ISAYAX 10:1 - Wa Common Language Translation

¹ Krax pa prawng ca pa ang rahsee ka pui hot sibhawm khankix ang ah, pa tieh ka pa hoik tat kix ti priex gumlox,

ISAYAX 10:1 Iomraidhean Croise

1 SIMIANG 21:13

Mai kieh pui caox ra kaux ngawm ka plak sivoe nawh, mai pui caox an kham mhai sakse grawng Nabok ka plak sivoe ngai pui khankix ah nin, “Nabok jhax lawg ka Siyiex mai ka simiang heue. “Mai kix teei nawh lih plak praix veng mai dheem nawh yum ka simaox heue.

YAOGYAW 58:2

Ang tau ti mawh, ka daux rhawm pex ca keud pa caox mai pex ciang tix yaox ka pa tuktiak tukte pa yuh pex ka taix tix ka piang haktiex in heue.

LIH HU 23:3

Yam prawng maix see paw jhak pakngai pui hot sia.

LIH HU 23:6

“Maix tak ang pon ti prawng ca ka pui hot sia ka daux krax pa ang see.

ISAYAX 29:21

Pui pa kieh see koe ka pui tang kaux kheu lox tix mai hoik taong ti deuh kie ka daux diang siviex, ka pui pa ang koe dee lud mai yuh pa ang mawh ka pui rahsee.

ISAYAX 3:11

Pui pa caox caig tak kha rhawm, pa caox an tak mawh pa khaw tau mai nawh heue. Mawh kheu nawh tak deeh pon totaix awm pa yuh tix heue.

ISAYAX 3:14

Siyiex tak sang laig ka dee prawng see, tau mai kuad song pui Nawh Cao khankix mai cub Simiang khankix mawh kheu pex hoik uik ih plix sipeem plix siiet aux; kraung pa tud rhim khaing pui hot shia hoik koe ka daux nyiex pex heue.

ISAYAX 5:11

Kieh krax kha rhawm koe ka pui an kix pa kaoh caocao plak ponngawb, ka sang hawt tix khaix rawm plai pa khiien nyaux an ang jud tom hoek ponsawm, tom hoik hax bhawm plai ka daux kix heue.

ISAYAX 5:18

Kieh krax kha rhawm koe ka pui pa bluh ti teei pa lud, ka maox nyaing pa giex going, mai phimap phighram awm pa tuk maox nyaing tuk ling lawx tix lhang,

ISAYAX 5:23

pa yuh krax pa rahsee ka pui pa caox caig sonsang teei tix kraung pa cun praok mai teei grawng krax rahsee hu khaing pui pa rahsee heue.

ISAYAX 5:8

Kieh krax pa kha rhawm koe ka piang pui an kix pa sitoe nyiex tix lhaong mai tix lhang mai pa deeh kleuk gwang kaung tix gwang mai tix gwang, tom hoik ang deeh lai koe, ka dee sang pon kix tix ot ka nong nong ka daux sigreung haktiex an heue.

ISAYAX 59:13

ka grawng pa lud mai daux krax pa thiang ti tik ka Siyiex mai krax pa lih hu khaing Siyiex ex, krax ah lox pa yeen ya mai krax pa deeh tieh feen mai krax krai lox pa ang mawh ang meh mai krax pa hawt ah lox khaing daux rhawm tix, pa mawh gumlox pa lud loe khankix heue.

ISAYAX 59:4

Ang koe pui tix kaux kawx pa kaoh ka daux pa rahsee mai ang koe pui tix kaux kawx pa ah see ka daux pa kaux sijax, kix een rhawm tix ka gumlox pa ang koe cue koe cak mai krai lox pie lhen. Kix koe kaux ceu pa caox mai ka map grham heue.

YERAMIX 22:13

Kieh krax kha rhawm koe ka pui pa sum nyiex ka daux pa ang rahsee mai pa yuh lawg ot tix khankix ka daux pa ang khaw caw mai pa cau paox plawg tix khankix ka daux pa ang tawx ngawh riang, tidtix ka son kaing pa yuh nawh.

AMOT 2:7

Kix kied koe rhawm ti sang dig kaing pui hot shia laig ka daux phawng tiex mai deeh tieh daux krax pui pa awn rhawm khankix hu tix plak heue. Keeing mai kawn rom ti phit vao tau mai bun tix kaux ngie, seeing yuh ceu kaux pa singax singeh Aux heue.

MIKHA 6:16

Grawh grawng nawh maix hoik hawt ti priex been deuh simiang Amorix khankix, hawt yuh kaing pa yuh nyiex ma simiang Ahap mai kawn hawt ti hu ka daux krax pa keud pa sawn kix mawh kheu nan, Aux tak sang kieh maix mawh dee pa yiien hu pui mai kieh can pui pa ot ka daux maix khankix mawh pa kham krax pa nyiah pui tix maix tak sang yaox ti kham geu krax pa kaik tua pui Aux khankix heue.

