ISAYAX 1:4 - Wa Common Language Translation

⁴ Eue!, ceu pui pa ting phimap phighram, cub pui pa klawm phimap phighram pa cien cub kawn praix pa yuh pa caox caig, kawn praix pa laux leeing; kix hoik tik vud ka Siyiex, kix hoik so kaoh pa song rhawm song rhi, ka Siyiex pa singax singeh ceu pui Isarelax, kix hoik deeh veeh ti ing ka plak khaix heue.

ISAYAX 1:4 Iomraidhean Croise

YAM JAH 13:13

Pui pa ot daux veng Sawdom khankix mawh pui pa caox caig mai pui pa ting phimap sivoe ngai Siyiex heue.

2 SIMIANG 21:22

Nawh hoik tik vud ka Siyiex keeing tix khankix mai nawh ang lai hawt grawng lawng khaix Siyiex heue.

2 GRAWNG BEEN 12:1

Yam in khaix hoik luan ceu ankix, Rehobom hoik pang meung haktiex kwang tix kaux cong, yam hoik kied koe riang rao nawh, nawh hoik tik hoik vud ka lox tat jhawm prawng Siyiex mai ceu pui Isarelax khawmuik kawx hoik hu tau mai nawh heue.

2 GRAWNG BEEN 27:2

Viang ang nawh laig ka daux nyiex bwan Siyiex kawx, nawh yuh pa khaw caw ka plak sivoe ngai Siyiex awm pa hoik yuh keeing nawh Uziya khawmuik heue. Viang mawh nan, pui khankix kawn ca yuh krax pa caox heue.

NEHAMIX 1:7

Yix hoik yuh ceu pa kied caox ka Maix Cao mai ang lai priex rien ka gumlox pingnyap mai gumlox beenli mai lox tat jhawm prawng pa hoik tawm hoik deuh Maix Cao ka kawncau Maix Mose heue.

YAOGYAW 58:3

Pui pa ang rah ang see khankix, koe rhawm pa caox tom yam ot daux vaig miex tix mai chix pie lhen mai lud krax hu tom yam keh tix heue.

YAOGYAW 71:22

Siyiex eue, aux tah ting mai yaogyaw ka sijax mukheu Maix, Siyiex Cao pa singax singeh ceu pui Isarelax eue, aux tah ting mai rhax lai yaogyaw ka Maix heue.

YAOGYAW 78:40

Kix tieh feen ka Nawh Cao ka daux tiagtu mai kix kieh Nawh Cao song rhawm song rhi ka daux tiag dee ang pui ot ka dee yiien tom nie bawg heue.

YAOGYAW 78:41

Kix cheuk tix yaox ka Siyiex lawlawx mai yuh pa ang cee ang cak ka Siyiex Isarelax Cao pa singax singeh heue.

YAOGYAW 78:57

kix deeh tieh hu mai yieh lox sijax mukheu laux awm tax du kix heue. Kix hoik lud krax hu, awm ak pa vawk te heue.

YAOGYAW 78:8

son ang kix sang mawh pui pa tieh feen ka Siyiex mai son ang kix sang mawh rhawm pui pa ang rah ang see mai son ang kix sang mawh khwan pa ang kaux sijax ka Siyiex, awm tax du kix heue.

YAOGYAW 89:18

Siyiex mawh Cao pa tiebtie ex, Siyiex pa singax singeh Isarelax mawh simiang ex heue.

LIH HU 32:7

Siyiex ah nin ka Mose, “Lih hu heue, grawh grawng nawh, pui maix pa hoik viex maix lih khaing haktiex Ejiptux khankix, hoik yuh krax pa laux leeing ka tokaux tix.

ISAYAX 1:23

Kawn lauxsimiang maix khankix hoik mawh pa deeh tieh feen mai mawh pa rom tix neuex tau mai pui briex pui ku kaux moh ka kraung pa cun praok khankix mai hawt ti hu khaix totaix khankix heue. Kix ang lai tiebtie ka son pa ang koe keeing mai yuh tix ang kieh grawng see miexmai hoek ka plak sivoe kix heue.

