EFESUX 3:9 - Wa Common Language Translation

⁹ sonsang kieh pui khawmuik yaox grawng pa raux pa mox, pa hoik ciak ti deuh, ceu pa hoik mox tom ju di dix ka daux Siyiex pa phan pa yuh kuceu khawmuik mawh pa yuh ka mawx.

EFESUX 3:9 Iomraidhean Croise

YAOGYAW 33:6

Raoma mai can pa koe piang raoma khawmuik, Siyiex hoik yuh ka bhawm gumlox Nawh heue.

ISAYAX 44:24

Siyiex cao pa taoh lawd maix, cao pa phan maix tom yam jah khaing daux vaig ah nin, “Aux mawh Siyiex, cao yuh kuceu mai cao nih raoma lih nong nong mai cao tawm haktiex, mawh pui mawx pa ot tau mai Aux.

MATHIEX 10:27

Pa krai Aux ka pex, ka daux pa faik pex hu krai ka daux pa riang. Pa mhong pex daux yhaok, yo ti krai piang prang nyiex heue.

MATHIEX 13:35

Kheu sonsang naog lox pa hoik grux krai cao jhai pa ah nin, “Aux tak ang jheeh tix ka daux lox tiag. Aux tak krai grawng ceu pa hoik mox tom yam jah haktiex heue.”

MATHIEX 25:34

Yam an Simiang tak sang ah ka kix pa ot plak taix khawn dawm Nawh, Hoek heue, pex pa hoik pon bwanson khaing Keeing aux, teei sin Meung pa hoik cox son pex, tom yam jah ti kaw haktiex heue.

MATHIEX 28:19

Mawh kheu nan pex hu mai yuh ceu pui khawmuik mawh kawncau mau soi mai cubcom kix ka daux ceu kaux Keeing Cao, Kawn Cao mai Khuan Singax Singeh Cao heue.

LUKAX 24:47

Grawng tak sang sidiex gau grawh grawng pa sang doh keud ka phimap mai krax pluat ploi ka daux ceu kaux Aux, jah ka veng Yerusaliem mai ka ceu pui khawmuik khawm leeing heue.

YOHAN 10:30

Aux mai Keeing Aux mawh tix kaux khaing”

YOHAN 5:17

Viang mawh nan Yesux baox pawk lox ah nin ka kix, “Keeing Aux yuh kaing tom hoek yam in Aux kawx yuh heue.”

YOHAN 5:19

Mawh kheu nan Yesux baox pawk lox ka kix ah nin, “Aux krai lox tete ka pex, Kawn Cao ang chix yuh nong nong tix ceu kawx, viang mawh nan Nawh yuh kheu ceu pa yaox Nawh pa yuh Keeing Cao, Kawn Cao kawx yuh ceu an heue.

KAWNCAU 15:18

Siyiex pa hoik kieh tawng ceu in khankix tom didix, ah nin heue.

ROMAX 11:25

Puxaik khankix eue, aux ang rhawm kieh pex mawh pa ang tawng ka grawng pa raux mox in, pa mawh grawng pa hoik kiien rhawm hu pui Isarelax tix blah, tom sang grum naog bawg yam pui tang ceu, phan ang mawh nan ha pex kox yuh ti koe pingnya, ka daux pa nieb lak yuh ti ting rhawm tokaux pex tiru heue.

1 KAWRINTHUX 2:7

Viang mawh nan pa ah ex mawh pingnya Siyiex pa raux, mawh pingnya pa hoik mox, pa hoik grux ciak Siyiex ti deuh, ka sang koe haktiex, sonsang mawh min plakngai ex heue.

EFESUX 1:4

awm hoik laug Nawh Cao ti teei ex daux Cao Khrit, tom ka sang jah ti kaw haktiex, sonsang mawh ex pa singax, pa ang koe dee cha pa loig sivoe Nawh ka daux krax moh,

EFESUX 3:2

Pex tee hoik mhong grawng bawg yam bwanson pa hoik tawx Siyiex ka aux son pex,

EFESUX 6:19

mai son aux, yuh ka mawx sonsang tawx pa chix ah lox ka aux, ka daux pa ang aux jheeh tix, sonsang chix viex rhawm kwa tix kieh tawng, grawng pa raux pa mox lox bwan gaux rhawm,

KAWLAWSIE 1:23

Phan pex ca kawn ot ka daux krax yum rhawm mai kaux cong kah mai ang gah hu khaing krax keud pot jun pot lox bwan gaux rhawm pa hoik mhong pex, pa hoik sidiex ka can pa hoik phan hoik deuh khawmuik ka greem raoma, pa hoik kieh aux Pawlux mawh kawncau pa diex pa gau kah heue.

