EFESUX 5:3 - Wa Common Language Translation

³ Awm pa khaw mai pui pa singax khankix, ceu pa phit pa vao mai ceu pa ang singax khankix khawmuik. Pie pa ghoing pa simawd ka ceu in khankix kawx, paw doh kieh koe ka daux pex.

EFESUX 5:3 Iomraidhean Croise

YAOGYAW 10:3

Pui pa ang rahsee khankix, chix yuh grang tokaux tix mai chix yaw ka tokaux tix mai nieb yuh pa ang cee ang cag ka Siyiex heue.

YAOGYAW 119:36

Kieh aux koe rhawm rhi, ka grawng ceu pa kham sakse, lheu khaing pa koe rhawm pa mi pa koe liak.

LIH HU 18:21

Lheu khaing an laug pui pa sang pon yuh kaing, khaing pui in khawmuik, pui pa lhat graung ka Siyiex, pui pa kaux sijax mai pui pa koeng ka sinngao pa ang rahsee, mai yaog cao pa kwang ka piang kix, pa kwang ka piang cub tix rheng, ka piang cub tix yieh, ka piang cub tixphwan mai ka piang cub kao kaux.

LIH HU 20:17

“Maix tak ang pon ti ghoing ka nyiex ma paox plawg tix, ang pon ti ghoing ka moeng paox plawg tix, kawncau simex kawncau bun nawh, mawie nawh, la nawh mai can ceu pa mawh cie paox plawg maix tix ceu kawx heue.”

LIH HU 23:13

Rien rhawm ka can ceu pa hoik krai Aux ka maix, paw krai min ceu kaux siyiex tang kaux mai paw kieh pui mhong grawng in khankix khaing jheeh maix heue.

LOX KAB 28:16

Simiang pa ang koe pingnya, chix tuktiak ka pui mai simiang pa koeng ka pa ang rahsee, nawh tak lang ju heue.

YERAMIX 22:17

Viang mawh nan, ngai maix mai rhawm maix mawh ngie son pa ghoing mai son nham pui pa ang koe map grham jauh mai krax pa yeen ya mai krax kin khankix heue.”

YERAMIX 6:13

“Grawh grawng nawh, jah ka pui iak tom hoek ka pui ting khawmuik, kix ku kaux hoik ghoing ka sinngao pa ang rahsee heue. Jah ka cao jhai tom hoek ka cao giex kaing li khankix, kix ku kaux yuh pa lud loe heue.

YERAMIX 8:10

Mawh kheu nan, aux tak tawx moeng kix ka pui tang kaux mai kieh pui tang kaux cie ka kaung kix, grawh grawng nawh, jah ka pui iak tom hoek ka pui ting ku kaux mawh pa gawx ka sinngao, jah ka cao jhai tom hoek ka cao giex kaing li khankix, yuh krax pa lud loe heue.

YEZAKELAX 33:31

Kix hoek ka maix awm khrawm pui hun paox tix, kix ngawm ka plak sivoe maix awm ceu pui Aux mai kix mhong ka gumlox maix, viang mawh nan, kix ang hawt ti yuh, viang jheeh kix jhi mhai rug pa kied moh tix kawx, rhawm rhi kix hawt khaix pa ghoing ka sinngao haktiex heue.

KRUB 15:18

Yam it simex tau mai bun, phan rawm ngang nawh hoik pon ti lih, kiex khawm ra tak heem rawm, kiex mawh pa ang singax tom hoek plakbo.

MIKHA 2:2

Kix ghoing ka ma kaung khankix mai khin rhim ti teei, ghoing ka nyiex ma khankix mai kix hoik rhim tix heue. Kix yuh krax kha rhawm ka pui mai khawm paox nyiex nawh mai khawm ka kraung khrai sinngao nyiex ma nawh heue.

SIMIN 25:1

Yam ot pui Isarelax khankix ka daux Shittim mai pui khankix jah ti koe pa lud pa vao tau mai kawn bun ceu pui Mawbax.

