EFESUX 2:2 - Wa Common Language Translation

² Pa hoik sax hu pex ka, awm pa khaw mai been haktiex, pa khaw mai simiang siawp sibrawm bhawm, pa mawh khuan pa yuh kaing ka daux kawn pa lieh lox khankix.

EFESUX 2:2 Iomraidhean Croise

YAWBAX 1:16

Yam kawn tak sikah nawh, pui tang kaux baox hoek ah nin, “Ngu Siyiex hoik cod khaing raoma mai hoik gleeing ka yung mai cao pau yung khankix proe uik mai mawh aux nong nong tix kaux pa klawd sonsang deeh ing krai ka maix heue.”

YAWBAX 1:19

bhaung ting hoek sijaox khaing daux tiag mai hoik klah ka nyiex an khawm pon daog mai nyiex an hoik grhup piang pui awn ju an khankix mai kix hoik yum mai mawh aux nong nong tix kaux pa klawd sonsang deeh ing krai ka maix heue.

YAWBAX 1:7

Siyiex ah nin ka satan, “Mawh kaoh maix khaing dee mawx?” Satan deeh pawk lox ka Siyiex ah nin, “Aux kaoh khaing lailing ti hu piang haktiex mai hu jee hu blaong sonsang simi ti jhak piang ceu an kix heue.”

YAWBAX 31:7

Phan diang caong hu aux lud daux krax hu tix, phan ang mawh nan, phan rhawm aux hoik hawt alo ngai aux, phan ang mawh nan mai phan ceu pa seeing hoik kawp ka taix aux tix ceuceu,

YAOGYAW 17:14

Siyiex eue, ka daux tawm taix Maix, kieh aux luan khaing tawm taix pui mai tawm taix pui haktiex liak. Yam kawn im ju kix yam in kieh kix sak naog ka sin Maix mai kieh kix deuh son kawn praix tix ang ah, son kawn saux kix heue.

ISAYAX 30:1

Siyiex ah nin, “Kieh krax kha rhawm koe ka kawn praix pa thiang lox,” “Pui pa tang yuh awm krax keud tix, ang mawh pa kaoh khaing Aux, pui pa yuh paox pie tau, viang mawh nan, ang mawh pa kaoh khaing rhawm rhi Aux, kix baox phimap ka piang phimap.

ISAYAX 57:4

Mawh nyiah pex ka pui mawx lie? Pex ang jheeh tix mai blex dak tix lih ka pui mawx lie? Ang pex mawh kawn pa lud, doeh kawn praix pie lhen lie?

YERAMIX 23:10

Grawh grawng nawh, haktiex hoik naog ka pui pa lud vao, mawh kheu pa jhax lawg, haktiex koe krax yiiem grai ka. Daux tiag tu khankix, hoik groing, krax hu kix mawh pa caox mai riang rao sibrawm kix ang lai rahsee heue.

HOSE 10:9

“Isarelax eue, pex hoik koe phimap tom daux baux singaix ot pex daux veng Giba mai kix hoik cung ti ot tan heue. Yam in pui pa ot ka daux veng Giba, lai keud naing ceu pa puing ka kawn praix pa koe phimap sivoe in dix ang lai mawh pa hoek piang kix heue.

KRUB 11:16

sim kala-uk, klang pon sawm, klang kax mai paox ceu nawh khankix,

MATHIEX 11:19

Yam hoek Kawn kawn pui, ih mai nyaux, kix ah, jhak yaox, Kaw in mawh pui ting priex mai pui ting nyaux rawm plix siiet mai yuh paox pie ka pui koh mau mai pui ting map khankix heue. Viang mawh nan, pingnya cie Siyiex hoik plak jhi rahsee ka daux kaing pa yuh tix khankix heue.”

MATHIEX 13:22

Simie pa rhuat ka daux sinax pang kat, mawh pui pa mhong ka lox bwan mai priex rhawm pa dex dawd mai haktiex mai pa chix pie lhen sinngao haktiex, kheem gut ka lox bwan mai nawh ang chix plix, plix heue.

MATHIEX 13:38

Ma mawh haktiex, simie pa mhawm mawh kawn praix Meung an khankix mai vang mawh kawn praix kaw pa caox khankix heue.

