EFESUX 3:7 - Wa Common Language Translation

⁷ pa mawh aux cao sidiex gau kah, awm pa khaw mai totaix bwanson Siyiex, pa hoik tawx ka aux, awm pa khaw mai pa yuh siawp sibrawm Nawh heue.

EFESUX 3:7 Iomraidhean Croise

ISAYAX 43:13

Sivoe ang singaix sawm nyang koe, Aux hoik dawg mawh Siyiex, ang koe pui rud pex lih khaing daux taix Aux, mawh pui mawx pa pon tieb ka kaing jhaw yuh Aux.

KAWNCAU 9:15

Viang mawh nan Simiang baox ah nin ka nawh, “Maix hu heue. Kheu mawh nawh aw pa hoik laug Aux, sonsang viex ceu kaux Aux hu sivoe ka pui tang ceu khankix mai simiang khankix mai pui Isarelax khankix heue.

ROMAX 1:5

Mawh ka daux Nawh heue, pa pon ex bwanson mai ara kawncau pa ting, sonsang kieh ceu pui khawmuik koe krax cu nghiet ka krax yum rhawm, son ceu kaux Nawh Cao,

ROMAX 12:3

Grawh grawng nawh kheu bwanson pa hoik tawx ka aux, aux tom krai ka ku kaux daux pui pa ot ka daux pex, son ang lai chax nie luan keud grawng pa ting tokaux tix tiru, khaing pa keung nawh ti keud, viang mawh nan sonsang chix keud, pa khaw pa chix priex rhawm tix keud, awm pa khaw mai krax yum rhawm pa hoik gwieh Siyiex ti tawx ka kaux pui mawx kaux pui an heue.

ROMAX 15:16

sonsang mawh aux pui cau soi Yesux Khrit ka pui tang ceu khankix, ti yuh kaing cao giex kaing li ka lox bwan gaux rhawm Siyiex, kheu sang tan pui tang ceu khankix ka Nawh Cao, sonsang mawh kix pa khaw caw rhawm Nawh, pa mawh pa hoik kieh Khuan Singax Singeh nawh singax singeh kah heue.

1 KAWRINTHUX 15:10

Mawh kheu bwanson Siyiex aux pon ti mawh, awm pa mawh aux mai bwanson cie Nawh pa hoik tawx ka aux, ang lai kieh mawh pa giex going, viang mawh nan aux hoik nied ti nie lheu blon yuh khaing kix khawmuik, viang mawh nan ang mawh aux pa yuh, mawh bwanson Siyiex pa ot tau mai aux pa yuh heue.

1 KAWRINTHUX 3:5

Phan mawh nan Apawlux mawh pa yuh ka mawx? mai Pawlux mawh pa yuh ka mawx? Mawh pui cau pui soi pa hoik kieh pex yum rhawm, awm pa tang tawx Simiang ka kaux pui mawx kaux pui an heue.

2 KAWRINTHUX 3:6

Kaw pa hoik kieh ex kub sibrawm ti pon yuh pui cau pui soi ka sijax mukheu pa khraox heue. Ang lai mawh ka pa dex mai lox ngai lai beenli, viang mawh nan mawh pa dex mai Khuan, grawh grawng nawh, lox ngai lai beenli mawh pa chix teei yum, Khuan mawh pa chix tawx pa im heue.

2 KAWRINTHUX 4:1

Mawh kheu nan, kheu koe ex kaing cau kaing soi in, awm pa hoik pon ex krax caux rhawm, ex ang lai khrup rhawm kah heue.

KALATIX 2:8

Grawh grawng nawh Kaw pa yuh ka daux Petrux sonsang kieh nawh mawh kawncau pa ting ka son pui pa pat hak khankix, viang ka daux aux kawx, hoik yuh ti kieh mawh kawncau pa ting ka son pui tang ceu khankix,

EFESUX 1:19

siawp sibrawm pa kied ting Nawh, ka plak ex pa yum rhawm ting miex ding, awm pa khaw mai pa yuh siawp sibrawm pa ting riang Nawh an,

EFESUX 3:2

Pex tee hoik mhong grawng bawg yam bwanson pa hoik tawx Siyiex ka aux son pex,

EFESUX 3:20

Yam in ka kaw pa kied nie lheu chix yuh khaing pa rawg pa keud ex khawmuik, awm pa khaw mai siawp sibrawm pa yuh kaing ka daux ex,

EFESUX 3:8

Ka aux pa mawh pa nie iak khaing pui pa singax singeh khawmuik, hoik tawx bwanson in, pa kieh aux sidiex lox bwan gaux rhawm ka pui tang ceu, grawh grawng pa mi pa koe pa ang lai dak uik sawg sikaw ti yaox cie Cao Khrit,

EFESUX 4:16

Tokaux khawmuik mawh khaing Nawh Cao pa sitoe tokaux ti klia tix tau ka pa deeh lih pon tawx riang kraung daux tokaux ku ceu, awm pa yuh kraung daux tokaux mawx, kraung tokaux an, sonsang ting huan tokaux tix ka daux krax moh krax rhawm heue.

KAWLAWSIE 1:29

Aux kawx, nied ti coca yuh sonsang mawh nan, awm can pa teei Nawh sibrawm mai yuh ka daux aux heue.

1 THESALONIX 2:13

Mawh kheu in, ex kawx yaogyaw ka bwanson Siyiex ang jud ang jai, kheu hoik rieb pex ti teei gumlox pa mhong khaing ex, pa mawh gumlox bwan Siyiex, pa ang rieb ti teei awm mawh gumlox kawn pui, hoik rieb awm mawh gumlox Siyiex pa mawh pa meh, pa yuh kaing ka plak daux pex pa yum rhawm khankix heue.

HEBRIE 13:21

Kieh pex grum mhawm ka pa hawt yuh alo Nawh Cao ka daux ceu pa mhawm ku ceu mai yuh ceu pa khaw caw plak sivoe Nawh Cao, ka daux pex, kheu Yesux Khrit. Kieh Nawh koe min pakngai ku ju leeing ju liak. Amen.