EFESUX 4:12 - Wa Common Language Translation

¹² sonsang kieh pui pa singax singeh khankix grum mhawm, son kaing sidiex gau, sonsang sum, yuh tokaux Cao Khrit ting,

EFESUX 4:12 Iomraidhean Croise

LUKAX 22:32

Viang mawh nan Aux hoik rawg bwan, son maix, son ang krax yum rhawm maix sang laux heue. Yam deeh tieh maix ti hoek maix tak kieh puxaik maix khankix kaux cong heue.”

KAWNCAU 1:17

Grawh grawng nawh, hoik simin nawh tau ka daux ex mai nawh hoik pon ti yuh kaing cao sidiex gau in, pa mawh son cie tix heue.

KAWNCAU 1:25

Sonsang kieh nawh teei kaing cao sidiex cao gau in mai sonsang yuh kawncau pa ting, ka dee hoik rau hoik gwieh Yudax, yuh ka mawx sonsang pon hu nawh ti ot dee ot cie tix heue.”

KAWNCAU 11:23

Yam hoek nawh tan mai hoik yaox bwanson Siyiex, nawh gaux rhawm kah mai sidiex gau kix khawmuik, sonsang deuh kix rhawm tix kaux mai kawm ka Siyiex tom sied.

KAWNCAU 20:24

Viang mawh nan, nyawk ka mawh ju aux, ang aux lai lhawk ka ju aux, sonsang pon yuh aux tom hoik, kaing sidiex gau pa hoik pon aux khaing Simiang Yesux, sonsang pon ti kham mhai rug grawng lox bwan gaux rhawm pa dex dawd mai bwanson Siyiex heue.

KAWNCAU 20:28

Mawh kheu nan rien rhawm ka tokaux tix mai ka cub yung khawmuik, pa hoik kieh Khuan Singax Singeh pex mawh cao bung cao kia, sonsang tawx ceu cao sawm pa hoik liag Simiang ka nham tokaux tix heue.

KAWNCAU 9:31

Ceucao pa koe ka daux meung Yudax mai meung Galilie mai meung Samarix khawmuik koe krax nhim mai baox ting lhaong mai kix hu ka daux pa lhat ka Simiang Yesux mai ka daux ceu pa nyawm rhawm pa khu Khuan Singax Singeh mai baox nie haoh hun heue.

ROMAX 12:5

Awm an ex pa mawh pui tom nie, mawh tokaux tix mu khaing ka daux Cao Khrit mai ralai mawh kraung pakpeung ka paox tix heue.

ROMAX 12:7

Phan ang mawh nan, phan mawh cao sidiex kieh ex viex khawm rhawm tix yuh kaing sidiex tix heue. Phan ang mawh nan kaw pa yuh sara cao gau, kieh nawh yuh kaing gau tix heue.

ROMAX 14:19

Mawh kheu nan kieh ex hawt khaix ceu pa dex mai krax nhim mai ka ceu pa chix kieh ex paox tix ra lai ting lhaong heue.

ROMAX 15:14

Puxaik aux khankix eue, aux hoik yum rhawm grawng tokaux pex hoik naog ka pa mhawm mhiem mai naog ka krax tawng yung khawmuik mai chix ti sidiex ka paox tix, tix kaux lai tix kaux heue.

ROMAX 15:2

Kieh ex ku kaux daux pui yuh pa khaw caw rhawm paox plawg tix, ka son ceu pa mhawm, tom sang ting lhaong nawh kah heue.

ROMAX 15:29

Aux tawng yam hoek aux ka pex, aux tak sang hoek ka daux pa grum naog bwanson Cao Khrit heue.

1 KAWRINTHUX 12:27

Pex mawh tokaux Cao Khrit mai tang mawh kraung pakpeung ka Nawh heue.

1 KAWRINTHUX 12:7

Ka kaux pui mawx kaux pui an, hoik tawx ceu pa plak jhi Khuan Cao, sonsang pon bwanson heue.

1 KAWRINTHUX 14:12

Mawh kheu nan viang pex kawx, viex khawm rhawm tix, ti simie ka totaix pa dex mai khuan khankix, nied ti sawg ti sang nie lheu grum ka daux ceu an khankix, pa sang kieh ceu cao ting lhaong kah heue.

1 KAWRINTHUX 14:14

Grawh grawng nawh phan aux rawg bwan ka daux lox ceu pa tang pa siyox, mawh khuan aux pa rawg bwan, viang mawh nan krax tawng aux ang koe bwanson heue.

1 KAWRINTHUX 14:26

Puxaik khankix eue, tak sang yuh ka mawx? Yam krawk khrawm pex paox tix, kaux pui mawx kaux pui an tang koe, lox rhax yaogyaw, koe lox pa sang gau kah, koe pa sang plak jhi kieh yaox, koe pa sikah ka lox ceu pa tang pa siyox, koe pa teei lih dee bleeh heue.

2 KAWRINTHUX 12:19

Pex lai ce jih jang glang gleeing ex hoik sawg ti tieb tie phimap tix ka pex nieh. Ex krai ka daux Cao Khrit ka plak sivoe Siyiex heue. Pui pa moh aux khankix eue, can ku ceu khawmuik mawh son sang kieh pex ting lhaong ka heue.

