EFESUX 2:3 - Wa Common Language Translation

³ Ex khawmuik kawx hoik rom tau mai kix tix bawg, ka daux pa hawt alo nex nham tokaux tix mai hawt yuh pa simie nex nham mai pa lak keud ti yuh mai ex hoik mawh nang kawn praix pa song rhawm, awm hoik mawh pa deuk khankix heue.

EFESUX 2:3 Iomraidhean Croise

YAM JAH 5:3

Yam koe ju Adam tix yieh tixngoe num, nawh deeh pon kawn simex tix kaux, pa awm grang pakpeung nawh mai kok ceu kaux nawh mawh Shetax heue.

YAM JAH 6:5

Simiang Siyiex yaox pa caox caig yuh kawn pui hoik ting lhaong piang haktiex, krax keud kix, mawh pa ang mhawm khaing heue.

YAM JAH 8:21

Siyiex khaw rhawm mai rieb ka pa sioe bhawng an mai Simiang Siyiex ah nin ka daux rhawm tix, “Aux tak ang lai baox jhax lawg ka haktiex kheu jao kawn pui khaix in tix bawg kawx, mawh kheu kawn pui koe rhawm pa caox caig jah tom yam iak tix, Aux tak ang lai baox yuh can pa im ju khankix laux leeing awm pa hoik yuh Aux bawg in heue.

YAWBAX 14:4

Mawh pui mawx pa sang pon teei ceu pa singax lih khaing daux pa ang singax lie? Ang koe pie tix kaux kawx heue.

YAWBAX 25:4

Sang pon rahsee pui ka plak sivoe ngai Siyiex yuh ka mawx lie? Pui pa keh khaing bun tak sang singax yuh ka mawx?

YAOGYAW 51:5

Grawh grawng nawh, aux viex phimap, tom yam keh aux mai tom yam ot aux ka daux vaig miex tix heue.

ISAYAX 53:6

Ex khawmuik, hoik awm yung pa lud krax, ex ku kaux hoik tang veeh ti hu daux krax cao tix mai Siyiex hoik deuh phimap phighram ex khawmuik ka piang Nawh heue.

MAKUX 4:19

pa khi rhawm pa dex dawd mai haktiex mai pa chix pie lhen sinngao mai pa mie ti pon tang ceu khankix, kheem gut lox bwan tom ang chix plix, plix heue.

YOHAN 1:13

Kaw an keh kheu nham ang mawh, kheu alo nex ang mawh, kheu alo kawn pui ang mawh, mawh kheu Siyiex heue.

YOHAN 8:44

Pex lih hoek khaing keeing pex pa mawh phi caox, pex simie ti yuh alo keeing pex. Tom yam jah mawh pa pah pui yum, ang cung ka daux pa mawh meh, kheu pa mawh meh ang koe daux nawh. Yam ah nawh lox pie lhen, nawh lak ah lox tokaux tix, kheu mawh nawh pa chix pie lhen nawh mawh keeing pa pie lhen heue.

KAWNCAU 14:16

Daux ju pa hoik luan khankix, Nawh hoik kieh ceu pui kuceu khawmuik, hawt yuh krax pa lak keud kix heue.

ROMAX 1:24

Mawh kheu nan Siyiex tom grham kix ka daux alo nex nham rhawm kix, ti yuh ceu pa ang singax singeh, son sang hoek tokaux kix krax laux min plakngai ka paox tix tiru heue.

ROMAX 11:30

Awm pa ang pex koe krax cu nghiet ka Siyiex, ka daux bawg yam pa hoik luan, viang mawh nan yam in hoik pon krax pa caux rhawm kheu krax pa ang cu nghiet kix,

ROMAX 13:14

Viang mawh nan pex teei ti ceep Simiang Yesux Khrit mai paw keud paw cox son nex nham, sonsang kieh alo nex nham grum naog heue.

ROMAX 2:14

Grawh grawng nawh pui tang ceu khankix pa ang koe lai beenli, lak chix yuh sipie ceu pa koe ka daux lai beenli, pui inkix viang kix ang koe lai beenli kawx, kix mawh lai beenli ka tokaux tix tiru heue.

ROMAX 5:10

Grawh grawng nawh, yam kawn mawh ex pui koeng, hoik kieh ex deeh khaw paox tix ka Siyiex, kheu pa yum Kawn Nawh Cao, kheu hoik deeh khaw caw ex paox tix, ex tak nie lheu hoek krax taoh kheu pa im ju Nawh.

ROMAX 5:9

Mawh kheu nan, phan ex hoik pon ti hoek krax rahsee yam in, kheu nham Nawh Cao, ex tak sang nie lheu pon pa taoh khaing pa song rhawm Siyiex kheu Nawh Cao heue.

ROMAX 6:12

Mawh kheu nan paw kieh phimap kwang giex kaing ka daux tokaux pa chix yum pex, ti kieh cu nghiet hawt alo nex nham tokaux.

