EFESUX 3:5 - Wa Common Language Translation

⁵ ceu pa ang sax kieh tawng ka Kawn kawn pui daux ju pa hoik luan khankix, awm Khuan Cao hoik plak kieh yaox yam in ka kawncau pa ting mai cao jhai pa singax singeh cie Nawh khankix,

EFESUX 3:5 Iomraidhean Croise

ISAYAX 52:15

Awm an Nawh Cao tak kieh ceu pui tom nie singax heue. Simiang khankix tak nyeep jheeh tix ka Nawh heue. Mawh kheu kix tak sang yaox can ceu pa ang sax krai ka kix mai kix tak tawng sidawng ka can ceu pa ang kix sax mhong heue.

MATHIEX 13:17

Aux krai lox tete ka pex, koe cao jhai khankix mai pui rahsee khankix, pa simie ti yaox ka ceu pa yaox pex, viang mawh nan ang pon ti yaox mai pa simie ti mhong ka ceu pa mhong pex, viang mawh nan ang pon ti mhong heue.”

MATHIEX 20:7

Kix deeh ah nin ka nawh, Mawh kheu pui tix kaux kawx ang cang yix. Nawh ah nin ka kix, Pex kawx hu ka daux sipeem plix siiet heue.

MATHIEX 23:34

Mawh kheu nan, Aux ploi cao jhai mai pui koe pingnya pui tiiem lai khankix hoek ka pex heue. Ka kix tix blah pex tak sang teei yum mai tawk piang khaox lhak mai ka tix blah pex tak sang sivied ka daux nyiex dee sidiex pex khankix mai tukiak ka kix tix veng hoik tix veng heue.

LUKAX 10:24

Grawh grawng nawh, Aux krai ka pex, cao jhai mai simiang khankix hoik koe tom nie pa simie ti yaox ceu pa yaox pex mai ang pon ti yaox mai kix simie tix mhong pa mhong pex mai ang pon ti mhong heue.”

LUKAX 11:49

Mawh kheu nan pingnya cuyi Siyiex kawx hoik ah nin, Aux ploi cao jhai mai kawncau khankix ka kix heue. Kix tak tuktieak tukte tix blah mai tak pah yum tix blah heue.

YOHAN 14:26

Viang mawh kawx nan, Cao Teem pex, pa mawh Khuan Singax Singeh, pa tak sang ploi Keeing Cao hoek ka daux ceu kaux Aux, Nawh tak sang gau pex kuceu khawmuik kieh pex doh keud ka lox pa hoik krai Aux ka pex khawmuik heue.

YOHAN 16:13

Viang mawh nan pa mawh Khuan pa mawh meh hoik hoek, Nawh tak sang thong pex ka daux pa mawh meh khawmuik heue. Mawh kheu ang Nawh sang krai lox khaing tokaux tix, viang mawh nan Nawh tak sang krai can ceu pa mhong Nawh mai Nawh tak sang krai ka pex grawng ceu pa tak sang hoek khaix in heue.

KAWNCAU 10:28

mai nawh ah nin ka kix, “Tokaux pex hoik tawng grawng ang khaw mai been, son pui Yudax ti neuex rom, phan ang mawh nan ti hoek ka pui pa mawh pui tang ceu, Siyiex hoik jhi aux yaox, son ang aux tak mawh pa ang singax singeh heue.

ROMAX 16:25

Yam in ka Kaw pa chix kieh pex kaux cong, awm pa khaw mai lox bwan gaux rhawm aux, pa mawh pa sidiex grawh grawng Yesux Khrit, awm pa khaw mai pa hoik plak kieh yaox ka pa raux pa mox tom ju di dix,

1 KAWRINTHUX 2:10

Viang mawh nan, Siyiex hoik plak jhi ceu an khankix ka ex ka daux Khuan Cao. Grawh grawng nawh, Khuan Cao an sawg liiem ka grawng kuceu khawmuik, khawm ka ceu pa raux pa nu pa dex mai Siyiex heue.

EFESUX 2:20

pa hoik sum piang jaong rong, pa mawh kawncau pa ting mai cao jhai khankix, tokaux Yesux Khrit mawh Simaox kaing ka daog heue.

EFESUX 3:9

sonsang kieh pui khawmuik yaox grawng pa raux pa mox, pa hoik ciak ti deuh, ceu pa hoik mox tom ju di dix ka daux Siyiex pa phan pa yuh kuceu khawmuik mawh pa yuh ka mawx.

2 PETRUX 3:2

Kheu sang doh keud pex ka gum lox pa hoik grux krai cao jhai pa singax singeh khankix mai ka lox tawm jhawm krai Cao Taoh, pa hoik tawx kawncau pa ting pex heue.

YUDAX 1:17

Viang mawh nan pui pa moh aux khankix eue, pex doh keud ka lox pa hoik grux krai kawncau pa ting Simiang ex Yesux Khrit khankix,