EFESUX 4:6 - Wa Common Language Translation

⁶ koe Siyiex pa mawh Keeing khawmuik tix kaux khaing, Nawh mawh pa ting piang khawmuik mai pa tah preeng khawmuik mai pa koe ka daux khawmuik heue.

EFESUX 4:6 Iomraidhean Croise

YAM JAH 14:19

Nawh nawb bwan piang Abram ah nin, “Siyiex Cao pa ting lhaong, pa phan haktiex mai raoma, nawb bwan ka Abram liak,

YAOGYAW 95:3

Grawh grawng nawh, Siyiex mawh pa ting lhaong khaing khawmuik, Nawh mawh Simiang pa ting piang siyiex khawmuik heue.

ISAYAX 63:16

Viang Abraham ang koe krax pa tawng ka ex mai ceu pui Isarelax ang lai deuh ti tawng ka ex kawx, Siyiex eue, Maix mawh keeing ex heue. Cao pa taoh ti teei ex tom ju dix mawh ceu kaux Maix heue.

MALAKHIX 2:10

Ex khawmuik hoik mawh keeing tix kaux khaing ang mawh lie? Hoik mawh Simiang tix kaux khaing pa hoik phan ti deuh ex ang mawh lie? Ex chix sang yuh pa ang kaux sijax ka puxaik tix, tix kaux lai tix kaux mai yieh ka sijax mukheu keeing ex khankix kheu grawng pa yuh ka mawx lie?

SIMIN 16:22

Kiex gup pakngai tix ah nin, “Siyiex eue, Siyiex pa mawh ju khwan ka piang nex nham kawn pui khawmuik, kheu jao phimap pui tix kaux mai Maix Cao song rhawm ka cub pui hun khawmuik lie?”

MATHIEX 6:13

Mai paw vieh ex hoek ka daux krax nyaw krax glaw, viang mawh nan taoh ex khaing kaw pa caox liak. Grawh grawng nawh, meung raoma mai siawb sibrawm mai min plakngai, mawh cie Maix leeing ju heue. Amen.

MATHIEX 6:9

Mawh kheu nan pex rawg bwan yuh nin, Keeing ex pa ot piang meung raoma Kieh ceu kaux Maix koe krax yung krax yi heue.

YOHAN 14:23

Yesux pawk lox ah nin ka nawh, “Phan pui moh ka Aux nawh tak sang priex ti hawt gumlox Aux, Keeing Aux tak moh ka kaw an, Yiex tak hoek ka nawh mai ot tau mai nawh heue.

YOHAN 17:26

Aux hoik kieh kix tawng ka ceu kaux Maix Aux tak sang baox kieh kix tawng heue, yuh ka mawx krax moh pa hoik moh Maix ka Aux, tak sang ot ka daux kix sonsang ot Aux ka daux kix heue.” Yohan

YOHAN 20:17

Yesux baox ah nin ka nawh, “Paw vi teeh Aux, kheu ang Aux nyang bax haok hu ka Keeing Cao. Viang mawh kawx nan hu ka puxaik Aux khankix krai kix grawh grawng pa sang haok Aux ka Keeing Aux Keeing pex Siyiex Aux mai Siyiex pex heue.”

ROMAX 11:36

Can pa koe kuceu khawmuik, hoik mawh kheu Nawh mai ka daux Nawh mai son Nawh heue. Kieh Nawh Cao koe min pakngai leeing ju liak. Amen.

1 KAWRINTHUX 12:6

Koe kaing yuh tom haoh ceu, Siyiex mawh tix kaux khaing, pa mawh Cao pa yuh ku ceu khawmuik, ka daux khawmuik heue.

1 KAWRINTHUX 8:6

Ka ex koe ngie Siyiex tix kaux khaing, pa mawh Keeing Cao, can pa koe kuceu khawmuik hoik lih mawh ka daux Nawh Cao, ex kawx mawh son Nawh heue. Koe ngie Simiang tix kaux khaing, pa mawh Yesux Khrit, can pa koe ku ceu khawmuik hoik lih mawh kheu Nawh mai ex kawx lih mawh kheu Nawh heue.

2 KAWRINTHUX 6:16

Nyiex bwan Siyiex mai riang grang chix khaw paox tix yuh ka mawx? Grawh grawng nawh ex mawh nyiex bwan Siyiex pa im ju, awm pa khaw mai pa hoik ah Siyiex yuh nin, “Aux tak ot ka daux kix mai hu ka daux kix mai Aux tak mawh Siyiex kix mai kix tak mawh pui cie Aux heue.”

EFESUX 1:21

kied ting ka piang ceu pa giex kaing, pa koe min pakngai, siawp sibrawm mai simiang haktiex, can ceu kaux ku ceu pa hoik kok kah, ang joeng mawh ngie ka ju haktiex in, viang mawh nan khawm daux ju pa tak sang hoek phao khaix khawmuik heue.

EFESUX 2:22

Pex kawx hoik sum tau ka daux Nawh Cao, sonsang mawh dee ot Siyiex ka daux Khuan Cao heue.

EFESUX 3:17

Sonsang ot Cao Khrit ka daux rhawm rhi pex kheu krax yum rhawm, kheu sang kaux cong riah pex ka daux krax moh krax rhawm,

EFESUX 6:23

Kieh pa nhim koe ka puxaik khankix mai krax moh tau mai krax yum rhawm pa kaoh khaing Siyiex Keeing Cao mai Simiang Yesux Khrit heue.

PINGNYAP 6:4

O pui Isarelax khankix nghiet heue, Simiang Siyiex, Siyiex ex mawh Siyiex tix kaux khaing,

1 YOHAN 3:24

Kaw pa priex ti hawt lox tawm jhawm krai Nawh Cao, ot ka daux Nawh Cao mai Nawh Cao kawx ot ka daux nawh heue. Mawh kheu in ex tom tawng grawng ot Nawh Cao ka daux ex kheu Khuan Cao pa hoik tawx Nawh ka ex heue.