MAKUX 4:19

pa khi rhawm pa dex dawd mai haktiex mai pa chix pie lhen sinngao mai pa mie ti pon tang ceu khankix, kheem gut lox bwan tom ang chix plix, plix heue.

LUKAX 16:8

Simiang nawh yaw kawncau pa bung kaing pa ang rahsee an, kheu hoik yuh nawh pa lhak lhiiem. Grawh grawng nawh, kawn praix pa dex dawd mai haktiex khankix nie lhak lhiem son bawg yam ju yam ot yam koe kix, khaing kawn praix pa riang khankix heue.

LUKAX 22:31

“Simon eue, Simon, jhak heue, satan hoik mhaing maix, sonsang pon nawh ti grheung maix, awm grheung nghox ca heue.

YOHAN 12:31

Yam in hoik hoek bawg yam pa sang prawng ciyang ka haktiex, bawg yam in tak sang grheu simiang haktiex in lih heue.

YOHAN 13:2

Yam ih kix priex bo, kheu phi caox hoik sau pa keud pa sawn ka daux rhawm Yudax Isakariut, pa mawh kawn Simon, sonsang tik tawx nawh Yesux heue.

YOHAN 13:27

Khaix hoik teei nawh blah an, Satan laig ka daux nawh, Yesux ah nin ka nawh, “Ceu pa sang yuh maix, nied ti yuh laung laung heue.”

YOHAN 14:30

Khaix in Aux tak ang lai baox sikah mai pex tom nie, kheu simiang haktiex sang hoek. Viang hoek kawx ang nawh koe tidtix ka daux Aux.

YOHAN 15:19

Phan pex dex dawd mai haktiex, haktiex tak moh ka pex, viang mawh nan kheu ang pex dex dawd mai haktiex, kheu hoik laug Aux ti teei pex lih khaing haktiex, haktiex tom koeng ka pex heue.

YOHAN 16:11

Mawh kheu hoik prawng hoik ciyang ka simiang haktiex in, Nawh tak sang plak jhi yaox grawh grawng pa ciyang heue.

YOHAN 7:7

Pui haktiex ang chix koeng ka pex, kix koeng ka Aux, mawh kheu kham Aux mhai rug grawng pa yuh kix mawh pa caox.

YOHAN 8:23

Nawh ah nin ka kix, “Pex mawh pa kaoh khaing plak greem, Aux mawh pa kaoh khaing dee long. Pex mawh pui haktiex in, Aux ang mawh pui haktiex in.

YOHAN 8:44

Pex lih hoek khaing keeing pex pa mawh phi caox, pex simie ti yuh alo keeing pex. Tom yam jah mawh pa pah pui yum, ang cung ka daux pa mawh meh, kheu pa mawh meh ang koe daux nawh. Yam ah nawh lox pie lhen, nawh lak ah lox tokaux tix, kheu mawh nawh pa chix pie lhen nawh mawh keeing pa pie lhen heue.

KAWNCAU 19:35

Cao tiiem lai veng an yam hoik kieh nawh cub pui khawmuik yiien yawg tix, nawh ah nin, “Pui veng Efesux eue, koe kaux pui mawx pa ang tawng grawng veng pui Efesux in, mawh cao pa priex nyiex bwan Atemi pa ting lhaong mai riang grang pa hoik cod khaing Cusa?

KAWNCAU 5:3

Viang mawh nan Petrux ah nin, “Ananix eue, yuh ka mawx maix lai kieh Satan naog ka rhawm maix, sonsang pie ka Khuan Singax Singeh mai mox ti een ngawh haktiex an tix blah?

ROMAX 12:2

Paw kieh khaw mai riang baux ju in, viang mawh nan kieh pex deeh tieh loh, kheu baox yuh rhawm tix pa khraox, sonsang chix cheu pex ti tawng, mawh pa yuh ka mawx pa mawh pa mhawm mai pa khaw caw rhawm mai pa grum mawh alo Siyiex heue.

1 KAWRINTHUX 5:10

Pa ah aux nan, ang lai ah ka pui phit vao pa dex mai haktiex, phan ang mawh nan ka pui pa ghoing, ka pui pa tud rhim, ka pui pa krub riang grang khankix, phan raux ah nan, pex tak lai lih hu khaing haktiex heue.

