ISAYAX 10:2 - Wa Common Language Translation

² sonsang khinkix ka pui cud pui cha mai sonsang teei ceu pa mawh meh khaing pui hot pui shia ceu pui Aux khankix, son tak sang mawh miexmai kraung pa rhim kix mai sonsang pon rhim kix ti teei kraung cie pa ang koe miex koe keeing khankix heue.

ISAYAX 10:2 Iomraidhean Croise

YAWBAX 31:16

Ang aux sax tawx sax yee ka pui hot pui sibhawm yam koe ceu pa lo kix lie? hoik sax kieh aux miexmai laux pakngai lie?

YAOGYAW 94:6

Kix teei ka miexmai yum mai plaux ka nyo sinie mai kawn doe pa ang koe miex keeing khankix yum heue.

LIH HU 23:6

“Maix tak ang pon ti prawng ca ka pui hot sia ka daux krax pa ang see.

LOX KAB 22:22

Paw lai tud rhim ti teei kraung khrai pui pa hot sibhawm, grawh grawng nawh, kheu kied hot sibhawm nawh, paw lai ciyang ka kix mai pui pa kha rhawm, ka diang siviex veng.

LOX KAB 30:14

Ceu pui pa grum naog rhang, pa awm gawn, rhang gieb pa awm vaig, pa chix kiied tix ih ka pui cud pui cha mai pui hot sibhawm piang haktiex heue.

ISAYAX 1:17

gau ti yuh ceu pa mhawm, sawg ka pa rahsee, plak jhi ka phimap cao pa gut yeen, tieb tie ka son pa ang koe keeing, khyox khaw ka son miexmai heue.

ISAYAX 1:23

Kawn lauxsimiang maix khankix hoik mawh pa deeh tieh feen mai mawh pa rom tix neuex tau mai pui briex pui ku kaux moh ka kraung pa cun praok khankix mai hawt ti hu khaix totaix khankix heue. Kix ang lai tiebtie ka son pa ang koe keeing mai yuh tix ang kieh grawng see miexmai hoek ka plak sivoe kix heue.

ISAYAX 29:21

Pui pa kieh see koe ka pui tang kaux kheu lox tix mai hoik taong ti deuh kie ka daux diang siviex, ka pui pa ang koe dee lud mai yuh pa ang mawh ka pui rahsee.

ISAYAX 3:14

Siyiex tak sang laig ka dee prawng see, tau mai kuad song pui Nawh Cao khankix mai cub Simiang khankix mawh kheu pex hoik uik ih plix sipeem plix siiet aux; kraung pa tud rhim khaing pui hot shia hoik koe ka daux nyiex pex heue.

ISAYAX 3:15

Siyiex Cao kru naing raoma ah nin, “Deeh bleeh gut yeen pex ka pui Aux khankix mai krid pex ngai baoh pui hot pui shia mawh ceu patix lie?

ISAYAX 32:6

Mawh kheu pui pheem tak sikah lox pheem mai rhawm nawh keud pa caox caig, sonsang yuh pa ang rahsee, sonsang ah lox pa lud ka Siyiex mai sonsang kieh pui cai rhawm nie lheu cai rhawm mai kieh pui pa sang nyaux nie rawm nie lheu sang nyaux rawm.

ISAYAX 5:23

pa yuh krax pa rahsee ka pui pa caox caig sonsang teei tix kraung pa cun praok mai teei grawng krax rahsee hu khaing pui pa rahsee heue.

ISAYAX 5:7

Grawh grawng nawh sipeem plix siiet Siyiex Cao kru naing raoma mawh nyiex ma ceu pui Isarelax khankix, mai pui Yudax khankix, mawh pang khaox pa khaw rhawm Nawh Cao ka heue. Nawh Cao hoik keud ce mawh son krax pa rahsee, viang mawh nan hoik mawh krax pa yeen tix kha rhawm son pa rahsee, viang mawh nan jhak heue, hoik mawh krax pa yiiem heue.

ISAYAX 59:15

Krax kaux sijax ang lai koe, pui pa via ti hu khaing pa caox, sipub krax pa tud rhim, yam yaox Siyiex ka pa ang rahsee an Nawh Cao koeng kah heue.

YERAMIX 7:6

phan pex ang nunai ka nyo sinie mai kawn nyawm ang koe miex keeing mai ka miexmai mai ang kieh nham pui pa ang koe phimap khankix jauh nham ka dee in mai ang hawt khaix siyiex tang kaux tang hak sonsang som nai bwanson tix ang ah,

YIIEM DOE 3:35

sonsang yieh krax pa rahsee pa khaw pui tix kham, sivoe ngai Cao pa kied ting lhaong,

YEZAKELAX 22:7

Ka daux veng ang lai koe pui pa yungyi ka miex keeing tix daux sigreung maix tix kaux kawx, kix hoik yuh krax tuktiak ka daux sigreung maix, kix hoik yuh pa ang khaw ang caw ka kawn doe mai ka miexmai heue.

AMOT 2:6

Siyiex ah nin, “Mawh kheu lud ceu pui Isarelax, ang joeng mawh loe ceu mawh pon ceu, Aux tak ang lai veeh krax pa sang kham geu kix luan heue. Grawh grawng nawh, kix coh pui pa rahsee ka son mau mai coh pui pa hot shia sonsang pon kiiep tix ku heue.”

AMOT 2:7

Kix kied koe rhawm ti sang dig kaing pui hot shia laig ka daux phawng tiex mai deeh tieh daux krax pui pa awn rhawm khankix hu tix plak heue. Keeing mai kawn rom ti phit vao tau mai bun tix kaux ngie, seeing yuh ceu kaux pa singax singeh Aux heue.

AMOT 5:19

An tak sang mawh pa awm pui tix kaux, pa ot ti klawd khaing sivai sangsi mai hu sipub ti yaox krih, phan ang mawh nan, awm pa hoik hu laig nawh ka daux nyiex, yam hoik neung nawh tix ka piang ding mai siuing tut ka nawh heue.

MIKHA 3:1

Aux ah nin “Cao kaing ceu pui Yakop khankix mai cao pa kwang ka daux nyiex ma ceu pui Isarelax khankix eue, pex nghiet yam in, ang pex mawh pa caw ti koe krax tawng ka krax prawng krax ciyang pa rahsee heue.

MALAKHIX 3:5

Aux tak sang hoek dex pex, son krax ciyang, Aux tak sang mawh cao pa kham mhai rug pa kied phai, ka pui pa chix yuh phi yuh simeed khankix, ka pui pa phit vao, ka pui pa tiextu pie lhen, ka pui an kix, pa kheem ti ih ngawh kaing cao pa pon mau khankix mai ka pui pa yeen ya ti ih ka miexmai kawn doe mai ka pui an kix, pa nieb yuh ka nyo sinie khankix, kheu ang kix koe krax lhat graung ka aux heue. “Siyiex cao kru naing raoma ah nan heue.

MATHIEX 23:13

“Pui tiiem lai mai Pharishie, pui pa pie lhen khankix eue, pex tak kha rhawm, mawh kheu nyeep pex meung raoma sivoe kawn pui heue. Kheu tokaux pex kawx ang laig ka pui pa mie ti laig khankix kawx pex ang tawx akhwang khankix heue.