HABAKUK 2:12

Pa sum guh veng ka krax pa jauh nham, pa pang ti deuh veng ka krax pa lud koe krax kha rhawm heue.

HABAKUK 2:15

Pa tawx paox plawg tix nyaux plai, pa baox saix ka daux mai kieh kix nyaux ti yoek, sonsang pon ti yaox ka pa ot ka kaung kix, koe krax kha rhawm heue.

HABAKUK 2:19

Pa ah nin ka khaox riang grang khankix, Siduad heue. Pa ah nin ka simaox pa ang chix sikah khankix yaog ti kaoh koe krax kha rhawm heue. Ankix khex sang chix gau pui lie? Jhak heue, An mawh pa hoik om tix ka rawm khri mai rawm mau mai ka daux an ang koe krax pa toek bhawm im ju heue.

HABAKUK 2:6

Mawh ang pui an kix khawmuik, sang mawh pa teei lox tiag ka nawh mai lox been prim mai salao ka nawh, ah nin, pui pa yuh krax haok hwan, ka kraung ceu pa ang tie mawh cie nawh rheung miex grheung lie? Mai ka nawh pa teei kraung tang pui tom nie sonsang mhawm tokaux tix koe krax kha rhawm heue.

HABAKUK 2:9

Pa khrawm kraung khrai pa caox ka daux nyiex son tix pa yuh mheem tix ka dee pa lhaong, sonsang pon nawh ti luan khaing krax pa laux leeing koe krax pa kha rhawm heue.

MATHIEX 11:21

“Veng Khawrazin eue, maix koe pa kha rhawm. Veng Biesedax eue, maix koe pa kha rhawm,” phan kaing pa ting sibrawm khankix pa hoik yuh ka daux pax, yuh ka daux veng Turux mai veng Sidom, kiex tak hoik doh keud ka phimap tom dix, ka daux pa ceep man pa taing ka hauk mai kraix ka nyaox heue.

MATHIEX 23:23

Pui tiiem lai mai Pharishie, pui pa pie lhen khankix eue, pex tak kha rhawm heue, kheu pex tan, taux pak haw, taux ki, taux ki la, kao son tix son, viang mawh nan pex ang yuh grawng pa ting pa koe daux lox lai beenli, pa rahsee, pa khaw caw, pa caux rhawm mai pa kaux sijax khankix heue. Pex khaw ti yuh tang ceu an khankix mai ceu in khankix kawx khaw ti yuh heue.

MATHIEX 23:27

Pui tiiem lai mai Pharishie, pui pa pie lhen khankix eue, pex tak kha rhawm heue, kheu pex awm simeeig pa hoik kraix simaox ceed, pa nyawm ti jhak plak praix, viang mawh nan plak daux hoik naog si-ang pui yum mai pa seeing brai kuceu heue.

MATHIEX 23:29

Pui tiiem lai mai Pharishie, pui pa pie lhen khankix eue, pex tak kha rhawm heue, kheu pex yuh simeeig cao jhai khankix mai yuh simeeig pui rahsee kieh mhawm grang ti jhak,

MATHIEX 26:24

Kawn kawn pui tak hu, awm hoik tiiem ti deuh grawng Nawh heue. Viang mawh nan, pui pa tik pa tawx ka Kawn kawn pui tak kha rhawm heue. Phan kaw an ang lih keh, nie lheu mhawm son nawh heue.”

LUKAX 11:52

Pui tawng pui prawng lai been khankix eue, pex tak kha rhawm heue. Kheu hoik teei pex jiak saw pingnya cuyi, tokaux pex ang laig mai kix pa sang laig kawx, pex kieh kang heue.”

YOHAN 19:6

Yam cao giex kaing li pa ting khankix pui cau kix khankix yaox Nawh Cao kix kok yo ah nin, “Tawk Nawh piang khaox lhak heue. Tawk Nawh piang khaox lhak heue.” Pilat ah nin ka kix, “Pex tang teei Nawh tawk Nawh piang khaox lhak heue, kheu ang aux yaox deeh lud Nawh tix ceu kawx heue.”

YOHAN 9:22

Miex keeing nawh ah nan kheu lhat kiex ka pui Yudax khankix, grawh grawng nawh pui Yudax khankix hoik kum kawng paox tix yuh nin, phan pui tix kaux kaux rieb ti teei Yesux mai ah Nawh mawh Cao Khrit, tak sang grheu nawh lih khaing daux nyiex sidiex heue.

YUDAX 1:11

Kix tak kha rhawm heue, mawh kheu hoik hawt kix daux krax Ka-inax, sonsang pon kix ngawh kix hoik plab ti laig ka daux pa lud Balam mai hoik laux leeing ka daux lox chao Korax heue.