ISAYAX 1:1 - Wa Common Language Translation

¹ Grawng riang susai pa pon Isayax kawn simex Amok ti yaox, grawng pa dex dawd mai meung Yudax mai veng Yerusaliem ka daux baux singaix Uziyax, Yotham, Ahaza mai Hezakix, pa mawh simiang Yudax khankix.

ISAYAX 1:1 Iomraidhean Croise

2 SIMIANG 15:1

Ka daux num pa kwang Yerobom simiang pui Isarelax ka haktiex tixnga aliah num tix num, Azarix kawn simex Amazix, simiang Yudax deeh yaog ti mawh simiang heue.

2 SIMIANG 15:13

Shalum kawn simex Yabiet yaog ti mawh simiang ka daux num hoik kwang Azarix, simiang Yudax ka haktiex tixngoe dim num tix num mai nawh kwang ka haktiex Samarix tix khix mhawm mhawm heue.

2 SIMIANG 15:32

Daux num yam kwang Peka kawn simex Remariyax simiang pui Isarelax ka haktiex ra num tix num, Yotham kawn simex Awziyax simiang Yudax jah ti kwang ka haktiex heue.

2 SIMIANG 15:7

Mawh kheu Azarix hoik laux lee tix tau mai keeing nawh mai kix sipaung tau mai keeing nawh ka daux veng Davit heue. Khaix an, kawn simex nawh Yotham deeh plud tix kwang ka dah dee ot nawh heue.

2 SIMIANG 18:1

Yam in khaix hoik luan ka daux num yam kwang Hoshe kawn simex Elax, simiang ceu pui Isarelax ka haktiex loe num tix num, Hezakiyax kawn simex Ahaza, simiang Yudax, jah ti kwang ka haktiex heue.

2 SIMIANG 19:2

Khaix an, nawh ploi Eliyakim cao kwang daux nyiex ma simiang mai Shebanax cao tiiem lai mai khrawm cub kuad cao giex kaing li khankix, hu ka cao jhai Isayax, kawn simex Amok heue.

2 GRAWNG BEEN 26:1

Yam in pui Yudax khawmuik teei Uziya pa koe ju liah num mai deeh yaog nawh mawh simiang tang keeing nawh Amazix heue.

2 GRAWNG BEEN 26:22

Mawh kheu nan, can kaing pa deuh Uziya ti yuh yam jah tom dee sidah khankix, cao jhai Isayax kawn simex Amok hoik tiem ti priex heue.

2 GRAWNG BEEN 27:1

Yotham hoik koe ju tixnga phwan num, yam yaog nawh ti mawh simiang mai nawh kwang ka daux veng Yerusaliem kao liah num heue. Ceu kaux miex nawh mawh Yerusha kawn bun Zadok heue.

2 GRAWNG BEEN 28:1

Ahaza hoik koe ju tixnga num yam yaog nawh ti mawh simiang mai nawh kwang haktiex kao liah num ka daux veng Yerusaliem; mai nawh ang cu ti yuh ceu pa khaw caw ka plak sivoe ngai Siyiex awm pa hoik yuh keeing nawh Davit heue.

2 GRAWNG BEEN 29:33

Can ceu pa appong ti tan khankix, mawh mawie liah yieh mu mai yung khankix loe rheng mu heue.

YAOGYAW 89:19

Yam an tix bawg dix, Maix krai ka kix pui pa singax singeh khankix, ka daux riang susai ah nin, Aux hoik tawx pong krax pa teem ka pui pa ting riang rao, Aux hoik laug ti teei pui tix kaux ting, ka daux cub pui khankix heue.

ISAYAX 13:1

Grawng pa hoik yaox Isayax kawn simex Amok ka grawng veng Babulon

ISAYAX 2:1

Gumlox pa hoik pao Isayax kawn simex Amok son grawng meung Yudax mai veng Yerusaliem;

ISAYAX 20:2

Sivoe ka daux bawg yam an, Siyiex hoik sikah ka Isayax kawn simex Amok ah nin, “Hu mai peeik kraung ceep chee rhix khaing nyoi maix mai peeik kiep khaing caong maix heue. “Nawh hawt ti yuh awm an mai lai ling ti hu ka kaong mai bhang caong tix heue.

ISAYAX 21:2

Mhai riang susai krax pa kha rhawm, hoik mawh pa plak jhi tix ka Aux heue. Pui pie lhien yuh krax pa pie lhien mai pui tud rhim yuh krax pa tud rhim heue. Pui haktiex Elam khankix eue, haok hu heue, pui haktiex Medi khankix eue, lai lawm ti deuh veng heue, Aux hoik yuh krax pa ngia kix grai khawmuik heue.

ISAYAX 37:2

Khaix an nawh ploi Eliyakim cao kwang ka nyiex haw mai Shebanax cao pa tiiem lai mai kuad song cub cao giex kaing li khankix pa lhop chee rhix hu ka cao jhai Isayax kawn simex Amok.

ISAYAX 38:1

Yan an Hezakix saux tom dex sang yum mai cao jhai Isayax kawn simex Amok, hu ah nin ka nawh, “Siyiex ah nin, tawm lox ka pui nyiex ma maix, mawh kheu maix tak sang yum mai ang lai im.”

