EFESUX 3:8 - Wa Common Language Translation

⁸ Ka aux pa mawh pa nie iak khaing pui pa singax singeh khawmuik, hoik tawx bwanson in, pa kieh aux sidiex lox bwan gaux rhawm ka pui tang ceu, grawh grawng pa mi pa koe pa ang lai dak uik sawg sikaw ti yaox cie Cao Khrit,

EFESUX 3:8 Iomraidhean Croise

1 GRAWNG BEEN 17:16

Khaix an simiang Davit laig ka daux mai ngawm ka plak sivoe Siyiex heue. Mawh aux pui pa yuh ka mawx lie? mawh doeh nyiex ma aux pa yuh ka mawx, Maix Cao lai yaogyaw aux ting yuh nin lie?

YAOGYAW 31:19

Bwanson pa hoik priex Maix son pui pa lhat graung ka Maix, pa hoik cox Maix son pui pa deuh rhawm ka Maix, sivoe ngai kawn pui mhawm miex ding?

LUKAX 14:22

Kawncau an ah nin, Simiang eue, hoik yuh awm pa nhie maix, viang mawh nan ang nyang bax naog, kawn koe dee ot heue.

YOHAN 1:16

Mawh kheu pa naog daux Nawh, ex khawmuik hoik pon, bwanson piang bwanson heue.

KAWNCAU 5:41

Kawncau pa ting khankix lih khaing cub kuad song pa prawng see mai gaux rhawm kheu hoik sawn kix pa keung ti kham geu pa kaig tua, son Ceu kaux an heue.

KAWNCAU 9:15

Viang mawh nan Simiang baox ah nin ka nawh, “Maix hu heue. Kheu mawh nawh aw pa hoik laug Aux, sonsang viex ceu kaux Aux hu sivoe ka pui tang ceu khankix mai simiang khankix mai pui Isarelax khankix heue.

ROMAX 11:33

Pa mi, pa koe pingnya cuyi mai krax tawng ka Siyiex mawh pa raux miex ding miex glhaong. Pa prawng ca Nawh Cao mawh pa ang uik tah sawg mai krax pa hu Nawh Cao khankix mawh pa ang chix ti sikaw miex ding miex glhaong.

ROMAX 12:10

Ka daux krax pa moh rhawm ka puxaik khankix, kieh tix kaux lai tix kaux moh paox tix mhawm mhawm heue. Ka daux krax pa yaogyaw, tix kaux lai tix kaux, yaogyaw ka tang kaux nie khaing tokaux tix heue.

ROMAX 2:4

Phan ang mawh nan maix nieb yuh pa ang cee ang cak ka krax pa nie mi nie koe ceu pa mhawm rhawm mai pa gun yeung mai pa lang gun yeung Nawh Cao, kheu ang maix tawng grawng pa mawh in rhawm Siyiex mawh sonsang thong maix ti doh keud ka phimap tix lie?

1 KAWRINTHUX 1:30

Hoik mawh kheu Nawh Cao, pa ot pex daux Yesux Khrit, pa hoik kieh mawh pingnya pa rahsee, pa singax mai pa taoh, pa kaoh khaing Siyiex ka son ex,

1 KAWRINTHUX 15:9

Grawh grawng nawh aux mawh pa nie iak ka daux kawncau pa ting khankix, pa ang keung ti kok mawh kawncau pa ting, mawh kheu aux hoik tuktiak ka ceu cao Siyiex heue.

1 KAWRINTHUX 2:9

Viang mawh nan awm pa khaw mai pa hoik tiiem ti deuh ah nin, “Ceu pa hoik cox khre Siyiex ka son kix pa moh ka Nawh, mawh ceu pa ang ngai sax yaox mai pa ang yhaok sax mhong mai pa ang sax laig ka daux rhawm rhi kawn pui heue.”

