EFESUX 4:1 - Wa Common Language Translation

¹ Mawh kheu nan aux pa mawh pui pa laung son Simiang, khyox khaw ka pex, sonsang hu awm pa keung mai ceu pa hoik kok ka pex,

EFESUX 4:1 Iomraidhean Croise

YAM JAH 17:1

Yam hoik koe ju Abram tixdim dim num Simiang Siyiex lih bleeh ka Abram ah nin, “Aux mawh Siyiex pa ting sibrawm, hu plak sivoe ngai Aux, daux pa grum naog awx.

YAM JAH 5:24

Enawk hu tau mai Siyiex, nawh ang lai koe khaix an, mawh kheu hoik deeh teei Siyiex ka nawh heue.

YERAMIX 38:20

Khaix an Yeramix ah nin, “Kix tak ang ap maix heue. Yuh bwanson nghiet ka lox Siyiex pa hoik krai aux ka maix heue. Mawh kheu an tak mawh ceu pa mhawm ka son maix mai ju maix tak im heue.

KAWNCAU 9:31

Ceucao pa koe ka daux meung Yudax mai meung Galilie mai meung Samarix khawmuik koe krax nhim mai baox ting lhaong mai kix hu ka daux pa lhat ka Simiang Yesux mai ka daux ceu pa nyawm rhawm pa khu Khuan Singax Singeh mai baox nie haoh hun heue.

ROMAX 11:29

Totaix khankix mai pa kok Siyiex kah, ang mawh ceu pa deeh tieh loh khaing heue.

ROMAX 12:1

Mawh kheu nan, puxaik khankix eue, aux tom khyox khaw ka pex, kheu pa caux rhawm Siyiex, sonsang tawx pex tokaux tix, ti mawh pa tan pa im, pa singax singeh, pa khaw caw ka rhawm Siyiex, pa mawh kaing krub pa keung pex ti yuh heue.

1 KAWRINTHUX 4:16

Mawh kheu nan aux tom khyox khaw ka pex, sonsang mawh pex pa hawt jawh ti yuh khaix aux heue.

2 KAWRINTHUX 10:1

Tokaux aux Pawlux, pa tiem rhawm rhi yam ot mai pex, pa koe rhawm kwa yam tang ot khaing pex, khyox khaw ka pex ka ceu pa awn rhawm mai ceu pa mhawm rhawm mhawm rhi Cao Khrit heue.

2 KAWRINTHUX 5:20

Mawh kheu nan ex tom mawh pui pa yuh tang, ka son Cao Khrit heue. Mawh awm hoik teei Siyiex ti kieh ex jeeh nyaw ka pex heue. Ex khyox khaw ka pex tang Cao Khrit, son sang kieh pex deeh khaw caw paox tix ka Siyiex heue.

2 KAWRINTHUX 6:1

Kheu rom ti yuh kaing tau mai Nawh Cao, ex tom khyox khaw ka pex, son pa rieb pex ti teei bwanson Siyiex tak ang lai mawh pa giex going.

KALATIX 4:12

Puxaik khankix eue, aux khyox khaw ka pex, kieh mawh awm aux, kheu aux kawx hoik mawh awm pex heue. Pex ang lud tidtix ka aux,

EFESUX 2:10

Ex mawh khaix taix Nawh, pa hoik phan hoik yuh ka daux Yesux Khrit, sonsang twah, yuh ceu pa mhawm, pa hoik grux cox Siyiex sonsang hu ex ka daux ceu an khankix heue.

EFESUX 3:1

Mawh kheu jao in aux Pawlux pa mawh pui pa laung kheu grawng Yesux Khrit, son pex pui tang ceu.

EFESUX 4:17

Mawh kheu nan aux tom ah nin mai kham mhai ruk ka daux Simiang, son ang pex lai baox hu awm pa hu pui tang ceu ka pa nieb keud kix ceu pa giex going daux rhawm tix.

EFESUX 4:4

Koe ngie tokaux tix mu khaing mai Khuan Cao tix mu khaing, awm ceu pa kok pa hoik kok ka pex mawh ka daux krax keud pot jun pot tix mu khaing.

EFESUX 5:2

hu ka daux pa moh rhawm, awm Cao Khrit kawx hoik moh ka pex mai hoik tawx tokaux tix son ex, ti mawh pa tan ka Siyiex, sonsang mawh bhawng pa sioe baux heue.