1 KAWRINTHUX 6:11

Glang ka in, viang pex tix blah kawx hoik mawh pui pa awm an, hoik sigrhah ka pex, hoik kieh pex singax, hoik kieh pex rahsee ka daux ceu kaux Simiang Yesux Khrit mai ka daux Khuan Siyiex ex heue.

2 KAWRINTHUX 4:4

Ka daux kix pa ang yum rhawm khankix siyiex haktiex in hoik kieh rhawm dee chix tawng kix dug kah, son ang pa riang lox bwan gaux rhawm min pakngai Cao Khrit, pa mawh riang grang Siyiex, sang jhan ka piang kix heue.

KALATIX 1:4

Kaw pa hoik tawx tokaux tix son phimap ex, sonsang taoh Nawh ex khaing ju pa caox in, awm pa khaw mai alo Keeing ex Siyiex,

EFESUX 1:21

kied ting ka piang ceu pa giex kaing, pa koe min pakngai, siawp sibrawm mai simiang haktiex, can ceu kaux ku ceu pa hoik kok kah, ang joeng mawh ngie ka ju haktiex in, viang mawh nan khawm daux ju pa tak sang hoek phao khaix khawmuik heue.

EFESUX 2:11

Mawh kheu nan doh keud grawh grawng pex pa mawh pui tang ceu ka daux nex nham, kix pa mawh pa pat hak ka daux nex nham, pa hoik yuh ka taix, kok mawh pa ang pat hak,

EFESUX 2:13

Yam in ka daux Yesux Khrit, pex pa hoik singai tix bawg, hoik kieh dex kheu nham Cao Khrit heue.

EFESUX 2:3

Ex khawmuik kawx hoik rom tau mai kix tix bawg, ka daux pa hawt alo nex nham tokaux tix mai hawt yuh pa simie nex nham mai pa lak keud ti yuh mai ex hoik mawh nang kawn praix pa song rhawm, awm hoik mawh pa deuk khankix heue.

EFESUX 4:17

Mawh kheu nan aux tom ah nin mai kham mhai ruk ka daux Simiang, son ang pex lai baox hu awm pa hu pui tang ceu ka pa nieb keud kix ceu pa giex going daux rhawm tix.

EFESUX 4:22

Kieh pex peeik ti tik ceu pa hoik sax yuh pex glang ka, pa mawh pui prim, pa kieh tokaux tix cux sium, kheu hawt alo nex nham pie lhen heue.

EFESUX 5:6

Paw kieh pui tix kaux kawx teei lox pa giex going mai pie lhen pex kah, mawh kheu mawh grawng ceu in khankix ceu pa song rhawm Siyiex hoek ka piang kawn praix pa ang cu nghiet khankix heue.

EFESUX 5:8

Pex hoik mawh pa faik tix bawg, yam in pex hoik mawh pa riang ka daux Simiang, kheu nan hu awm kawn pa riang heue.

EFESUX 6:12

Kheu pa ngah ex ang mawh ka nex nham, mawh ka simiang khankix mai ka siawp sibrawm khankix mai ka simiang giex kaing haktiex pa faik in khankix mai ka cub phicaox pa ot plak raoma khankix heue.

KAWLAWSIE 1:21

Pex, pa hoik tang tiah paox tix daux bawg yam pa hoik luan, mawh pui pa koeng ka daux rhawm pex, ka daux kaing pa caox pa yuh pex,

2 TIMOSE 4:10

mawh kheu Dema hoik prah aux, kheu moh nawh ka haktiex in mai hoik hu ka veng Thesalonix, Krisake hoik hu ka meung Kalatix, Titux hoik hu ka meung Dalamatix heue.

YAKOP 1:27

Ceu pa hawt yuh plak been bwan pa singax, pa ang kawb pa seeing brai sivoe Keeing ex mai Siyiex mawh nin. Mawh pa hu kia ka kawn doe mai miexmai khankix, ka daux krax kha rhawm kix mai ceu pa chix priex tokaux tix kieh luan khaing pa kawb pa seeing brai haktiex heue.

