EFESUX 5:2 - Wa Common Language Translation

² hu ka daux pa moh rhawm, awm Cao Khrit kawx hoik moh ka pex mai hoik tawx tokaux tix son ex, ti mawh pa tan ka Siyiex, sonsang mawh bhawng pa sioe baux heue.

EFESUX 5:2 Iomraidhean Croise

YAM JAH 8:21

Siyiex khaw rhawm mai rieb ka pa sioe bhawng an mai Simiang Siyiex ah nin ka daux rhawm tix, “Aux tak ang lai baox jhax lawg ka haktiex kheu jao kawn pui khaix in tix bawg kawx, mawh kheu kawn pui koe rhawm pa caox caig jah tom yam iak tix, Aux tak ang lai baox yuh can pa im ju khankix laux leeing awm pa hoik yuh Aux bawg in heue.

LIH HU 29:18

Maix tak gleeing nex yung an kix khawmuik ka piang khu dee tan. An mawh krax tan pa gleeing son Siyiex pa sioe baux mai an mawh krax tan, pa gleeing tix ka ngu son Siyiex leeing ju.

LIH HU 29:25

Maix tak deeh rieb ti teei ankix khaing daux tawm taix kix mai gleeing ka ngu ka piang khu dee tan krax tan pa gleeing, pa sioe bhawng ka sivoe Siyiex mawh krax tan pa gleeing ka ngu son Siyiex.

KRUB 1:13

mai nawh tak sigrhah kraung vaig mai caong khankix ka rawm, cao giex kaing li tak viex nawh khawmuik mai gleeing piang khu dee tan, kieh mawh krax tan pa gleeing ka ngu pa sioe bhawng ka Simiang Siyiex,

KRUB 1:17

nawh tak giex pruik sim an khawm hauk mai lug naok nawh son ang dud khaing paox tix mai cao giex kaing li tak teei tix gleeing piang nawm khix pa koe ngu piang khu dee tan, kieh mawh krax tan pa gleeing ka ngu, pa sioe bhawng ka Simiang Siyiex heue.

KRUB 1:9

mai nawh tak sigrhah kraung vaig mai caong ka rawm, cao giex kaing li tak gleeing an khawmuik piang khu dee tan, kieh mawh krax tan pa gleeing ka ngu, pa sioe bhawng ka Simiang Siyiex.

KRUB 3:16

mai cao giex kaing li tak gleeing ankix piang khu dee tan, awm priex preem pa mawh krax tan pa hoik gleeing ka ngu pa sioe bhawng. Bee khawmuik mawh cie Siyiex.

AMOT 5:21

“Aux koeng mai seeing ka singaix pawie yuh pex khankix mai Aux ang lai khaw rhawm ka krax khrawm pa singax pex heue.

SIMIN 7:21

son krax tan pa gleeing mawie mhaing pa awn ju tix mu, yung mhaing tix mu mai kawn yung mhaing pa naog num tix mu,

MATHIEX 20:28

Awm Kawn kawn pui hoek sonsang kieh pui yuh son tix ang mawh, hoek sonsang yuh son pui mai tawx ju tix, kieh mawh ngawh riang pa taoh son pui khankix heue.”

YOHAN 13:34

Aux tawx gumlox pingnyap pa khraox ka pex, sonsang moh pex paox tix, tix kaux lai tix kaux, awm hoik moh Aux ka pex, sonsang moh pex paox tix, tix kaux lai tix kaux heue.

YOHAN 6:51

Aux mawh blah pa im ju pa lih hoek khaing raoma, phan pui ih blah in nawh tak im leeing ju. Blah pa sang tawx Aux mawh nex Aux heue, Aux sonsang tawx sonsang im ju kawn pui haktiex heue.”

ROMAX 15:16

sonsang mawh aux pui cau soi Yesux Khrit ka pui tang ceu khankix, ti yuh kaing cao giex kaing li ka lox bwan gaux rhawm Siyiex, kheu sang tan pui tang ceu khankix ka Nawh Cao, sonsang mawh kix pa khaw caw rhawm Nawh, pa mawh pa hoik kieh Khuan Singax Singeh nawh singax singeh kah heue.

ROMAX 4:25

Hoik tawx Simiang Yesux an kheu phimap mai hoik kieh deeh kaoh im, sonsang kieh ex hoek krax rahsee heue.