KAWLAWSIE 1:26

pa mawh pa raux pa hoik mox ka daux bawg yam mai ju pa hoik luan khankix khawmuik, yam in hoik plak jhi ka pui pa singax singeh cie Nawh khankix.

KAWLAWSIE 3:3

Pex hoik yum, hoik mox ju pex tau mai Cao Khrit ka daux Siyiex.

KAWLAWSIE 4:3

son ex kawx rawg bwan, sonsang paoh Siyiex siviex ka ex, son gumlox bwan, ti sidiex pa raux pa mox grawng Cao Khrit, pa hoik phyawk aux ka kheu jao an,

2 THESALONIX 2:13

Puxaik pa moh Simiang Siyiex khankix eue, ex yaogyaw bwanson ka Siyiex, son pex ku jheung jheung, kheu Siyiex hoik laug pex khaing tom yam jah sonsang hoek ka krax taoh, ka daux pa kieh Khuan Cao pex singax singeh mai ka daux pa yum rhawm ka pa mawh meh heue.

1 TIMOSE 3:16

Ceu pa chix nab chix yam mai pa yuh pa khaw ka Siyiex, mawh pa kied ting raux mai ang koe dee ne dee ah ka grawng an heue. Nawh Cao hoik lih bleeh ka daux nex. Khuan Cao hoik kham mhai ruk kah, pa hoik yaox kawncau Siyiex khankix kah, pa hoik sidiex grawng Nawh ka pui tang ceu, pa hoik yum rhawm pui haktiex kah, pa hoik teei haok ka daux min pakngai heue.

2 TIMOSE 1:9

pa hoik taoh ex mai pa hoik kok ex kah, pa kok pa singax singeh, ang mawh ka pa khaw mai kaing pa yuh ex, mawh pa khaw mai pa hoik yiag hoik bak Nawh mai bwanson pa hoik tawx ka ex ka daux Yesux Khrit, tom ka sivoe yam jah ti koe bawg yam,

2 TIMOSE 4:17

Simiang Siyiex ot plak aux mai baox tiien riang rao ka aux, sonsang pon grum sidiex aux lox bwan mai sonsang pon mhong pui tang ceu khawmuik heue. Hoik taoh aux khaing daux jheeh sivai sangsi heue.

TITUX 1:2

Ka daux krax keud pot jun pot son ju leeing ju, Siyiex, pa ang chix pie lhen hoik tawx lox mukheu tom ka sivoe yam jah bawg yam ti koe.

1 PETRUX 1:20

Cao Khrit an, mawh pa hoik grux ciak ti deuh ka sang jah ti kaw haktiex, viang mawh nan pa hoik kieh sidawng, daux bawg yam sidah in, son pex,

PLAK JHI 13:8

Can pui pa ot ka piang haktiex khawmuik tak sang krub ka nawh, pa mawh can pa ang lai tiiem ti deuh ka ceu kaux kix tom yam jah ti kaw haktiex ka daux phuk lai pa im ju, cie kawn yung pa hoik pah yum heue.

PLAK JHI 14:6

Aux yaox kawncau Siyiex tang kaux tix kaux, pa pu ka sigreung raoma mai pa koe lox bwan gaux rhawm leeing ju, sonsang sidiex gau ka kix pa ot ka piang haktiex mai ka pui meung ku meung mai ka ceu pui kuceu mai ka pui pa tang lox sikah kuceu mai ka pui kuceu heue.

PLAK JHI 17:8

Totiag pa hoik yaox maix an, hoik mawh, mai ang lai mawh, dex sang lih hoek khaing daux, daux pa ang koe dee die mai hu ka daux pa laux pa laux leeing heue. Pui pa ot ka piang haktiex khankix, pa mawh kix pa ang lai tiiem ti deuh ka ceu kaux kix, tom yam jah ti kaw haktiex, ka daux phuk lai pa im ju, yam yaox kix ka totiag an pa hoik mawh mai pa ang lai mawh mai pa tak sang hoek khaix, tak sang daox deng ka heue.

PLAK JHI 4:11

“Siyiex ex eue, Maix mawh pa keung ti pon min pakngai mai pa yungyi mai sibrawm, mawh kheu hoik phan hoik yuh Maix kuceu khawmuik, mai an khankix hoik mawh mai hoik phan hoik yuh kheu alo Maix heue.”