KALATIX 1:16

son sang plak jhi Kawn Nawh ka daux aux, son sang sidiex aux grawng Nawh ka sinax pui tang ceu khankix mai dom mawx dom an aux ang kum kawng tau mai nex nham,

KALATIX 2:8

Grawh grawng nawh Kaw pa yuh ka daux Petrux sonsang kieh nawh mawh kawncau pa ting ka son pui pa pat hak khankix, viang ka daux aux kawx, hoik yuh ti kieh mawh kawncau pa ting ka son pui tang ceu khankix,

EFESUX 2:7

Ka daux ju pa tak sang hoek khankix, Nawh tak sang pon ti jhi ceu pa kied ting mi koe bwanson tix, ka daux pa yuh bwanson ka ex ka daux Yesux Khrit heue.

EFESUX 3:1

Mawh kheu jao in aux Pawlux pa mawh pui pa laung kheu grawng Yesux Khrit, son pex pui tang ceu.

EFESUX 3:16

Sonsang tawx Nawh ka pex, awm pa khaw mai pa mi pa koe min pakngai Nawh, sonsang baox riang rao pex ka siawp sibrawm kheu Khuan Nawh Cao ka daux pui plak daux heue.

EFESUX 3:19

sonsang tawng ka krax moh Cao Khrit, pa nie lheu khaing pa chix tawng, sonsang naog pex ka pa grum naog Siyiex khawmuik heue.

EFESUX 3:2

Pex tee hoik mhong grawng bawg yam bwanson pa hoik tawx Siyiex ka aux son pex,

PHILIPPIX 2:3

Paw yuh tix ceu kawx ka daux pa simah simiang, phan ang mawh nan kheu pa nieb yuh grang pa giex going, yuh ka daux rhawm pa tiem mai een tang kaux mawh pa nie lheu mhawm khaing tokaux tix,

PHILIPPIX 4:19

Siyiex aux tak sang kieh ceu pa lo pex grum naog ku ceu, awm pa khaw mai sinngao min plakngai Nawh, ka daux Yesux Khrit heue.

KAWLAWSIE 1:27

Pa hoik caw alo Siyiex ti kieh kix tawng, pa mi pa koe min plakngai ceu pa raux pa hoik mox in, ka daux pui tang ceu khankix mawh pa yuh ka mawx, pa mi pa koe an mawh pa ot Cao Khrit ka daux pex, pa mawh krax keud pot jun pot son min pakngai heue.

1 TIMOSE 1:13

viang aux hoik mawh, pui pa salao ka Siyiex, pui pa tuktiak tukte, pui pa nieb pon yuh pa ang cee ang cak glang ka in kawx heue. Aux hoik pon krax caux rhawm mawh kheu hoik yuh aux khankix kheu ang tix tawng, ka daux pa ang yum rhawm heue.

1 TIMOSE 1:15

Lox in mawh pa kaux sijax mai pa keung ti rieb ti teei khawmuik, pa ah, “Yesux Khrit hoek ka piang haktiex sonsang taoh pui phimap khankix,” mai aux mawh kun pui phimap heue.

1 TIMOSE 2:7

Mawh ka son an hoik ciak ti kieh aux mawh cao sidiex cao gau mai kawncau pa ting, Aux ah lox pa mawh pa meh, aux ang pie ang lhen, sonsang mawh aux cao gau, grawng krax yum rhawm mai pa mawh pa meh, ka pui tang ceu khankix heue.

2 TIMOSE 1:11

pa hoik ciak ti kieh aux mawh cao sidiex mai kawncau pa ting mai sara cao gau ka pui tang ceu khankix heue.

PLAK JHI 3:18

Aux nhie maix liag khri pa hoik thi ka daux ngu, sonsang lih mawh maix pa mi pa koe mai ka kraung ceep pa paing sonsang ceep ka tokaux tix, son tak ang ceu pa kaig pa tua pa kakaong maix sidawng mai ka sidah kraix ngai, ti sang kraix ka ngai maix, sonsang chix yaox maix ka heue.