ROMAX 8:3

Pa ang lox lai beenli pon yuh, mawh kheu iak riang rao kheu nex nham, Siyiex hoik ploi Kawn tix lih ka daux pa yaung nex nham phimap mai grawh grawng phimap, Nawh prawng ciyang phimap ka daux nex nham,

ROMAX 8:37

Ang mawh, ka daux ceu in khankix khawmuik, ex mawh pa nie lheu mawh khaing pa pex, kheu Kaw pa hoik moh ka ex heue.

1 KAWRINTHUX 16:14

Can pa yuh pex khawmuik kieh yuh ka daux krax moh krax rhawm heue.

1 KAWRINTHUX 5:7

Khawt ti tik susaix pa prim singax pak lawg, sonsang mawh pex pum blah pa khraox, awm pa mawh pex blah pa ang sau susaix heue. Grawh grawng nawh, Kawn Yung Pasakha ex, pa mawh Cao Khrit, hoik tan heue.

2 KAWRINTHUX 2:14

Yaog yaw ka bwanson Siyiex, pa thong ex ka daux pa pex, ka daux Cao Khrit ku jheung jheung mai kieh sidawng grawng mawh ex ceu pa sioe baux krax tawng ka Nawh Cao kudah kudee heue.

2 KAWRINTHUX 2:15

Ex mawh ceu pa sioe baux cie Cao Khrit ka Siyiex, ka daux kix pa hoek krax taoh mai ka daux kix pa hoek krax laux leeing heue.

2 KAWRINTHUX 8:9

Grawh grawng nawh pex tawng grawng bwanson Simiang ex Yesux Khrit, grawng hoik mawh Nawh pa mi pa koe kawx, Nawh Cao hoik lih mawh pa hot pa sibhawm, sonsang lih mawh pex pa mi pa koe, kheu pa hot pa sibhawm Nawh Cao heue.

KALATIX 1:4

Kaw pa hoik tawx tokaux tix son phimap ex, sonsang taoh Nawh ex khaing ju pa caox in, awm pa khaw mai alo Keeing ex Siyiex,

KALATIX 2:20

Aux hoik yum tau mai Cao Khrit ka khaox lhak mai yam in aux kawn ang baox mawh pa im, Cao Khrit im ka daux aux heue. Ceu pa im aux ka daux nex nham yam in, aux im ka daux krax yum rhawm, pa mawh pa yum rhawm ka Kawn Siyiex, pa hoik moh ka aux mai hoik tawx tokaux tix son aux heue.

EFESUX 1:4

awm hoik laug Nawh Cao ti teei ex daux Cao Khrit, tom ka sang jah ti kaw haktiex, sonsang mawh ex pa singax, pa ang koe dee cha pa loig sivoe Nawh ka daux krax moh,

EFESUX 3:17

Sonsang ot Cao Khrit ka daux rhawm rhi pex kheu krax yum rhawm, kheu sang kaux cong riah pex ka daux krax moh krax rhawm,

EFESUX 3:19

sonsang tawng ka krax moh Cao Khrit, pa nie lheu khaing pa chix tawng, sonsang naog pex ka pa grum naog Siyiex khawmuik heue.

EFESUX 4:15

Kheu giex pa mawh meh ka daux pa moh rhawm, ex tak ting huan ka ku ceu khawmuik ka daux Nawh Cao, kaw pa mawh kaing, mawh Cao Khrit heue.

EFESUX 4:2

Ka rhawm pa awn pa tiem pa lang gun lang yeung mai yeung ka paox tix ka daux krax moh krax rhawm.

EFESUX 5:15

Mawh kheu nan rien rhawm tix ka grawng pa hu pex, paw kieh awm pa ang koe pingnya, viang mawh nan kieh awm pa koe pingnya,

EFESUX 5:25

Mex khankix eue, moh ka moeng tix, awm moh Cao Khrit ka ceu cao, tawx tokaux tix son ceu cao,

PINGNYAP 27:6

Maix tak sum khu dee tan Simiang Siyiex maix ka simaox pa ang max mai maix tak tan krax tan pa gleeing piang son Simiang Siyiex maix.

PHILIPPIX 4:18

Viang mawh nan aux grum koe ku ceu khawmuik mai aux koe nie haoh nie lheu khaing kub, aux hoik kub hoik naog, khaix hoik pon rieb aux ceu pa viex Epaphrawdit khaing pex, pa mawh bhawng pa sioe baux mai pa tan ceu pa keung pa khaw caw ka Siyiex heue.

