

YERAMIX 9:9

Siyiex ah nin, “Khex ang Aux sang tawx krax kham geu ka kix son grawng ceu inkix lie? Khex ang Aux sang deeh pawk bix piang ceu pui an tix cub awm in lie?

HOSE 5:13

Yam hoik yaox Epharem ka krax saux tix mai yam hoik yaox Yudax ka dee mat tix, khaix an, Epharem ploi pui hu ka haktiex Asurix mai hu ka simiang Yeriep, viang mawh nan, nawh ang lai pon pai pex mai ang lai pon pai pex khaing daux dee mat maix heue.

HOSE 9:5

Ka daux singaix pawie Siyiex, pex yuh ceu patix lie?

HOSE 9:7

Ceu pui Isarelax tak tawng singaix pa ciyang hoik hoek, singaix pa sang deeh pawk bix hoik hoek heue. Cao jhai mawh pui pa pheem tix kaux, pui pa koe khuan mawh pa yhot, kheu krax pa kied ting phimap maix mai rhawm cao pa kied ting maix heue.

AMOT 5:19

An tak sang mawh pa awm pui tix kaux, pa ot ti klawd khaing sivai sangsi mai hu sipub ti yaox krih, phan ang mawh nan, awm pa hoik hu laig nawh ka daux nyiex, yam hoik neung nawh tix ka piang ding mai siuing tut ka nawh heue.

MIKHA 7:4

Pui pa kied mhawm ka daux kix, mawh pa awm pang kat heeit, pui pa kied rahsee ka daux kix, mawh pa awm pang kat pa koe hawt vie heue. Singaix pui pa pau maix mai krax pa kham geu maix khankix hoik hoek, tak sang mawh baux singaix koe krax pa sung sang rhawm kix heue.

ZEPHANIX 1:18

Ka daux singaix pa song rhawm Siyiex, mau khri kix ang pon taoh kix heue. Haktiex khawmuik tak sang mawh pa gleeing ka ngu krax pa song rhawm Nawh Cao heue. Grawh grawng nawh, Nawh Cao tak sang nied ti yuh pui ankix pa ot ka daux haktiex khawmuik laux lak pak leeing heue.

LUKAX 19:44

Tak sang kieh maix sidawm sidu mai tiex, khawm kawn praix pa koe ka daux maix heue. Kix tak ang grham kieh simaox koe tix lon piang tix lon ka daux maix, kheu ang maix tawng bawg yam pa hoek pa tawx bwanson ka maix heue.”

PINGNYAP 28:49

Siyiex tak viex ceu pui tix ceu khaing dee singai dee sidah haktiex mai kieh kix hoek puing ka maix, awm phai pu klang ting, pa mawh ceu pui pa ang maix sax tawng ka lox sikah kix.

1 PETRUX 2:12

Kieh pa yuh pex mawh pa nyawm ti jhak ka sinax pui tang ceu khankix, yuh ka mawx viang kix ah lox deuh phimap ka piang pex awm mawh pex pui pa yuh pa caox kawx, kix tak sang yaox kaing pa yuh pex pa mhawm mai yaogyaw Siyiex ka daux singaix pa kia pa prawng heue.