EFESUX 2:4 - Wa Common Language Translation

⁴ Siyiex, pa mi pa koe ka daux krax caux rhawm, kheu krax moh pa kied lang teung moh Nawh Cao ka ex,

EFESUX 2:4 Iomraidhean Croise

NEHAMIX 9:17

Kix hoik thiang mai ang nghiet mai ang doh keud ka pa daox deng pa hoik yuh Maix Cao ka daux sinax kix, viang mawh nan kix kieh ngawg tix cong mai ka daux pa tieh feen kix, kix hoik yaog ka cao kaing tix kaux, sonsang deeh ing ka dee yuh tix siliex ka daux meung Ejiptux, viang mawh nan, Maix Cao mawh Siyiex pa chix pluat ploi phimap mai pa chix tawx bwanson mai krax caux rhawm mai nhim ka daux pa song rhawm, pa grum naog ka daux krax caux rhawm mai ang lai tik lai vud ka kix heue.

YAOGYAW 145:8

Siyiex hoik grum naog bwanson krax caux rhawm mai koe krax pa gun yeung mai krax caux rhawm Nawh kied ting heue.

YAOGYAW 51:1

Siyiex eue, awm koe rhawm Maix, yuh bwanson caux rhawm ka aux liak, awm koe krax pa caux rhawm Maix tom nie, preet ti tik phimap pa lud aux liak.

YAOGYAW 86:15

Siyiex eue, Maix mawh Siyiex pa grum naog krax pa caux rhawm mai Cao pa chix yuh bwanson mai pa chix gun chix yeung mai krax pa caux rhawm pa kaux sijax tom haoh tom hun heue.

YAOGYAW 86:5

Siyiex eue, Maix hoik grum naog rhawm rhi pa mhawm mai rhawm pa gun pa yeung, can pui pa rawg bwan ka Maix pon krax caux rhawm Maix tom nie heue.

LIH HU 33:19

Nawh Cao ah nin “Aux tak kieh pa mhawm Aux hu sivoe ngai maix mai Aux tak kieh ceu kaux Siyiex kok yo sivoe maix. “Aux tak yuh bwanson ka pui pa si mie Aux ti yuh bwanson kah mai Aux tak caux rhawm ka pui pa si mie Aux tix caux rhawm kah.”

ISAYAX 63:7

Aux tak sang krai grawng krax moh pa caux rhawm Siyiex mai khawm krax pa yaogyaw Siyiex, awm ceu pa hoik tawx Siyiex ka piang khawmuik mai bwanson pa ting lhaong pa tawx ka nyiex ma ceu pui Isarelax, ka pa hoik yaog Nawh Cao tix tawx ka piang kix awm koe krax caux rhawm Nawh Cao, awm pa kied ting koe krax moh pa caux rhawm Nawh Cao heue.

YERAMIX 31:3

Siyiex hoik dawg bleeh ka aux tom yam an dix ah nin, “Mawh heue, Aux hoik moh maix ka krax moh krax rhawm leeing ju, mawh kheu nan, Aux hoik bluh maix hoek tau mai krax moh pa koe krax caux rhawm heue.

DANYELAX 9:9

Viang ex hoik tieh feen ka Nawh kawx, Nawh Cao pa mawh Siyiex ex, mawh pa caux rhawm pa pluat ploi phimap heue.

YONAX 4:2

Nawh rawg bwan ka Siyiex ah nin, “Siyiex eue, yam ot aux daux haktiex, aux hoik ah yuh nan ang mawh lie? Aux tom nied ti to hu ka veng Tasux, mawh kheu hoik tawng aux Maix mawh Siyiex pa koe bwanson mai pa koe krax caux rhawm mai ang khran song rhawm, pa naog ka krax moh krax rhawm mai pa hoik tieh loh tix khaing pa hoik ah Maix ti sang ciyang heue.

LUKAX 1:78

Mawh kheu krax caux rhawm Siyiex ex, pa riang singaix khaing dee lhaong tak sang hoek ti lai ling ka ex.

ROMAX 10:12

Pui Yudax ang ah, pui Helasax ang ah, ang lai tang siyox, mawh kheu mawh ngie Simiang tix kaux khaing, pa mawh Simiang khawmuik, pa mawh pa mi pa koe ka son kix can pa kok ka Nawh khawmuik heue.

ROMAX 2:4

Phan ang mawh nan maix nieb yuh pa ang cee ang cak ka krax pa nie mi nie koe ceu pa mhawm rhawm mai pa gun yeung mai pa lang gun yeung Nawh Cao, kheu ang maix tawng grawng pa mawh in rhawm Siyiex mawh sonsang thong maix ti doh keud ka phimap tix lie?

ROMAX 5:8

Viang mawh nan Siyiex jhi mhai rug grawng pa moh Nawh ka ex, ka daux pa yum Cao Khrit son ex, yam kawn mawh ex pui phimap heue.

ROMAX 9:23

son sang kieh Nawh tawng ka pa mi pa koe min plakngai Nawh piang aw pa caux rhawm khankix, pa hoik dawg grux cox Nawh son min plakngai,

EFESUX 1:7

pa hoik pon ex krax taoh kah, kheu nham Nawh, sonsang pon ex pa pluat phimap awm pa khaw mai bwanson pa mi pa koe Nawh,

EFESUX 2:7

Ka daux ju pa tak sang hoek khankix, Nawh tak sang pon ti jhi ceu pa kied ting mi koe bwanson tix, ka daux pa yuh bwanson ka ex ka daux Yesux Khrit heue.

EFESUX 3:8

Ka aux pa mawh pa nie iak khaing pui pa singax singeh khawmuik, hoik tawx bwanson in, pa kieh aux sidiex lox bwan gaux rhawm ka pui tang ceu, grawh grawng pa mi pa koe pa ang lai dak uik sawg sikaw ti yaox cie Cao Khrit,

2 THESALONIX 2:13

Puxaik pa moh Simiang Siyiex khankix eue, ex yaogyaw bwanson ka Siyiex, son pex ku jheung jheung, kheu Siyiex hoik laug pex khaing tom yam jah sonsang hoek ka krax taoh, ka daux pa kieh Khuan Cao pex singax singeh mai ka daux pa yum rhawm ka pa mawh meh heue.

1 TIMOSE 1:14

Bwanson Simiang Siyiex ex kied ting kied nie tau mai krax yum rhawm mai krax moh pa koe ka daux Yesux Khrit heue.

2 TIMOSE 1:9

pa hoik taoh ex mai pa hoik kok ex kah, pa kok pa singax singeh, ang mawh ka pa khaw mai kaing pa yuh ex, mawh pa khaw mai pa hoik yiag hoik bak Nawh mai bwanson pa hoik tawx ka ex ka daux Yesux Khrit, tom ka sivoe yam jah ti koe bawg yam,

1 PETRUX 1:3

Kieh Siyiex mai Keeing Simiang ex Yesux Khrit ting bwanson, pa hoik kieh ex deeh keh awm pa khaw mai krax caux rhawm Nawh pa kied ting, ti koe krax keud pot jun pot pa im, ka daux krax pa deeh kaoh im Yesux Khrit khaing krax yum,