MATHIEX 15:19

Kheu ceu pa keud pa ang mhawm khankix, pa mawh ceu pa pah pui yum, ceu pa lud mai moeng pui, ceu pa lud mai bun, ceu pa briex, ceu pa kham mhai rug pa ang mawh meh mai ceu pa salao, lih khaing daux rhawm heue.

LUKAX 12:15

Nawh Cao baox ah nin ka kix, “Rien rhawm tix son ang sang ghoing kah heue. Mawh kheu ju pui ang ot ka daux pa haoh sin ngao pa koe tix heue.”

LUKAX 16:14

Pharishie khankix pa mawh pui pa moh mau, yam mhong kix lox ceu an khawmuik, kix yuh pa ang cee ang cak nyiah ka Nawh Cao heue.

KAWNCAU 15:20

Viang mawh nan ex khaw ti tiiem lai ka kix, son kix tak ang dex ang teeh ka ceu pa hoik seeing kheu riang grang mai khaing pa lud vao mai khaing pa hoik rhawt ghok mai khaing nham heue.

KAWNCAU 20:33

Aux ang sax ghoing ka mau, ka khri, phan ang mawh nan ka kraung ceep pui tix kaux kawx heue.

ROMAX 1:29

Kix naog ka can pa ang rahsee khawmuik, pa mawh pa caox mai pa ghoing mai pa koe rhawm ti sang yuh pui laux, pa naog ka pa boh rhawm mai pa pah pui yum mai pa simah simiang mai pie lhen mai pa koeng mai pa ah lox suksiep,

ROMAX 16:2

sonsang rieb pex ti teei nawh ka daux Siyiex, awm pa keung pa khaw pui singax singeh ti yuh mai sonsang teem pex ka nawh, ka daux can ceu pa lo nawh khaing pex heue. Grawh grawng nawh tokaux nawh kawx mawh cao pa teem ka pui tom nie mai khawm ka tokaux aux heue.

ROMAX 6:13

Viang kraung pakpeung tokaux pex kawx, paw tawx ti kieh mawh kraung naing pa ang rahsee, ka phimap, viang mawh nan tawx tokaux pex ka Siyiex, awm pui pa hoik kaoh im khaing krax yum mai kieh kraung pakpeung tokaux pex mawh kraung naing pa rahsee ka Siyiex heue.

1 KAWRINTHUX 10:8

Paw kieh ex phit vao, awm hoik phit vao kix tix blah mai hoik goh ti yum ra mheen mai loe rheng ka daux tix singaix khaing.

1 KAWRINTHUX 5:1

Hoik tah krai lao grawng koe ceu pa phit vao ka daux pex, pa mawh ceu pa lang teung phit vao, pie pa ang koe ka daux pui tang ceu khankix, pa mawh, pui ka daux pex tix kaux, pa nieb teei ka moeng keeing tix heue.

1 KAWRINTHUX 6:13

Pa ih mawh son vaig tu mai vaig tu mawh son pa ih, viang mawh nan Siyiex tak sang kieh laux khawm ra ceu heue. Tokaux ang lai mawh son pa phit vao, viang mawh nan mawh son Simiang mai Simiang mawh son tokaux heue.

1 KAWRINTHUX 6:18

To khaing pa phit vao awx. can pa yuh pui ku ceu mawh pa koe plak praix tokaux, kaw pa phit vao yuh phimap ka tokaux tix tiru heue.

2 KAWRINTHUX 12:21

Phan ang mawh nan ha yam baox deeh hoek aux ka pex kox, Siyiex aux tak kieh aux tiem rhawm ka sivoe pex mai aux tak khi rhawm son kix pa haoh pa hun, pa hoik lud glang ka sivoe in mai ang doh keud ka pa ang singax mai ceu pa phit vao mai ceu pa hawt alo nex nham, pa hoik yuh kix heue.

