EFESUX 4:9 - Wa Common Language Translation

⁹ Pa hoik ah “Nawh haok,” sang bleeh ka pa yuh ka mawx, phan Nawh ang nyang bax hoik lih khawm ka greem daux tiex?

EFESUX 4:9 Iomraidhean Croise

YAM JAH 11:5

Siyiex lih jhak ka veng mai nyiex lhaong pa sum kawn pui heue.

YAOGYAW 139:15

Tokaux aux hoik sidawng sivoe ngai Maix, yam kleuk yam yuh Maix aux, ka greem tiex ka dee glip heue.

YAOGYAW 63:9

Pui pa sawg ti yuh ju aux laux khankix, tak laig hu ka greem tiex heue.

YAOGYAW 8:5

Maix hoik yuh nawh tiiem khaing kawncau Siyiex khankix ceeix khaing heue. Maix hoik ceep nawh ka mhok min pakngai mai ceu pa nabyam yungyi heue.

LIH HU 19:20

Siyiex lih hoek ka piang choek gawng Sina. Siyiex kok Mose ka piang choek gawng mai Mose kawx haok.

LOX KAB 30:4

Mawh pui mawx pa haok meung raoma mai deeh hoek? Pui mawx pa pon jhawp bhaung daux taix tix? Pui mawx pa pon kie ti deuh rawm ka kraung ceep tix? Pui mawx pa kieh haktiex kaux cong tom sidah? Phan maix ang tawng Nawh, ceu kaux Nawh mai ceu kaux kawn simex Nawh, kaux patix? khex pon krai maix lie?

ISAYAX 44:23

Raoma eue, ah lai rhax, mawh kheu hoik yuh Siyiex ceu in, dee pa raux greem haktiex eue, kok yo heue, gawng lua, khaox mai pang khaox can pa koe daux nawh eue, ah lox rhax sinum, mawh kheu Siyiex hoik taoh lawd Yakop mai hoik rieb min ka daux pui Isarelax.

YEZAKELAX 31:14

son ang num khaox pa koe hawt rawm pon yaw rangdi ka pa kied ting lhaong tix mai ang pon yaogyaw rao nyoig tix ka sinax kak mai son ang num khaox pa nyaux rawm khankix, tak ang lai pon tiag pa lhaong tix sigreung ankix, mawh kheu kix hoik dawg mawh pa ap tix ka krax yum, ka greem tiex sinax kawn pui, pa lih hu ka daux tiex heue.

MATHIEX 12:40

Mawh kheu awm hoik ot Yonax ka daux vaig kax ting loe singaix loe sawm, Kawn kawn pui kawx, tak ot ka daux tiex loe singaix loe sawm heue.

YOHAN 20:17

Yesux baox ah nin ka nawh, “Paw vi teeh Aux, kheu ang Aux nyang bax haok hu ka Keeing Cao. Viang mawh kawx nan hu ka puxaik Aux khankix krai kix grawh grawng pa sang haok Aux ka Keeing Aux Keeing pex Siyiex Aux mai Siyiex pex heue.”

YOHAN 3:13

Pui tix kaux kawx ang sax haok ka meung raoma, lheu khaing Kaw pa lih khaing meung raoma, pa mawh Kawn kawn pui pa ot ka daux meung raoma heue.

YOHAN 6:33

Grawh grawng nawh blah Siyiex mawh pa lih hoek khaing Raoma tawx ju pa im ka haktiex heue.”

YOHAN 6:38

Grawh grawng nawh Aux lih hoek khaing raoma sonsang yuh alo tokaux tix ang mawh, Aux hoek ti yuh alo Cao pa ploi Aux hoek beue.

YOHAN 6:41

Yam an pui Yudax khankix salao ka Nawh Cao kheu hoik ah Nawh, “Aux mawh blah pa lih hoek khaing raoma”

YOHAN 6:51

Aux mawh blah pa im ju pa lih hoek khaing raoma, phan pui ih blah in nawh tak im leeing ju. Blah pa sang tawx Aux mawh nex Aux heue, Aux sonsang tawx sonsang im ju kawn pui haktiex heue.”

YOHAN 6:58

Blah in mawh pa lih hoek khaing raoma ang awm mannax pa hoik ih hoik yum tax du pex khankix, kheu pui pa ih blah in tak im ju leeing ju heue.”

YOHAN 6:62

Phan pex yaox Kawn kawn pui deeh haok hu dee hoik ot Nawh phao ka, pex sang ce yuh ka mawx?

YOHAN 8:14

Yesux deeh pawk ah nin ka kix, “Viang Aux kham mhai rug grawng tokaux tix kawx, mhai rug Aux mawh pa mawh pa meh, kheu tawng Aux dee kaoh Aux mai dee sang hu Aux heue. Viang mawh nan, ang pex tawng dee kaoh Aux mai dee sang hu Aux.

HEBRIE 2:7

Maix hoik yuh nawh iak khaing kawncau Siyiex khankix ceeix khaing heue. Maix hoik ceep nawh ka mhok min pakngai mai ceu pa yungyi mai Maix hoik ciak ti deuh nawh ka piang khaix taix Maix khankix heue.

HEBRIE 2:9

Ex yaox Kaw pa hoik yuh ti kieh mawh pa iak khaing kawncau Siyiex khankix ceeix khaing, pa mawh Yesux, mawh kheu ceu pa kham geu krax yum hoik ceep mhok min pakngai mai ceu pa yungyi kah, yuh ka mawx kheu bwanson Siyiex Nawh tak sang cim ka krax yum son pui ku kaux daux pui heue.