2 KAWRINTHUX 13:11

Puxaik khankix eue, in mawh lox pa ghoik pa sidah, gaux rhawm heue, kieh grum mhawm heue, kieh nyawm rhawm heue, kieh mawh rhawm tix mu khaing heue, ot ka daux pa nhim mai Siyiex krax pa moh rhawm mai krax pa nhim tak sang ot tau mai pex heue.

2 KAWRINTHUX 13:9

Grawh grawng nawh ex gaux rhawm yam iak riang iak rao ex mai ting riang pex mai sonsang grum mhawm pex kawx, ex rawg bwan heue.

2 KAWRINTHUX 3:8

Lox been pa dex mai Khuan, tak ang nie lheu tawx tau mai min pakngai yuh ka mawx?

2 KAWRINTHUX 4:1

Mawh kheu nan, kheu koe ex kaing cau kaing soi in, awm pa hoik pon ex krax caux rhawm, ex ang lai khrup rhawm kah heue.

2 KAWRINTHUX 5:18

Ku ceu khawmuik hoik mawh kheu Siyiex, Kaw pa hoik kieh ex deeh khaw caw paox tix ka tokaux Nawh, kheu Cao Khrit mai hoik tawx ex kaing pa sidiex grawng ceu pa deeh khaw caw paox tix an ka ex heue.

2 KAWRINTHUX 6:3

Son ang koe jao dee sideeing ka daux tix ceu kawx, son ang lai koe dee deuh phimap ka kaing cau ex.

2 KAWRINTHUX 7:1

Pui pa moh aux khankix eue, kheu koe lox mukheu inkix, kieh ex kieh tokaux tix singax khaing ceu pa seeing brai khawmuik pa dex mai nex mai khuan mai kieh grum ka pa singax ka daux pa lhat graung ka Siyiex heue.

EFESUX 1:23

pa mawh tokaux Nawh, pa grum naog Kaw pa kieh grum naog ku ceu khawmuik heue.

EFESUX 4:16

Tokaux khawmuik mawh khaing Nawh Cao pa sitoe tokaux ti klia tix tau ka pa deeh lih pon tawx riang kraung daux tokaux ku ceu, awm pa yuh kraung daux tokaux mawx, kraung tokaux an, sonsang ting huan tokaux tix ka daux krax moh krax rhawm heue.

EFESUX 4:29

Paw kieh lox pa seeing brai lih khaing daux jheeh pex tix gum kawx, ah ceu pa mhawm, awm pa lo sonsang kieh ting lhaong yam mawx yam an, sonsang koe bwanson son kix pa mhong khankix heue.

EFESUX 4:4

Koe ngie tokaux tix mu khaing mai Khuan Cao tix mu khaing, awm ceu pa kok pa hoik kok ka pex mawh ka daux krax keud pot jun pot tix mu khaing.

KAWLAWSIE 1:24

Yam in aux gaux rhawm ka daux pa kham geu aux son pex, kieh ceu pa kha rhawm Cao Khrit pa ang nyang grum naog, naog ka daux nex nham aux, son tokaux Nawh Cao, pa mawh ceu cao heue.

KAWLAWSIE 1:28

Ex krai grawh grawng Nawh mai sidiex ka pui ku kaux mai gau ka pui ku kaux ka daux pingnya cuyi khawmuik, sonsang pon ex ti tawx pui ku kaux mawh pa hoik grum mhawm ka daux Cao Khrit heue.

KAWLAWSIE 4:17

Ah nin ka Akhippux, “Rien rhawm tix ka kaing jhaw cao sidiex pa hoik pon maix ka daux Simiang Siyiex, sonsang yuh maix tom grum naog.”

1 TIMOSE 1:12

Aux yaogyaw bwanson Nawh Cao, pa mawh Simiang ex Yesux Khrit, pa hoik kieh aux koe riang rao heue. Mawh kheu hoik sawn Nawh aux mawh pa kaux sijax mai ciak ti kieh aux yuh kaing jhaw Nawh,

2 TIMOSE 4:11

Mawh ngie Lukax pa ot tau mai aux khaing. Rieb ti teei Makux mai viex nawh hoek tau mai maix, kheu nawh koe bwanson son aux daux kaing sidiex aux heue.

2 TIMOSE 4:5

Maix priex rhawm tix ka daux ku ceu khawmuik, kham geu ka pa nu, yuh kaing sara cao sidiex, yuh ti kieh pa yuh maix grum naog heue.

HEBRIE 13:17

Nghiet ka kix pa giex kaing ka piang pex mai cu nghiet ka kix, grawh grawng nawh kix mawh pa pau ka son ju pex, awm kix pa tak sang kham ceu pa chawk ka grawh grawng pex. Kheu son pa yuh kix nan tak mawh ka krax gaux rhawm mai tak ang mawh ka krax pa khi rhawm, mawh kheu phan mawh ka krax khi rhawm tak ang koe bwanson son pex heue.

HEBRIE 6:1

Mawh kheu nan kieh ex prah ka ceu pa gau, pa mawh lox num been Cao Khrit khankix mai hu plak sivoe tom uik grum die huan mai ang baox deeh yuh ti deuh num pa doh keud ka krax twah klaung pa yum mai ka krax yum rhawm ka Siyiex,