ISAYAX 1:28

Pui pa lud mai pui pa koe map koe grham khankix, tak sang laux leeing tau mai paox tix mai pui pa hoik tik vud ka Siyiex, tak mawh pa som pa nai heue.

ISAYAX 10:6

Aux tak sang ploi nawh hu ka ceu pui pa ang koe siyiex kieh Aux koe pa song rhawm song rhi, sonsang pon rhim ti cie kraung pa tud rhim mai sonsang pon teei ti cie kraung mai sonsang dig ti hu ka piang kix, awm glaox daux krax khankix heue.

ISAYAX 12:6

Can pui pa ot ka daux veng Zion khankix eue, gaux rhawm mai kok yo lox sinum ka, grawh grawng nawh, cao pa ting lhaong pa singax ceu pui Isarelax khankix pa ot ka daux sigreung pex heue.

ISAYAX 14:20

Maix tak ang pon tix sipaung tau maix kix, grawh grawng nawh maix hoik laux leeing yuh haktiex cao maix mai hoik pah ka pui tix khankix heue. Kawn praix pa yuh ceu pa caox khankix, tak ang pon ti sum ceu kaux heue.

ISAYAX 29:19

Pui pa awn rhawm tak koe krax gaux rhawm daux Siyiex mai pui hot tak gaux rhawm ka daux pa singax singeh Siyiex ceu pui Isarelax.

ISAYAX 3:8

Grawh grawng nawh veng Yerusaliem hoik goh grhup mai meung Yudax hoik som nai kheu dak kix mai pa yuh kix khankix, mawh pa tieh feen ka Siyiex, sonsang so kaoh ka ngai min sibrawm Nawh Cao heue.

ISAYAX 30:1

Siyiex ah nin, “Kieh krax kha rhawm koe ka kawn praix pa thiang lox,” “Pui pa tang yuh awm krax keud tix, ang mawh pa kaoh khaing Aux, pui pa yuh paox pie tau, viang mawh nan, ang mawh pa kaoh khaing rhawm rhi Aux, kix baox phimap ka piang phimap.

ISAYAX 30:15

Mawh kheu Siyiex pa singax singeh pui Isarelax ah nin “Phan pex tieh loh tix mai ot yiien yawg, pex tak pon krax taoh, pa ot yiien yawg mai pa een rhawm, mawh riang rao pex.” Mai pex ang cu ka.

ISAYAX 30:9

Mawh kheu kix mawh pui thiang lox mai pa mawh kawn praix pie lhen mai kawn praix pa ang nghiet ka gumlox beenli Siyiex,

ISAYAX 31:2

Mawh kheu Nawh Cao koe pingnya mai tak viex saux preng hoek mai ang lai tieh gumlox tix mai tak yaog ti yuh ka nyiex ma pa yuh pa caox mai yuh ka pui pa tawx krax teem ka pui an pa yuh phimap.

ISAYAX 37:23

Mawh jhax lawg mai sibriem maix ka pui mawx lie? Mawh briah maix ka piang pui mawx mai blin maix ngai tix ka pui mawx? An kix maix hoik yuh ka Siyiex pa singax singeh pui Isarelax.

ISAYAX 41:14

Siyiex ah nin, Yakop pa mawh ngaw eue, paw lhat, pex pui Isarelax eue, Aux tak teem ka maix, cao taoh ka maix mawh Siyiex pa singax singeh pui Isarelax.

ISAYAX 41:16

Maix tak boe ka an mai bhaung ting tak phlu hu mai bhaung keukanglux tak phlu an prung prang maix tak gaux rhawm ka daux Siyiex, mai yaw rangdi ka Siyiex cao pa singax singeh pui Isarelax.