ISAYAX 40:9

Pui viex lox bwan mhawm hoek ka Zion eue, haok piang gawng lhaong, pui viex lox bwan mhawm hoek ka Yerusaliem eue, sau riang tix mai yo lox sinum, yo lox tix paw lhat mai ah nin ka meung Yudax, “Jhak ka Siyiex pex.”

ISAYAX 6:1

Ka daux num hoik yum simiang aux hoik yaox ngawm Siyiex ka piang dang ngeung pa lhaong mai hoik yaog ti ot dee lhaong mai sibex dhah Nawh hoik naog ka daux nyiex bwan heue.

ISAYAX 7:1

Yam in khaix hoik luan ceu an kix, ka daux baux singaix Ahap kawn simex Yotham kawn simex Uziyax pa mawh simiang Yudax, Rezin pa mawh simiang Isarelax hoik haok sonsang puing ka veng Yerusaliem, viang mawh nan, ang koe krax pa pex ka heue.

YERAMIX 23:16

Siyiex Cao kru naing raoma ah nin, “Paw nghiet ka lox cao jhai khankix, pa krai lox jhai ka pex heue. Kix sidiex pex ka lox pa giex going, kix sikah ngie lox riang susai khaing daux rhawm tix mai ang tie mawh pa kaoh khaing daux jheeh Siyiex heue.

YEZAKELAX 1:1

Yam hoek ka daux tixngoe num tix num, daux khix pon, phwan ngaix, yam ot aux tau mai pui pa giex laung khankix, hawt rawm klawng Kehebax, raoma baoh mai aux hoik yaox ka riang susai Siyiex heue.

HOSE 1:1

Gumlox Siyiex hoek ka Hose kawn simex Berix, baux ju singaix Oziyax,Yawtam, Ahap mai Hezakix, pa mawh simiang haktiex Yudax khankix mai baux ju singaix Yerobom kawn simex Yosha simiang haktiex Isarelax heue.

AMOT 1:1

Gumlox plak jhi pa hoik pon Amot cao liang yung yaong Tekua ka son grawng haktiex Isarelax ka baux singaix kwang Uziyax, simiang haktiex Yudax mai ka baux singaix Yerobom, kawn simex Yawsha, simiang haktiex Isarelax sivoe yam tok kla reem ra num heue.

AMOT 4:5

Tan ti tawx krax tan pa yaogyaw pa koe susaix, pao ti krai krax tan pa tang koe rhawm rhi pui khankix liak! pex pa mawh ceu pui Isarelax khankix eue, Grawh grawng nawh, in mawh krax pa moh pex ti yuh heue. “Siyiex ah nan heue.

MIKHA 1:1

Gumlox Siyiex hoek ka Mikha, pui yaong Mawrasha, ka daux baux singaix Yotham, Shap mai Hezakix,simiang meung Yudax khankix, ka pa hoik yaox nawh grawng veng Samarix mai veng Yerusaliem khankix.

NAHUM 1:1

Ka grawng pa plak jhi son veng Nineve pa mawh lai riang susai pa yaox Nahum pa mawh pui yaong Elakawsha.

HABAKUK 2:2

Siyiex deeh pawk lox aux ah nin, tiiem ti deuh riang susai ankix mai kieh mawh pa sidawng ka piang phia sonsang kieh pui pa to pon ti phat heue.

SIMIN 12:6

Nawh Cao ah nin, “Nghiet ka lox Aux, phan cao jhai koe ka daux sinax pex, Aux Simiang Siyiex tak plak jhi tokaux tix ka nawh ka daux riang susai, Aux tak sikah mai nawh ka daux camaox.

SIMIN 24:16

Pui pa pon mhong gumlox Siyiex khaing pui pa hoik plak jhi mai tawng ka pingnya khaing kaw pa ting lhaong mai pui pa yaox riang susai khaing kaw pa ting siawp sibrawm tau mai pa goh gup tix mai ngai hoik baoh.”

SIMIN 24:4

Pui pa pon mhong gumlox Siyiex khaing pui pa hoik plak jhi mai pui pa yaox riang susai khaing kaw pa ting siawp sibrawm tau mai pa goh gup tix mai ngai nawh hoik baoh.

MATHIEX 17:9

Yam lih hoek kix khaing gawng, Yesux tawm lox ka kix ah nin “Paw krai grawng riang susai pa hoik yaox pex ka pui tix kaux kawx, ka ang Kawn kawn pui nyang bax kaoh khaing yum.”

KAWNCAU 10:17

Yam kied daox deng Petrux ka daux tokaux tix, grawng deeh bleeh riang susai pa hoik yaox nawh mawh pa yuh ka mawx, jhak heue, pui pa ploi Kawnilix hoik chawk nyiex Simon mai cung sivoe siviex,

KAWNCAU 26:19

Mawh kheu nan, simiang Akrippax eue, aux ang yuh ti ang nghiet ka riang susai khaing raoma an heue.

2 KAWRINTHUX 12:1

Aux tak lai yaw tix, viang ang lai koe bwanson kawx heue. Aux tak sang baox loi ti krai grawng riang susai mai ceu pa plak jhi yaox khankix, pa hoik plak jhi Simiang kah heue.

2 PETRUX 1:21

Grawh grawng nawh lox jhai ang sax lih hoek kheu alo kawn pui tix bawg kawx, viang mawh nan Khuan Singax Singeh hoik kieh pui pa singax singeh khankix, krai lox pa kaoh khaing Siyiex heue.