EFESUX 5:12

Grawh grawng nawh ceu pa moh kix ti yuh dee glip, pie pa phaw grawng khankix kawx mawh ceu pa kaig tua heue.

EFESUX 5:5

Pex tawng mhawm mhawm grawng pui pa phit pa vao, pui pa seeing brai, pui pa ghoing, pa mawh pui pa krub riang grang, ang koe sin ka daux meung Cao Khrit mai Siyiex tix kaux kawx heue.

PHILIPPIX 1:27

Kieh ngie pa yuh pex keung mai been lox bwan gaux rhawm gaux rhi Cao Khrit, yuh ka mawx phan aux hoek ka pex ang ah, siyang ot ang ah, aux tak pon ti mhong grawng kaux cong pex mai viex khuan tix mu mai rhawm tix mu khaing, mai niet ti yuh son krax yum rhawm pa dex dawt mai lox bwan gaux rhawm gauxrhi,

KAWLAWSIE 3:5

Mawh kheu nan teei kraung pakpeung tokaux pex yum ka ceu pa koe ka piang haktiex, pa mawh pa phit vao, pa ang singax singeh, alo nex nham, pa simie pa caox, pa ghoing, pa mawh ceu pa krub riang grang heue.

1 THESALONIX 4:3

Ceu pa khaw ka alo Siyiex, mawh pa singax singeh pex, pa ang dex ang yuh ceu pa lud vao,

1 THESALONIX 4:7

Siyiex ang kok ex son pa ang singax singeh, kok ka daux pa singax singeh heue.

1 TIMOSE 2:10

Kieh krax twah krax klaung pa mhawm mawh pa jawg tix, awm pa khaw pa nyawm ti jhak son bun khankix pa hoik ah ti mawh pa chix nab chix yam mai pa yuh pa khaw caw ka Siyiex heue.

1 TIMOSE 3:3

Ang lai mawh pui pa nieb pleung ka plai rawm plix siiet, pa nieb tap toi ka pui, tak lai mawh pa awn rhawm awn rhi, pa ang simah simiang, pa ang moh ka mau heue.

1 TIMOSE 6:10

Pa moh ka mau mawh riah pa caox ku ceu khawmuik mai pui tix blah kheu simie ti pon ka ceu an, hoik lud hu khaing krax yum rhawm mai hoik cun tokaux tix, pang phlat ka ceu pa khi rhawm tom nie heue.

2 TIMOSE 3:2

Pui tak sang mawh pui pa moh tokaux tix, pa moh mau, pa yaw tix, pa ting rhawm, pa salao, pa ang nghiet lox miex keeing, pa ang tawng bwanson, pa ang singax singeh,

TITUX 1:11

Tak lai thox jheeh kix, pui pa klup ti kieh laux ka pui khawm nyiex khankix, ka pa gau pa ang kix khaw ti gau, son sang pon kix mau yie ka grawng pa ang khaw heue.

TITUX 1:7

Pui pa mawh cao giex kaing ceu cao, tak lai mawh pa ang koe dee deuh phimap kah, awm mawh kawncau pa priex kraung Siyiex, pa ang nieb hawt alo tokaux tix, pa ang dawd rhawm, pa ang nieb pleung ka plai rawm plix siiet, pa ang nieb tap ngah pui mai pa ang keud ti pon mau yie daux krax pa ang khaw.

TITUX 2:3

Awm an bun riex ju khankix kawx sang mawh pa chix nab yam ka daux ceu pa yuh tix, son ang kix sang mawh pui pa nieb bied ti krai grawng pui, siliex plai plix siiet tom nie, sonsang mawh cao gau ka ceu pa mhawm.

HEBRIE 12:16

Son tak ang koe pui phit pui vao tix kaux kaux, phan ang mawh nan pui pa ang chix nab chix yam ka Siyiex, awm Esaw, pa hoik coh ara kawn Ai, ka son pa ih tix tix brie heue.