ISAYAX 41:20

Sonsang yaox mai tawng pui ka, kix tak simie ti keud mai doh rhawm ka, mawh taix Siyiex pa yuh ka ceu in mai mawh Siyiex pa singax pui Isarelax pa phan ka ceu in.

ISAYAX 5:19

pa ah nin, kieh Nawh Cao sigleeig ti yuh ka kaing jhaw cie Nawh Cao phai, son tak sang pon ex ti yaox an mai kieh krax pa keud pa sawn Siyiex Cao pa singax ceu pui Isarelax tix kaux an, greed hoek dex, sonsang pon ex ti tawng ka ceu an heue.”

ISAYAX 5:24

Mawh kheu nan, awm voeg ngu ka brex nghox khankix laux leeing mai awm gleeing rao ngu ka kam khankix, awm an riah kix tak sang awm khaox rham mai pruh tai kix tak sang haok plak piang awm phawng tiex; grawh grawng nawh, kix hoik thiang ti tik ka gumlox Siyiex cao kru naing raoma mai hoik nu nai ka gumlox Siyiex cao pa singax singeh ceu pui Isarelax heue.

ISAYAX 57:17

Kheu jao phimap phighram pa ghoeng rhawm nawh, Aux hoik song rhawm mai hoik tawx krax geu ka nawh heue. Aux mox pakngai tix mai hoik koe krax pa song rhawm mai nawh deeh tieh ti hu ka krax deeh plak khaix tix ka daux krax koe rhawm nawh heue.”

ISAYAX 58:2

Kix sawg ti yaox Aux ku singaix mai gaux rhawm sonsang tawng tix daux krax Aux, awm ceu pui pa hoik yuh pa rahsee mai ang lai tik vud ka been krax prawng ca Siyiex mai kix mhaing been krax ciyang pa rahsee khankix ka Aux, kix gaux rhawm ka daux pa greed tix dex Siyiex heue.”

ISAYAX 65:11

Viang mawh nan, pex mawh pui an kix pa tik pa vud ka Siyiex, pa piawm ka gawng pa singax singeh Aux mai pa khan kheu ka siyiex Gadax mai cox khre krax tan pa nyaux son siyiex Menix heue.

ISAYAX 65:3

Ceu pui inkix so kaoh krax pa song rhawm Aux sijheeng ka see plakngai Aux, ka pa appong krax tan tix ka daux sipeem khankix mai pa gleeing nyawng bhawng khu dee tan lon tiex sin.

ISAYAX 9:17

Mawh kheu nan Siyiex tak ang lai koe krax khaw rhawm ka pui awn ju kix mai ang lai koe krax caux rhawm ka piang pui pa ang koe miex keeing mai miexmai khankix, pui ku kaux mawh pui pa silao mai pui pa yuh ceu pa caox mai jheeh ku mu sikah lox pa ang cee ang cak heue. Ka piang in khawmuik, krax pa song rhawm Nawh Cao ang nyang veeh ti hu, khawn taix Nawh Cao kawn mawh pa nyeu ti heue.

YERAMIX 15:6

Siyiex ah nin, “Maix hoik tik vud ka Aux mai hoik deeh plak khaix. Mawh kheu nan, Aux tak nyeu taix tix piang maix mai yuh maix laux leeing, Aux koe krax khi rhawm mai ang lai pon gun heue.

YERAMIX 2:13

Grawh grawng nawh, pui Aux khankix hoik yuh phimap pa caox ra ceu, kix hoik tik vud Aux pa mawh dee lih rawm im ju mai hoik kaong ka rawm dung pa chix grhup chix bhieh son tix tom ang rawm chix dung chix nien ka heue.”

YERAMIX 2:17

Mawh kheu tik vud maix ka Siyiex Cao pa thong maix ka krax, jao an ceu in hoik hoek piang tokaux maix ang mawh lie?