PHILIPPIX 1:27

Kieh ngie pa yuh pex keung mai been lox bwan gaux rhawm gaux rhi Cao Khrit, yuh ka mawx phan aux hoek ka pex ang ah, siyang ot ang ah, aux tak pon ti mhong grawng kaux cong pex mai viex khuan tix mu mai rhawm tix mu khaing, mai niet ti yuh son krax yum rhawm pa dex dawt mai lox bwan gaux rhawm gauxrhi,

PHILIPPIX 3:14

aux kawn nied ti baox hu ka dee koe mhai, dee sang pon totaix pa dex mai pa kok Siyiex dee long ka daux Yesux Khrit heue.

KAWLAWSIE 1:10

sonsang hu pex awm pa keung ka Simiang, sonsang caw rhawm Nawh ka khawmuik mai plix plix ka daux kaing pa mhawm ku ceu mai haok huan ka daux krax tawng Simiang Siyiex,

KAWLAWSIE 2:6

Awm hoik rieb pex ti teei Yesux Khrit pa mawh Simiang, hu ka daux Nawh heue.

KAWLAWSIE 4:12

Epaphrax pa mawh pui khaing ka daux pex tix kaux mai siliex Yesux Khrit nawb ka pex mai nawh nied ti rawg bwanson pex ku jheung jheung, sonsang kaux cong pex sijung mhawm mhawm mai uik grum tawng tom fah rhawm ka alo Siyiex khawmuik heue.

1 THESALONIX 2:12

sonsang hu pex awm pa keung ka Siyiex, kaw pa hoik kok pex laig ka daux meung mai min pakngai cie tokaux Nawh Cao heue.

2 THESALONIX 1:11

Mawh kheu in, ex rawg bwan ka son pex, ka Simiang Siyiex ex ku jheung jheung, sonsang een sang sawn pex mawh pa keung ka ceu pa hoik kok pex kah, kieh ceu pa simie pex pa mhawm ku ceu, kieh kaing krax yum rhawm ku ceu tau mai siawp sibrawm, kieh grum naog heue.

2 TIMOSE 1:9

pa hoik taoh ex mai pa hoik kok ex kah, pa kok pa singax singeh, ang mawh ka pa khaw mai kaing pa yuh ex, mawh pa khaw mai pa hoik yiag hoik bak Nawh mai bwanson pa hoik tawx ka ex ka daux Yesux Khrit, tom ka sivoe yam jah ti koe bawg yam,

TITUX 2:10

paw kieh briex tieh, kieh jhi sijax pa mhawm ka daux khawmuik, son sang kieh kix ceu pa gau cie Siyiex, Cao Taoh ex, koe pa mhawm grang ka dau ku ceu khawmuik heue.

HEBRIE 13:21

Kieh pex grum mhawm ka pa hawt yuh alo Nawh Cao ka daux ceu pa mhawm ku ceu mai yuh ceu pa khaw caw plak sivoe Nawh Cao, ka daux pex, kheu Yesux Khrit. Kieh Nawh koe min pakngai ku ju leeing ju liak. Amen.

HEBRIE 3:1

Mawh kheu nan, puxaik pa singax, pa mawh pa rom ti pon ka pa kok pa dex mai raoma khankix eue, keud ti yaox ka grawh grawng Kawncau Pa Ting mai Cao Giex Kaing Li Pa Ting, pa hoik rieb ex ti teei pa mawh Yesux,

1 PETRUX 2:11

Pa moh aux khankix eue, aux khyox khaw ka pex pa awm nyo sinie, son ang sang yuh ceu pa dex dawd mai alo nex nham khankix, pa yuh krax naing ka ju heue.

1 PETRUX 3:9

Paw deeh pawk pa caox son pa caox mai paw deeh pawk pa nieb yuh pa ang cee cak, son pa ang cee cak, viang mawh nan deeh pawk bwanson, kheu tawng pex grawng pa hoik kok pex ti yuh nan mai sonsang pon sinngao heue.

1 PETRUX 5:10

Siyiex pa yuh bwanson khawmuik, pa hoik kok pex laig ka daux min pakngai leeing ju Nawh, ka daux Cao Khrit, khaix hoik yaox pex ti kham geu tix vud ngie, tokaux Nawh tak sang kieh pa grum mhawm mai kieh kaux cong mai baox thien thie riang rao kah heue.

2 PETRUX 1:3

Sibrawm Nawh Cao hoik tawx ka ex ku ceu khawmuik pa dex dawd mai pa im ju mai pa chix nab yam mai pa yuh pa khaw ka Siyiex, ka daux pa tawng ka Kaw pa hoik kok ex, ka min pakngai mai pa mhawm cie tix heue.

2 YOHAN 1:5

Yam in, bun eue, aux khyox ka pax, awm pa tiiem aux lox pingnyap pa khraox ka pa ang mawh, viang mawh nan mawh pa hoik koe ex, khaing tom yam jah, sonsang moh ex ka paox tix heue.