KAWLAWSIE 3:14

Ka piang ceu in khawmuik ceep pa moh rhawm, pa mawh ceu pa vien pa grum mhawm heue.

1 THESALONIX 4:9

Grawh grawng krax moh krax rhawm ka puxaik khankix, ang pex lo pa tiiem pui lai ka pex tix kaux kawx, mawh kheu Siyiex hoik gau ka pex grawng pa moh ka paox tix, tix kaux lai tix kaux heue.

1 TIMOSE 2:6

pa hoik tawx tokaux tix sonsang taoh ka pui khawmuik heue. Pa kham mhai ruk ka yam caw bawg yam heue.

1 TIMOSE 4:12

Paw kieh pui tix kaux kawx nunai maix kheu awn ju maix, kieh maix mawh ceu pa hawt jawh pui pa yum rhawm khankix ti yuh, ka daux pa sikah, ka daux pa yuh maix, ka daux pa moh, ka daux pa yum rhawm, ka daux pa singax singeh heue.

TITUX 2:14

Kaw pa hoik tawx tokaux tix son ex, son sang taoh Nawh ex khaing daux phimap khawmuik, yuh ti kieh pui tix ceu singax son sang mawh cie tokaux tix, pa nied ti coca ti yuh kaing pa mhawm heue.

HEBRIE 8:3

Grawh grawng nawh hoik ciak ti deuh ka cao giex kaing li ku kaux, son sang tan nawh totaix mai khawm pa tan heue. Cao giex kaing li pa ting in kawx tak lai koe ceu pa tan tix ceu ceu heue.

HEBRIE 9:14

nham Cao Khrit tokaux Nawh pa loig pa ang koe dee ne hoik tan ka Siyiex kheu Khuan Singax Singeh leeing ju, tak sang nie lheu kieh dee chix keud chix tawng pex singax khaing krax twah klaung pa dex mai krax yum, ti sang yuh kaing krub ka Siyiex pa im ju miex ding?

HEBRIE 9:23

Mawh kheu nan ceu pa mawh pa hoik hawt jawh ti yuh ka ceu pa koe ka daux meung raoma khankix, tak lai kieh singax ka ceu inkix heue. Viang mawh nan ceu pa mawh pa koe ka daux meung raoma tete, tak lai kieh singax ka pa tan pa nie lheu mhawm khaing inkix heue.

HEBRIE 9:26

Phan raux mawh nan, jah ka yam kaw haktiex, tom sidah yam in, Nawh Cao tak hoik yaox ti kham geu lawlawx, yam in, yam mawh bawg yam sidah baux ju khankix, Nawh Cao hoik lih bleeh sonsang teei ti tik ka phimap, ka daux pa tan ka tokaux Nawh tix bawg khaing heue.

1 PETRUX 4:8

Lheu khaing ku ceu khawmuik kieh koe krax pa nied ti moh paox tix. Grawh grawng nawh krax moh chix tawb kheem phimap tom nie heue.

1 YOHAN 3:16

Ex tom tawng krax moh krax rhawm, mawh kheu Nawh Cao hoik deuh ju tix yum son ex mai ex kawx khaw ti deuh ju tix yum son puxaik khankix heue.

1 YOHAN 3:23

Lox tawm jhawm krai Nawh Cao mawh pa nhie ex yum rhawm ka ceu kaux kawn nawh Yesux Khrit mai sonsang moh ka paox tix, awm hoik tawm Nawh lox ka ex heue.

PLAK JHI 1:5

mai khaing Yesux Khrit pa mawh cao pa kham mhai ruk pa kaux sijax, pa mawh pa liang ti keh khaing pa yum mai pa mawh cao pa giex kaing piang simiang haktiex khankix liak. Kaw pa hoik moh ka ex mai pa hoik ploi ex khaing phimap ex ka daux nham tix,

PLAK JHI 5:9

Kix rhax lox rhax pa khraox, pa ah nin, “Maix mawh pa keung ti teei ka phuk lai an mai pa keung tix paoh ka cum nawh khankix, mawh kheu hoik pah Maix yum mai kheu hoik teei nham tokaux Maix teei ti tawx ex, pa mawh ceu pui kuceu mai pa mawh pa tang lox sikah kuceu mai pa mawh pui kuceu mai pa mawh pui meung ku meung son Siyiex,