YAWSUX 7:21

“Yam hoik yaox aux kraung pa tud rhim tix kraung ceep ceu pui Babulon, khawm mau ra yieh Shekhe mai gawng khri tix gawng pa cien been tixphwan Shekhe, aux koe krax ghoing rhawm ka ceu ankix mai teei ti cie heue. Aux hoik mox daux tiex, ka daux sigreung nyiex gox aux tau mai mau pa koe greem nawh heue.”

1 PETRUX 5:2

Kia ngien ka cub yung Siyiex pa ot ka sinax pex mai giex kaing kix, viang mawh nan kieh koe rhawm tix sang yuh awm pa khaw mai alo Siyiex mai paw kieh mawh pa khin ti yuh, lheu khaing an paw kieh mawh kheu moh pex ti pon mau pa seeing, viang mawh nan kieh koe rhawm pa mie ti yuh heue.

2 PETRUX 2:10

Viang mawh nan sang nie lheu ah ka kix pa hawt ti hu khaix alo nex nham, ka daux pa mie pa seeing mai pa ang chix nab yam ka ceu pa giex kaing heue. Kix ting rhawm mai nieb hawt alo tokaux tix mai ang ring ang siyaung ti ah lox pa ang cee ang cak, ka pa ting min pakngai khankix,

2 PETRUX 2:14

Kix koe ngai pa naog ceu pa lud vao, pa ang pon yut phimap. Kix nyaw glaw ka rhawm pa ang kaux cong khankix. Rhawm kix hoik gaux ka daux krax pa ghoing. Kix mawh kawn praix pa lawg pa jhax.

2 PETRUX 2:3

Ka daux krax pa ghoing kix, kix tak sang teei lox pa nieb nyaw glaw mai yuh pex mawh kraung khrai. Krax pa sang prawng ca ka kix tom di dix tak ang kut tix mai krax laux leeing kix ang laig it heue.

PLAK JHI 2:14

Viang mawh nan Aux koe ceu pa deuh phimap ka maix ceeix, mawh kheu koe pui maix tan tiblah pa giex been gau Balam, kaw pa hoik gau ka Balak pa taing ceu pa sideeing sivoe kawn praix Isarelax, sonsang ih ceu pa hoik tan ka riang grang khankix mai sonsang lud vao heue.

PLAK JHI 2:21

Aux hoik tawx bawg yam ka kiex, sonsang doh keud kiex ka phimap tix mai ang kiex koe rhawm ti sang doh keud ka pa lud vao tix heue.

PLAK JHI 21:8

Viang mawh nan ka son pa lhat pa graung mai pa ang yum rhawm mai pa greeing mai pa mawh pa pah pui yum mai pa mawh pa lud vao mai pa mawh pa yuh simeed yuh sat mai pa mawh pa krub riang grang khankix mai can pa mawh pie lhen khawmuik, nyum cie kix tak mawh ka daux nhawng pa gleeing ka ngu mai mhat, pa mawh krax yum ra bawg tix bawg heue.”

PLAK JHI 22:15

Ka plak praix koe sox khankix mai pui pa mawh cao yuh simeed yuh sat khankix mai pui pa lud vao khankix mai pui pa pah pui yum khankix mai pui pa krub riang grang khankix mai can pui ku kaux pa moh ka ceu pie lhen mai pa yuh ceu pie lhen heue.

PLAK JHI 9:21

Kix ang lai doh keud ka phimap, pa teei kix pui yum mai ka pa yuh kix phicaox mai pa ploi sat mai ka ceu pa lud vao kix mai ka ceu pa briex pa lak kix, khankix heue.

1 SAMOELAX 8:3

Kawn simex nawh ang lai hawt khaix keeing tix mai moh ka mau pa ang rahsee mai rieb mau cun praok mai tik been pa mawh meh.