EFESUX 4:2 - Wa Common Language Translation

² Ka rhawm pa awn pa tiem pa lang gun lang yeung mai yeung ka paox tix ka daux krax moh krax rhawm.

EFESUX 4:2 Iomraidhean Croise

YAOGYAW 138:6

Siyiex, viang mawh Nawh pa ot dee lhaong kawx, jhak ka pui pa awn rhawm heue. Pui pa ting rhawm rhi khankix, Nawh Cao hoik tawng tom dee singai heue.

YAOGYAW 45:4

Kieh sibrawm Maix pex hu mai brug hu ka lox pa mawh meh mai lox pa awn pa tiiem mai lox pa rahsee liak, taix khawn dawm Maix tak sang jhi ka ceu pa lhat graung heue.

LOX KAB 16:19

Pa yuh paox pie ka pui pa awn rhawm khankix, nie lheu mhawm khaing yuh paox pie mai pui pa ting rhawm, pa gwieh tix cie kraung khrai mau khri pa pon khaing pa tud rhim heue.

LOX KAB 3:34

Nawh Cao salao ka pui pa chix sa lao khankix mai yuh bwanson ka pui pa awn rhawm khankix heue.

SIDIEX 7:8

Dee sidah sidu an mawh pa nie lheu mhawm, khaing dee jah tix koe mai pa koe rhawm gun rhawm yeung, mawh pa nie lheu mhawm khaing pa lhaong rhawm heue.

ISAYAX 57:15

Grawh grawng nawh, cao dee lhaong mai cao pa kied lhaong, pa koe leeing ju, pa ceu kaux mawh pa singax singeh, ah nin, “Aux ot ka dah dee lhaong mai dee pa singax, ot tau mai pui pa koe krax pa kied laux rhawm mai pa koe rhawm awn rhawm tiiem, sonsang kieh khwan pa koe krax pa awn rhawm khankix deeh im ju mai sonsang kieh rhawm pui pa laux rhawm khankix deeh im ju heue.

ZEPHANIX 2:3

Pex pa koe rhawm awn rhawm tiiem ka piang haktiex khankix, pa hoik priex ti hawt gumlox tat jhawm prawng Siyiex khankix eue, pex sawg ka Siyiex heue. Sawg ka krax pa rahsee sawg ka krax pa tiiem rhawm rhi, phan yuh nan ka daux singaix lih krax song rhawm Siyiex, pex nieb pon mox tix nie.

ZAKHARIX 9:9

Kawn bun Zion eue, Koe krax gaux rhawm ka daux pa kied ting kied lhaong heue. Kawn bun veng Yerusaliem eue, Kok yox lox tix lih heue. Jhak heue, Simiang maix hoik bleeh ti hoek ka maix heue. Nawh Cao mawh pa rahsee mai pa tawx krax taoh, pa viex rhawm awn rhawm tiem mai brug ka piang la, pa mawh pa brug ka kawn la awn ju heue.

SIMIN 12:3

Mose mawh pa kied koe rhawm awn rhawm tiem lheu khaing pa koe ka piang haktiex.

MATHIEX 11:29

Teei ti klawm khaox glawm Aux mai hoek ti gau ka Aux, kheu Aux koe rhawm pa awn pa tiem mai ju pex tak yaox dee laux lee tix heue.

MAKUX 9:19

Nawh Cao pawk lox mai ah nin ka kix, “Pui ju pa ang koe krax yum rhawm eue, Aux tak kawn sang ot mai pex miex grheung? Aux tak kawn sang gun yeung pex miex grheung? Viex nawh hoek ka Aux heue.”

KAWNCAU 20:19

Grawng hoik viex aux rhawm awn rhawm tiem mai jah rawm ngai ti yuh son Siyiex, kheu ceu pa cheuk pa nyaw pa hoik kham geu aux ka grawng pa caox pa pui Yudax khankix hoik keud ti yuh ka aux,

ROMAX 15:1

Ex pa mawh pa ting riang rao, khaw ti yeung ka ceu pa iak riang rao kix pa ang koe riang khankix mai ang khaw ti yuh ceu pa khaw rhawm tokaux tix heue.

1 KAWRINTHUX 13:7

Tawb kheem ka kuceu khawmuik, yum rhawm ka ku ceu khawmuik, keud pot jun pot ka kuceu khawmuik mai chix gun yeung ka kuceu khawmuik heue.

KALATIX 6:2

Tix kaux lai tix kaux klawm glawm paox tix mai kieh lox lai beenli Cao Khrit naog kah heue.

EFESUX 1:4

awm hoik laug Nawh Cao ti teei ex daux Cao Khrit, tom ka sang jah ti kaw haktiex, sonsang mawh ex pa singax, pa ang koe dee cha pa loig sivoe Nawh ka daux krax moh,

KAWLAWSIE 1:11

kieh baox koe riang ka daux siawp sibrawm khawmuik, awm pa khaw mai riang rao min pakngai Nawh, sonsang chix grum yeung mai chix lang gun yeung tau mai krax gaux rhawm,

1 TIMOSE 6:11

Mawh kheu nan maix pa mawh pui Siyiex eue, to khaing ceu in khankix mai hawt khaix pa rahsee mai ceu pa nab yam pa yuh pa khaw ka Siyiex mai pa yum rhawm mai pa moh mai pa gun pa yeung mai pa awn rhawm heue.

2 TIMOSE 2:25

tak lai viex rhawm awn rhawm tiem mai gau ka kix pa deeh kieh raw ka tokaux tix, ha Siyiex kox deeh kieh kix doh keud ka phimap tix hoek ka pa tawng pa mawh pa meh,

YAKOP 1:21

Mawh kheu nan tik pa seeing brai ku ceu khawmuik mai pa chax nie luan yuh pa caox mai viex rhawm awn rhawm tiem mai rieb ti teei gumlox pa hoik sum ka daux pex, pa chix taoh ju pex heue.

1 PETRUX 3:15

Viang mawh nan yuh pa singax tix, kieh Khrit mawh Siyiex ka daux rhawm pex mai kieh rien tix jheung jheung, sonsang pon ti pawk lox ka pui ku kaux, pa sang chawk pex ka grawh grawng krax keud pot jun pot pa koe ka daux pex, viang mawh nan viex rhawm awn mai pa chix lhat yungyi heue.

1 PETRUX 3:8

Lox pa ghoik mawh nin. Kieh pex khawmuik koe rhawm tix mu, pa koe rhawm khi mai pa chix khu rhawm paox tix mai pa koe krax moh krax rhawm awm puxaik khankix mai pa koe krax caux rhawm mai pa koe krax awn rhawm heue.