YAKOP 1:7

Pui pa yuh nan, paw kieh nawh ce ti sang pon tix ceu kawx khaing Siyiex.

YAKOP 4:4

Pex pa mawh bun pa ang kaux sijax, pa phit vao khankix eue, ang pex tawng pa yuh paox pie, pa dex dawd mai haktiex, mawh ceu pa koeng ka Siyiex lie? Mawh kheu nan pui mawx ang ah, pa yuh paox pie ka haktiex, yuh ti kieh tokaux tix mawh pa koeng ka Siyiex heue.

1 PETRUX 1:14

Kieh awm kawn praix pa chix nghiet chix cu lox mai paw yuh tokaux tix yaung awm alo nex nham, ceu pa sax yuh pex glang ka, yam ang pex lai tawng.

1 PETRUX 4:3

Mawh kheu ex hoik hawt yuh alo pui tang ceu, ka daux bawg yam ju ex pa hoik luan tom kub, pa mawh pa chax nie lheu yuh mai pa hawt yuh alo nex nham mai pa chax nie miag ka plai mai pa yuh pawie pa chax nie luan mai pa chax nie luan ih mai pa krub riang grang khankix pa seeing heue.

2 PETRUX 2:14

Kix koe ngai pa naog ceu pa lud vao, pa ang pon yut phimap. Kix nyaw glaw ka rhawm pa ang kaux cong khankix. Rhawm kix hoik gaux ka daux krax pa ghoing. Kix mawh kawn praix pa lawg pa jhax.

1 YOHAN 3:10

Ka daux ceu in kawn praix Siyiex mai khawm kawn praix phicaox hoik sidawng kah. Pui mawx ang ah pa ang yuh pa rahsee mai ang moh ka puxaik tix, ang dex dawd mai Siyiex heue.

1 YOHAN 3:8

Kaw pa yuh phimap mawh pa dex dawd mai phicaox, mawh kheu phicaox hoik yuh phimap khaing tom yam jah heue. Kawn Siyiex hoik lih bleeh, sonsang yieh Nawh kaing pa yuh phicaox heue.

1 YOHAN 4:4

Kawn nyawm aux khankix eue, pex mawh pa dex dawd mai Siyiex mai hoik pex ka kix, mawh kheu Kaw pa hoik ot ka daux pex, lheu ting khaing kaw pa ot ka daux haktiex heue.

1 YOHAN 5:19

Ex tawng grawng mawh ex pa dex dawd mai Siyiex mai grawng haktiex khawmuik ca ot ka daux kaw pa caox heue.

1 YOHAN 5:4

Mawh kheu pui mawx ang ah pa hoik kieh Siyiex kix keh, pex ka haktiex heue. Krax pa pex an kienie, mawh krax yum rhawm ex heue.

PLAK JHI 12:9

Taing lih ka siyawng ting an, pa mawh siuing prim dix, kaw pa kok mawh phicaox mai satan, pa mawh cao pa pie lhen ka beu haktiex khawmuik heue. Hoik taing nawh lih ka piang haktiex mai kawncau nawh khankix kawx hoik taing lih tau mai nawh heue.

PLAK JHI 13:14

Nawh pie lhen ka kix pa ot ka piang haktiex ka mhai pa daox am, pa hoik tawx tix kieh nawh yuh sivoe ngai totiag phao ka an mai nawh nhie kix pa ot ka piang haktiex khankix yuh riang grang totiag pa koe rhoi khaix dee hoik mug ka vaig mai pa im an heue.

PLAK JHI 13:8

Can pui pa ot ka piang haktiex khawmuik tak sang krub ka nawh, pa mawh can pa ang lai tiiem ti deuh ka ceu kaux kix tom yam jah ti kaw haktiex ka daux phuk lai pa im ju, cie kawn yung pa hoik pah yum heue.

PLAK JHI 16:17

Aliah kaux tix kaux prauk klong cie tix lih ka piang bhawm mai lox pa ting pa sinum lih khaing daux nyiex bwan khaing dang ngeung ah nin, “Hoik hoik heue.”

PLAK JHI 20:2

Nawh giex ka siyawng an, pa mawh siuing prim dix, pa mawh phicaox mai satan mai phyawk nawh son been tix rheng num,