ISAYAX 1:3 - Wa Common Language Translation

³ Mawie tawng ka cao cie tix, mai la tawng ka kawg cao simiang tix, viang mawh nan, ceu pui Isarelax khankix ang tawng, pui aux khankix ang tawng ti keud heue.

ISAYAX 1:3 Iomraidhean Croise

YAOGYAW 94:8

Pui pa koe rhawm totiag khankix eue, nghiet ti tawng heue. Pui pa caox khankix eue, pex koe cuyi pingnya mai koe satix yam mawx?

LOX KAB 28:5

Pui pa ang rahsee khankix, ang tawng been krax prawng ca, phan mawh pui pa sawg ka Siyiex, chix tawng ka been krax prawng ca khawmuik.

LOX KAB 6:6

Pui pa nieh eue, hu ka meeik mai keud gau mai jhak ka kaing pa yuh kix mai gau pingnya mai kix awx.

ISAYAX 27:11

Yam hoik kroh hu kak khaox, kix tak mawh pa raig ti tik, bun tak hoek mai keeig an kix ka ngu, grawh grawng nawh, an mawh ceu pui pa ang koe krax tawng heue. Mawh kheu nan, Nawh Cao pa hoik phan ti deuh kix, tak ang lai koe krax pa caux rhawm ka piang kix mai Nawh Cao hoik yuh kix koe pakpeung, tak ang lai jhi bwanson tix ka piang kix heue.

ISAYAX 42:20

Viang maix yaox kuceu kawx mai ang tie priex ti deuh, viang yhaok nawh bhang kawx, nawh ang chix mhong.

ISAYAX 44:18

Kix ang tawng tidtix mai kix ang doh rhawm, mawh kheu nyeep ngai kix tix, kix tom ang chix yaox tidtix mai rhawm kix kawx, hoik yeep tix kix tom ang doh rhawm kah heue.

ISAYAX 5:12

Ting feuk mai ting si khankix, ting plah khaox mai shiao mai rawm plix siiet khankix koe ka daux pawie heue. Viang mawh nan kix ang yuh ti dex dawd mai kaing Siyiex mai ang koe krax keud ka pa yuh Nawh cao ka taix tix heue.

ISAYAX 5:13

Mawh kheu nan pui aux khankix yaox ti ot ka daux pa giex laung, kheu jao ang kix koe krax tawng yung, pui koe min sibrawm kix mawh pa hoik yum ca, mai pui kix khankix hoik kroh kroing ka sang nyaux nie tix rawm heue.

ISAYAX 56:11

Kix mawh sox khankix pa kied ghoeng ngie ka pa ih mai pa ang chix sak heue. Kix mawh cao liang yung khankix, pa ang pon ti koe krax tawng yung, kix khawmuik tang hu ngie ka daux krax hu cao tix, pui ku kaux tang sawg ngie krax pa sang pon tix bwanson tokaux cao tix heue.

YERAMIX 10:14

Pui ku kaux koe rhawm pa daox aw awm totiag mai ang koe krax tawng yung, cao pa yuh kaing khri khankix ku kaux hoik koe krax kaig tua, ka riang rao pa saik tix heue. Mawh kheu riang rao pa hoik raug nawh mawh pa lud loe mai krax pa toek bhawm ang koe ka daux an pie tix ceu kawx heue.

YERAMIX 10:8

Viang mawh nan, kix khawmuik mawh pa daox aw mai pa vao pa caox awm totiag heue. Krax gau krax gaux riang rao pa yuh tix ka khaox an mawh pa giex going heue.

YERAMIX 35:16

Cub kawn simex Yonadat, kawn simex Rakhap, hawt yuh awm gumlox ping nyap, pa tawm keeing kix, ka kix tete, viang mawh nan, ceu pui in ang lai cu nghiet ka Aux heue.

YERAMIX 4:22

Grawh grawng nawh, pui Aux khankix mawh pa daox pa aw mai kix ang tawng ka Aux heue. Kix mawh kawn nyawm pa ang koe rhawm keut mai kix ang koe krax tawng yung, kix koe cuyi tix sang yuh pa caox, viang mawh nan, kix ang tawng ti yuh ceu pa mhawm heue.

YERAMIX 50:6

Pui Aux khankix hoik sax mawh yung pa grai heue. Cao liang yung hoik thong kix lud krax mai kix hoik lud hu khaing tix gawng hoik tix gawng heue. Kix hoik piawm ka dee laux lee tix heue.

YERAMIX 8:7

Han tiag lang ngawg pa pu daux raoma khankix kawx tawng ka bawg yam cie tix heue. Sikaux krie, saik mai sivik khankix kawx, tang tawng ka bawg yam sang deeh hoek tix heue. Viang mawh nan, pui Aux khankix ang tawng ka krax pa prawng ciyang Siyiex heue.

YEZAKELAX 16:30

Rhawm maix hoik mawh pa kied caox caig miex ding, yam yaox Aux pa yuh maix ceu in khawmuik, pa mawh kaing yuh bun coh kaux pa laux min heue.”

DANYELAX 9:11

Mawh heue, ceu pui Isarelax khawmuik hoik lud mai tang hu khaing been Maix Cao mai ang koe krax cu nghiet ka lox Maix Cao heue. Mawh kheu nan, krax pa jhax lawg mai krax pa tiextu, pa hoik tiiem ti ka daux gumlox been Mose, pa mawh kawncau Siyiex hoik glup piang yix, kheu hoik lud yix ka Nawh Cao heue.

HOSE 2:8

Nawh ang lai tawng ka hoik tawx aux nghox, gaox mai rawm plix siiet pa khraox mai rawm bee khankix ka nawh mai hoik baox naok ti kieh khri, mau nawh khankix nie, viang mawh nan, nawh lai viex ti tan inkix ka siyiex Balax heue.

MATHIEX 13:19

Yam mhong pui tix kaux kaux ka lox bwan pa dex dawd mai meung Siyiex mai ang chix tawng dee bleeh, mawh kaw pa caox pa hoek rud ti teei simie pa hoik rhuat ka daux rhawm nawh heue. In mawh simie pa hoik rhuat piang krax heue.

ROMAX 1:28

Awm pa ang kix rhawm tawng ka Siyiex, Siyiex hoik grham kix koe rhawm pa keud pa ang keung ang khaw, sonsang yuh ceu pa ang khaw ang jiet heue.

2 PETRUX 3:5

Kix su ti ang rhawm tawng, grawh grawng raoma hoik koe tom di dix mai haktiex pa hoek ti kieh tan kieh sied mawh khaing rawm mai sigreung rawm, kheu gumlox Siyiex,