EFESUX 6:2 - Wa Common Language Translation

² “Yung yi ka miex keeing tix” pa mawh gumlox tawm pingnyap gum tix, tau mai lox mukheu heue.

EFESUX 6:2 Iomraidhean Croise

LIH HU 20:12

“Yungyi ka miex keeing tix, sonsang mhawm ka maix mai sonsang lang ju maix ka piang haktiex pa tawx Siyiex ka maix.”

LOX KAB 20:20

Pui mawx ang ah, pa jhax lawg ka miex keeing tix, kawk ngu nawh tak yeet ka daux pa kied vhaik heue.

YERAMIX 35:18

Yeramix krai gumlox pa kaoh khaing Siyiex Cao kru naing raoma, pa mawh Siyiex ceu pui Isarelax, ka nyiex ma pui Rakhap ah nin, “Mawh kheu jao hoik nghiet pex ka gumlox pingnyap pa tawx keeing pex Yonadat mai hoik priex tix hawt ka lox tat jhawm prawng nawh khankix mai hoik yuh awm pa hoik tawm nawh ka pex khawmuik,

YERAMIX 35:7

Pex tak ang pon tix sum nyiex, ang pon tix ruat simie, ang pon tix sum sipeem plix siiet mai ang pon tix koe tix ceu kawx heue. Viang mawh nan, pex tak yaox ti ot ka daux nyiex gox jheung jheung sonsang lang ju tix ka daux haktiex dee mawh pex nyo sinie heue.

YEZAKELAX 22:7

Ka daux veng ang lai koe pui pa yungyi ka miex keeing tix daux sigreung maix tix kaux kawx, kix hoik yuh krax tuktiak ka daux sigreung maix, kix hoik yuh pa ang khaw ang caw ka kawn doe mai ka miexmai heue.

MALAKHIX 1:6

Kawn simex koe krax nab yam ka keeing tix mai siliex koe krax pa lhat graung ka Simiang tix. Phan Aux mawh keeing, koe krax pa nab yam ka Aux dee mawx lie? Phan Aux mawh Simiang mawh koe krax pa lhat graung ka Aux dee mawx lie? Siyiex cao kru naing raoma ah nin ka pex pa mawh cao giex kaing li khankix, pa koe lox salao ka ceu kaux Aux. Viang mawh nan, pex kawn ah nin “Mawh ah yix lox salao ka ceu kaux Maix ka daux krax ceu patix lie?”

ROMAX 13:7

Mawh kheu nan tawx ka kix khawmuik awm pa khaw ti tawx kah Tawx mau koh ka pui pa khaw ti pon mau koh. Tawx mau koh keun ka pui pa khaw ti pon mau koh keun. Lhat ka pui pa khaw ti lhat graung kah yungyi ka pui pa khaw ti yungyi ka heue.

EFESUX 6:3

“Sonsang mhawm ka maix mai sonsang lang ju maix ka piang haktiex heue.”

PINGNYAP 27:16

Kieh pa jhax lawg koe piang pui pa yuh pa ang khaw ang jiet ka miex keeing tix mai pui khawmuik deeh pawk lox mai ah Amen!

PINGNYAP 5:16

Yungyi ka miex keeing maix awm lox pa hoik tawm Simiang Siyiex maix ka maix, sonsang lang ju maix mai sonsang hu mhawm hoek mhawm pex tau ka daux haktiex pa tawx Simiang Siyiex maix ka maix.

1 TIMOSE 5:4

Phan miexmai koe kawn, phan ang mawh nan kawn saux, kieh kawn khankix gau ti yuh ka cub geh nyiex tix phao ka mai deeh plud bwanson ka miex keeing tix, grawh grawng nawh pa yuh nan mawh pa khaw plak sivoe ngai Siyiex heue.