ROMAX 7:18

Grawh grawng nawh aux tawng ka daux aux, pa ah nan sang ah ka daux nex nham aux, ceu pa mhawm ang ot tix ceu kawx heue. Viang aux koe rhawm ti sang yuh kawx, aux ang chix yuh ceu pa mhawm lih heue.

ROMAX 9:22

Phan Siyiex koe rhawm ti sang jhi krax song rhawm Nawh mai ti sang kieh tawng sibrawm Nawh sidawng, viang mawh nan hoik gun yeung ka pa lang gun yeung tom nie ka aw son pa song rhawm khankix, pa hoik cox son pa laux leeing, tak sang koe ti ah ka mawx?

1 KAWRINTHUX 4:7

Grawh grawng nawh, mawh mawx pa kieh maix tang siyox? Maix koe ceu pa yuh ka mawx, pa ang maix pon khaing pui? Phan hoik pon khaing pui maix lai yuh ti yaw awm grang pa ang maix pon khaing pui yuh ka mawx?

2 KAWRINTHUX 7:1

Pui pa moh aux khankix eue, kheu koe lox mukheu inkix, kieh ex kieh tokaux tix singax khaing ceu pa seeing brai khawmuik pa dex mai nex mai khuan mai kieh grum ka pa singax ka daux pa lhat graung ka Siyiex heue.

KALATIX 3:22

Viang mawh nan phuk lai sigang khri hoik laung pui khawmuik ka greem phimap, son sang tawx lox sijax mukheu an kheu krax yum rhawm kix ka Yesux Khrit heue.

EFESUX 2:2

Pa hoik sax hu pex ka, awm pa khaw mai been haktiex, pa khaw mai simiang siawp sibrawm bhawm, pa mawh khuan pa yuh kaing ka daux kawn pa lieh lox khankix.

EFESUX 4:22

Kieh pex peeik ti tik ceu pa hoik sax yuh pex glang ka, pa mawh pui prim, pa kieh tokaux tix cux sium, kheu hawt alo nex nham pie lhen heue.

KAWLAWSIE 1:21

Pex, pa hoik tang tiah paox tix daux bawg yam pa hoik luan, mawh pui pa koeng ka daux rhawm pex, ka daux kaing pa caox pa yuh pex,

1 THESALONIX 4:13

Puxaik khankix eue, ang ex rhawm kieh pex ang tawng ka grawh grawng kix pa laig it khankix, son ang pex sang khi rhawm, awm pui tang kaux pa deuk khankix pa ang koe krax keud pot jun pot heue.

1 THESALONIX 5:6

Mawh kheu nan paw kieh ex laig it awm pui pa deuk khankix, viang mawh nan kieh ex pau ti jhak mai priex rhawm tix heue.

1 TIMOSE 6:9

Viang mawh nan kix pa koe rhawm ti sang mi sang koe, rau ka daux pa nyaw glaw mai ka daux kie mai alo nex nham pa daox pa aw pa chix yuh laux tom nie, ceu an khankix mawh pa kieh pui com nok ti yum ka daux pa laux pa leeing heue.

TITUX 3:3

Ex kawx hoik sax mawh pui pa daox aw tix bawg, pa ang chix cu nghiet, pa hoik pie lhen kah, pa hoik yuh son alo nex nham mai krax gaux rhawm ku ceu, ot ka daux pa nieb keud ti yuh pui laux, pa boh rhawm, pa chix koeng, koeng ka paox tix, tix kaux lai tix kaux heue.

1 PETRUX 1:14

Kieh awm kawn praix pa chix nghiet chix cu lox mai paw yuh tokaux tix yaung awm alo nex nham, ceu pa sax yuh pex glang ka, yam ang pex lai tawng.

2 PETRUX 2:14

Kix koe ngai pa naog ceu pa lud vao, pa ang pon yut phimap. Kix nyaw glaw ka rhawm pa ang kaux cong khankix. Rhawm kix hoik gaux ka daux krax pa ghoing. Kix mawh kawn praix pa lawg pa jhax.

2 PETRUX 2:18

Mawh kheu ah kix lox ting mu, pa giex going mai teei ceu pa simie alo nex nham mai ceu pa chax nie luan yuh mai nyaw glaw ka pui pa dex sang luan khaing kix pa yuh pa ang khaw ang jiet heue.

1 YOHAN 2:16

Mawh kheu can pa koe ka daux haktiex khawmuik, mawh pa hawt alo nex nham mai pa hawt alo ngai mai pa yuh ti ting rhawm yam im ju, ang mawh pa dex dawd mai Keeing Cao, viang mawh nan mawh pa dex dawd mai haktiex heue.

1 YOHAN 2:8

Viang mawh nan lox pingnyap pa baox deeh tiiem aux ka pex mawh pa khraox, grawh grawng nawh mawh pa khraox ka daux Nawh mai ka daux pex, mawh kheu pa faik uik grai hu mai pa riang pa mawh meh hoik jhan riang heue.