YERAMIX 2:19

Siyiex Cao kru naing raoma ah nin, “Krax pa caox caig maix tak mawh pa deeh sidiex maix, krax pa tieh feen maix tak dee tawx phimap ka maix heue. Mawh kheu nan, kieh maix tawng mai yaox ka ceu an mawh ceu pa caox mai ceu pa kied song, mawh kheu hoik tik vud maix Siyiex tix mai krax lhat graung ka Aux ang koe ka daux maix heue.”

YERAMIX 2:31

Ceu pui khankix eue, keud ti yaox ka gumlox Siyiex mawh hoik sax mawh Aux daux tiagtu son pui Isarelax, phan ang mawh nan, meung pa faik lie? Kheu pui Aux khankix lai ah nin, ex hoik pon hu kudah dee mai tak ang lai hoek ka Maix Cao khaix in pie tix bawg kawx heue.”

YERAMIX 2:33

Kheu maix lai yuh beenli daux krax cao tix sonsang sawg ka paox moh tix lie? Mawh kheu nan maix hoik gau ka bun pa caox caig khankix ka daux krax tix heue.

YERAMIX 2:5

Siyiex ah nin, “Mawh hoik yaox keeing pex khankix phimap ceu tix ka daux Aux mai lih hu dee singai khaing Aux mai hoik hoek hu krub riang grang khankix pa mawh riang rao pa giex going lie?”

YERAMIX 32:32

Kheu pa caox caig yuh kawn praix ceu pui Isarelax mai kawn praix ceu pui Yudax khankix mai simiang kix, cao kaing kix mai cao giex kaing li kix, cao jhai kix, pui haktiex Yudax mai can pui pa ot ka daux veng Yerusaliem hoik so krax pa song rhawm Aux lih heue.

YERAMIX 50:29

Kok pui naing ak khankix hoek puing ka veng Babulon, can pex pa chix puing ak khankix yuh tab hawt vung viang veng mai lai lawm khawmuik, paw lai kieh kix glawd tix kaux kawx. Deeh viied ka kix awm kaing pa hoik yuh kix mai deeh yuh ka nawh awm can pa hoik yuh nawh khankix heue. Mawh kheu nawh hoik yaw rangdi tix sonsang tieh feen ka Siyiex pa mawh Siyiex Cao pa singax singeh ceu pui Isarelax heue.

YERAMIX 51:5

Viang ceu pui Isarelax mai ceu pui Yudax khankix hoik tik vud ka Siyiex tix, pa mawh Siyiex Cao kru naing raoma mai viang haktiex kix hoik naog ka phimap, pa lud piang Siyiex Cao pa singax singeh ceu pui Isarelax kawx, Siyiex ang tik vud ka kix heue.

YERAMIX 7:19

Siyiex ah nin, “Mawh so kix Aux koe krax song rhawm lie? Ang mawh kix pa tang so tokaux tix koe krax kaig tua khaing lie?”

YERAMIX 7:26

Viang mawh nan, kix ang cu tix nghiet ka lox Aux mai ang veeh yhaok tix, kieh ngawg tix kiien. Kix hoik nie lheu yuh pa caox khaing keeing kix heue.

YEZAKELAX 14:5

sonsang pon aux ti giex awm pa koe rhawm rhi nyiex ma ceu pui Isarelax. Mawh kheu kix mawh pa hoik singai hu khaing Aux, kheu jao grawng riang grang krub kix heue.”

YEZAKELAX 16:33

“Simex khankix tawx totaix ka bun coh kaux, viang mawh nan maix hoik tawx totaix ka paox moh tix mai hoik vai kix pa ot hawt baoh vung viang ti hoek, sonsang lud vao mai tix heue.

YEZAKELAX 16:45

Maix mawh kawn bun khaing cub pa seeing ka mex mai kawn tix mai maix mawh puxo khaing bun pa seeing ka mex mai kawn tix. Miex maix mawh ceu pui Hitix mai keeing maix mawh ceu pui Amon heue.”

