EFESUX 3:2 - Wa Common Language Translation

² Pex tee hoik mhong grawng bawg yam bwanson pa hoik tawx Siyiex ka aux son pex,

EFESUX 3:2 Iomraidhean Croise

KAWNCAU 13:2

Yam kawn tak krub kix ka Simiang Yesux mai twah pa ih. Khuan Singax Singeh ah nin, “Gwieh ti een Banabax mai Sawlux, son kaing pa hoik kok Aux kiex yuh heue.”

KAWNCAU 13:46

Pawlux mai Banabax viex rhawm kwa sidiex gau ah nin, “Tak lai sidiex gau gumlox bwan Siyiex in ka pex phao ka heue. Viang mawh nan kheu nyhot pex ti tik khaing, pex prawng ca tokaux tix, mawh pa ang keung pon ju leeing ju. Yiex tom veeh ka pui tang ceu khankix heue.

KAWNCAU 22:21

Nawh Cao baox ah nin ka aux, “Lih hu heue, mawh kheu Aux sang ploi maix hu dee singai khaing tin, ka pui tang ceu khankix heue.”

KAWNCAU 9:15

Viang mawh nan Simiang baox ah nin ka nawh, “Maix hu heue. Kheu mawh nawh aw pa hoik laug Aux, sonsang viex ceu kaux Aux hu sivoe ka pui tang ceu khankix mai simiang khankix mai pui Isarelax khankix heue.

ROMAX 1:5

Mawh ka daux Nawh heue, pa pon ex bwanson mai ara kawncau pa ting, sonsang kieh ceu pui khawmuik koe krax cu nghiet ka krax yum rhawm, son ceu kaux Nawh Cao,

ROMAX 11:13

Aux sikah ka pex pa mawh pui tang ceu, mawh kheu mawh aux kawncau pa ting ka son pui tang ceu, aux tom yaogyaw ka kaing jhaw krax pa yuh tix,

ROMAX 12:3

Grawh grawng nawh kheu bwanson pa hoik tawx ka aux, aux tom krai ka ku kaux daux pui pa ot ka daux pex, son ang lai chax nie luan keud grawng pa ting tokaux tix tiru, khaing pa keung nawh ti keud, viang mawh nan sonsang chix keud, pa khaw pa chix priex rhawm tix keud, awm pa khaw mai krax yum rhawm pa hoik gwieh Siyiex ti tawx ka kaux pui mawx kaux pui an heue.

1 KAWRINTHUX 4:1

Kieh pui een ex mawh pui cau Cao Khrit mai kawncau cao pa priex ceu pa raux pa mox Siyiex heue.

KALATIX 1:13

Pex hoik mhong grawng pa yuh aux ka mawx, yam ot aux daux been Yudax, daux bawg yam pa hoik luan, grawng pa tuktiak aux ka ceu cao Siyiex nie lheu khaing pa chix pon ti tiag mai pa yieh yuh laux leeing heue.

EFESUX 1:10

yam hoik naog bawg yam khankix, ti kraix khrawm kieh grum kuceu khawmuik, can ceu pa koe piang raoma mai can ceu pa koe ka piang haktiex li mawh tix mu khaing ka daux Khrit. Pa ah aux, mawh ka daux Nawh heue.

EFESUX 3:7

pa mawh aux cao sidiex gau kah, awm pa khaw mai totaix bwanson Siyiex, pa hoik tawx ka aux, awm pa khaw mai pa yuh siawp sibrawm Nawh heue.

EFESUX 3:8

Ka aux pa mawh pa nie iak khaing pui pa singax singeh khawmuik, hoik tawx bwanson in, pa kieh aux sidiex lox bwan gaux rhawm ka pui tang ceu, grawh grawng pa mi pa koe pa ang lai dak uik sawg sikaw ti yaox cie Cao Khrit,

EFESUX 3:9

sonsang kieh pui khawmuik yaox grawng pa raux pa mox, pa hoik ciak ti deuh, ceu pa hoik mox tom ju di dix ka daux Siyiex pa phan pa yuh kuceu khawmuik mawh pa yuh ka mawx.

EFESUX 4:21

Phan pex hoik mhong Nawh Cao mai hoik gau ka daux Nawh, ceu pa mawh meh pa koe ka daux Yesux.

EFESUX 4:7

Hoik tawx bwanson ka ex ku kaux daux pui, awm pa khaw mai diag totaix Cao Khrit heue.

KAWLAWSIE 1:4

kheu hoik mhong grawng krax yum rhawm pex ka daux Yesux Khrit mai krax moh pex ka pui singax khawmuik,

KAWLAWSIE 1:6

pa hoik hoek ka pex, awm hoik hoek ka daux haktiex khawmuik, pex tak plix plix mai haok huan, awm hoik mawh khawm ka daux pex, singaix tom yam jah pex ti mhong mai tawng bwanson Siyiex ka daux pa mawh meh,

1 TIMOSE 1:11

pa khaw ka lox bwan gaux rhawm pa ting min plakngai cie Siyiex pa ting bwanson, pa hoik tawx hoik pong ka aux heue.

1 TIMOSE 1:4

son ang sang nghiet ka lox been pa ang tie mawh mai ka grawng doeh ru pa ang jud ang jai khankix, pa nie kieh thung thiang paox tix, khaing grawh grawng pa yuh ceu pa hoik een Siyiex rhawm kah, pa koe ka daux krax yum rhawm heue.

1 TIMOSE 2:7

Mawh ka son an hoik ciak ti kieh aux mawh cao sidiex cao gau mai kawncau pa ting, Aux ah lox pa mawh pa meh, aux ang pie ang lhen, sonsang mawh aux cao gau, grawng krax yum rhawm mai pa mawh pa meh, ka pui tang ceu khankix heue.

2 TIMOSE 1:11

pa hoik ciak ti kieh aux mawh cao sidiex mai kawncau pa ting mai sara cao gau ka pui tang ceu khankix heue.