EFESUX 4:11 - Wa Common Language Translation

¹¹ Nawh Cao kieh tix blah mawh kawncau pa ting, kieh tix blah mawh cao jhai, kieh tix blah mawh cao sidiex lox bwan, kieh tix blah mawh sara pa kia ceu cao mai sara cao gau,

EFESUX 4:11 Iomraidhean Croise

2 GRAWNG BEEN 15:3

“Ka daux bawg yam pa kied rheung, pui Isarelax khankix ang lai koe Siyiex pa mawh meh mai ang lai koe cao giex kaing li pa gau mai ang lai koe gumlox beenli khankix heue.

YERAMIX 3:15

“Aux tak yaox tix tawx cao liang yung khankix ka pex awm krax pa koe rhawm Aux mai pa sang liang pex ka cuyi pingnya mai krax tawng yung heue.

MATHIEX 28:20

Gau kix kieh kix hawt yuh ceu pa hoik nhie Aux ka pex khawmuik, Aux tak ot tau mai pex jheung jheung, tom hoek bawg yam sidah haktiex heue.”

KAWNCAU 13:1

Ka daux ceucao pa koe ka daux veng Antiuk, koe pui pa mawh cao jhai mai cao gau, pa mawh Banabax mai Simeon pa kok mawh Nika. Mai Lukix pui meung Kurene mai Manaen pa hoik yuh ti mawh puxaik simiang Herut mai Sawlux heue.

KAWNCAU 20:28

Mawh kheu nan rien rhawm ka tokaux tix mai ka cub yung khawmuik, pa hoik kieh Khuan Singax Singeh pex mawh cao bung cao kia, sonsang tawx ceu cao sawm pa hoik liag Simiang ka nham tokaux tix heue.

KAWNCAU 21:8

Ngaix pasax ex lih hu mai hoek ka veng Kesarix mai laig ka daux nyiex Philipux, pa mawh cao sidiex, ka daux kix aliah kaux tix kaux, ex ot tau mai nawh heue.

ROMAX 12:7

Phan ang mawh nan, phan mawh cao sidiex kieh ex viex khawm rhawm tix yuh kaing sidiex tix heue. Phan ang mawh nan kaw pa yuh sara cao gau, kieh nawh yuh kaing gau tix heue.

1 KAWRINTHUX 12:4

Koe totaix tom haoh ceu, Khuan Cao koe ngie tix kaux khaing heue.

EFESUX 2:20

pa hoik sum piang jaong rong, pa mawh kawncau pa ting mai cao jhai khankix, tokaux Yesux Khrit mawh Simaox kaing ka daog heue.

EFESUX 3:5

ceu pa ang sax kieh tawng ka Kawn kawn pui daux ju pa hoik luan khankix, awm Khuan Cao hoik plak kieh yaox yam in ka kawncau pa ting mai cao jhai pa singax singeh cie Nawh khankix,

EFESUX 4:8

Mawh kheu nan Nawh Cao hoik ah nin, “Yam haok Nawh dee lhaong, Nawh thong ka pui pa hoik pon giex laung khankix mai nawh tawx totaix khankix ka pui khankix heue.”

2 TIMOSE 4:5

Maix priex rhawm tix ka daux ku ceu khawmuik, kham geu ka pa nu, yuh kaing sara cao sidiex, yuh ti kieh pa yuh maix grum naog heue.

HEBRIE 5:12

Phan keud grawng pa hoik luan bawg yam jih jang glang gleeing, pex khaw ti uik mawh cao gau, viang mawh nan pex baox deeh lo cao pa gau pex ka num lox lai beenli Siyiex khankix mai pex hoik lih mawh pa lo rawm teeih mai pa ang lo pa ih pa mawh to heue.

YUDAX 1:17

Viang mawh nan pui pa moh aux khankix eue, pex doh keud ka lox pa hoik grux krai kawncau pa ting Simiang ex Yesux Khrit khankix,

PLAK JHI 18:20

Raoma mai pex pui pa singax mai kawncau pa ting, mai cao jhai khankix eue, gaux rhawm rawb nawh heue. Kheu Siyiex hoik pawk bix pex ka nawh heue.”

PLAK JHI 21:14

Guh veng an koe jaong num kao ra mu mai ka piang jaong an khankix koe ceu kaux kawncau pa ting cie kawn Yung an kao ra kaux heue.