DANYELAX 9:11

Mawh heue, ceu pui Isarelax khawmuik hoik lud mai tang hu khaing been Maix Cao mai ang koe krax cu nghiet ka lox Maix Cao heue. Mawh kheu nan, krax pa jhax lawg mai krax pa tiextu, pa hoik tiiem ti ka daux gumlox been Mose, pa mawh kawncau Siyiex hoik glup piang yix, kheu hoik lud yix ka Nawh Cao heue.

ZEPHANIX 1:6

khawm pui ankix pa hoik deeh blak ti hu khaing krax pa hawt tix khaix Siyiex mai pa ang sawg ti yaox ka Siyiex mai pa ang chawk cheng ti yaox ka Nawh Cao heue.

SIMIN 32:14

Jhak heue, pex hoik kaoh tang keeing pex mai hoik baox pui pa koe phimap khankix, sonsang nie baox lih krax song rhawm Simiang Siyiex ka piang pui Isarelax khankix tom sigrien sigre.

MATHIEX 11:28

Pex pa taug pa mao mai klawm kraung cien khankix khawmuik eue, hoek ka Aux mai Aux tak kieh pex laux lee tix heue.

MATHIEX 23:33

Pex pa mawh siuing, pa mawh ru siuing pa cai eue, pex sang pon ti luan khaing krax ciyang mawnarhok yuh ka mawx?

MATHIEX 3:7

Viang mawh nan yam yaox Yohan ka pui Pharishie mai Sadukie khankix hoek sonsang rieb cubcom, nawh ah nin ka kix, “Ceu siuing pa cai eue, mawx nhie pex to sonsang luan khaing pa song rhawm pa tak sang hoek lie?

ROMAX 8:7

Mawh kheu rhawm pa dex mai nex nham, mawh pa ra lai koeng ka Siyiex, mawh kheu nawh ang cu nghiet, ka lox lai beenli Siyiex. Chix kawx, ang chix cu nghiet kah heue.

1 KAWRINTHUX 10:22

Phan ang mawh nan ex cheeik ti kieh Simiang boh rhawm rhi kah lie? Ex nie lheu ting riang khaing Nawh Cao lie?

PINGNYAP 29:25

Pui khankix ah nin. “Mawh kheu hoik tik vud kix ka gumlox sijax mukheu Simiang Siyiex keeing kix, pa hoik yuh Nawh Cao tau mai kix, yam hoik viex Nawh Cao kix lih khaing meung Ejiptux.

PINGNYAP 31:16

Simiang Siyiex ah nin ka Mose, “Jhak heue, maix tak yaox ti laig it tau mai keeing maix khankix, pui inkix tak yaog ti kaoh hu yuh pa lud tau mai siyiex tang meung khankix, daux haktiex pa sang hu pex ti ot daux sinax kix mai kix tak tik vud Aux mai yuh gumlox sijax mukheu Aux laux leeing ka pa hoik yuh Aux tau mai kix.

PINGNYAP 32:19

Yam hoik yaox Simiang Siyiex an, Nawh Cao song rhawm ka kix mai tik vud ka kawn simex kawn bun Nawh Cao khankix.

PINGNYAP 32:5

Kix hoik yuh pa caox caig ka Nawh, mawh kheu koe krax pa lud kix mai kix mawh doeh ru pa tieh feen mai ang kaux sijax.

KAWLAWSIE 1:24

Yam in aux gaux rhawm ka daux pa kham geu aux son pex, kieh ceu pa kha rhawm Cao Khrit pa ang nyang grum naog, naog ka daux nex nham aux, son tokaux Nawh Cao, pa mawh ceu cao heue.

PLAK JHI 18:5

Grawh grawng nawh phimap nawh khankix hoik hoek tom ka raoma, Siyiex hoik doh keud ka ceu pa lud nawh heue.

CAO PRAWNG 10:10

Pui Isarelax riag yo ka Simiang Siyiex ah nin, “Yix hoik lud ka Maix Cao, mawh kheu hoik tik vud yix ka Simiang Siyiex tix mai hoik hu yuh kaing jhaw siyiex Balax heue.”