EFESUX 5:1 - Wa Common Language Translation

¹ Mawh kheu nan kieh pex hawt jawh ti yuh pa yuh Siyiex, awm kawn praix pa moh khankix,

EFESUX 5:1 Iomraidhean Croise

YERAMIX 31:20

Mawh Epharem kawn simex pa moh Aux lie? Mawh nawh kawn nyawm pa khaw caw rhawm aux lie? Grawh grawng nawh, yam salao Aux ka nawh, Aux ca kawn koe rhawm doh keud ka nawh, mawh kheu nan, Siyiex ah nin, rhawm Aux kawn simawd ka nawh, Aux tak koe krax caux rhawm piang nawh tete heue.

HOSE 1:10

Viang mawh nan, ceu pui Isarelax khankix, tak sang awm mhaik rawm sigrit sigra, pa ang pon ti tiag mai pa ang uik simin tix heue. Ka in ka baoh khaing dee mawh pa hoik ah nin ka kix, pex ang lai mawh pui Aux heue. Khaix in tak sang mawh pa ah nin ka kix tan, pex mawh kawn Siyiex pa im ju heue.

KRUB 11:45

Aux mawh Simiang Siyiex pa hoik viex pex lih hu khaing daux haktiex Ejiptux, sonsang mawh Aux Simiang Siyiex pex. Mawh kheu nan, pex tak mawh pa singax, mawh kheu mawh Aux pa singax singeh.

MATHIEX 5:45

Kheu sonsang mawh pex kawn Keeing pex pa ot daux meung raoma, kheu Nawh kieh singaix lih piang pui caox pui mhawm mai Nawh kieh lhiex lih piang pui rahsee mai pui ang rahsee heue.

MATHIEX 5:48

Mawh kheu nan pex tak grum mhawm, awm grum mhawm Keeing pex piang raoma heue.”

YOHAN 1:12

Pui pa rieb ka Nawh, pui pa yum rhawm ka ceu kaux Nawh khankix Nawh tawx akhuang kieh mawh kawn Siyiex heue.

EFESUX 4:32

Pex tix kaux lai tix kaux caux rhawm ti yuh pa mhawm ka paox tix, viex pa awn rhawm awn rhi, pluat ka phimap paox tix, awm hoik pluat Siyiex phimap pex ka daux Cao Khrit heue.

PHILIPPIX 2:15

sonsang lih pex ti mawh pa ang koe dee lud mai pa ang chix lud, pa mawh kawn Siyiex pa loig, ka sigreung ju pa kawk vawk, pa tieh lud, jhi tokaux pex ka sinax pui pa yuh nin awm ceu pa toh riang ka daux haktiex,

KAWLAWSIE 3:12

Awm pui pa hoik laug Simiang Siyiex, pa singax singeh, pa moh kah, pex ceep ceu pa moh rhawm, pa caux rhawm, pa mhawm rhawm, pa tiem rhawm tiem rhi, pa awn rhawm awn rhi, pa lang gun lang yeung heue.

1 YOHAN 4:11

Pui pa moh aux khankix eue, phan Siyiex hoik moh ka ex nie ding nie dod, viang ex kawx khaw ti moh ka paox tix heue.