EFESUX 2:16 - Wa Common Language Translation

¹⁶ Sonsang kieh khawm ra deeh ih rhawm paox tix, ka daux tokaux tix mu khaing, ka Siyiex, kheu khaox lhak mai pah ceu pa koeng yum ka khaox lhak an heue.

EFESUX 2:16 Iomraidhean Croise

ROMAX 5:10

Grawh grawng nawh, yam kawn mawh ex pui koeng, hoik kieh ex deeh khaw paox tix ka Siyiex, kheu pa yum Kawn Nawh Cao, kheu hoik deeh khaw caw ex paox tix, ex tak nie lheu hoek krax taoh kheu pa im ju Nawh.

ROMAX 6:6

kheu hoik tawng ex grawng pui prim ex hoik yum tau mai Nawh Cao piang khaox lhak, sonsang yieh sibrawm tokaux phimap laux, son ang ex sang baox mawh siliex ka phimap.

ROMAX 8:3

Pa ang lox lai beenli pon yuh, mawh kheu iak riang rao kheu nex nham, Siyiex hoik ploi Kawn tix lih ka daux pa yaung nex nham phimap mai grawh grawng phimap, Nawh prawng ciyang phimap ka daux nex nham,

ROMAX 8:7

Mawh kheu rhawm pa dex mai nex nham, mawh pa ra lai koeng ka Siyiex, mawh kheu nawh ang cu nghiet, ka lox lai beenli Siyiex. Chix kawx, ang chix cu nghiet kah heue.

1 KAWRINTHUX 10:17

Mawh kheu ex pa mawh pui hun, ih ka blah an tix lon khaing, ex tom mawh blah tix lon khaing, tokaux tix mu khaing heue.

KALATIX 2:20

Aux hoik yum tau mai Cao Khrit ka khaox lhak mai yam in aux kawn ang baox mawh pa im, Cao Khrit im ka daux aux heue. Ceu pa im aux ka daux nex nham yam in, aux im ka daux krax yum rhawm, pa mawh pa yum rhawm ka Kawn Siyiex, pa hoik moh ka aux mai hoik tawx tokaux tix son aux heue.

EFESUX 2:15

kheu hoik kieh Nawh ceu pa koeng pak lawg ka daux tokaux tix, pa mawh lox tawm mai been khankix pa koe ka daux lai beenli, sonsang pon Nawh ti phan, yuh kiex khawm ra mawh pui khraox tix kaux khaing, ka daux tokaux tix mai kieh nhim heue.

EFESUX 3:6

pa mawh grawng pui tang ceu kawx sang mawh pui pa rom ti pon sin tau mai pui Yudax mai rom ti mawh kraung pakpeung tau ka daux tokaux tix mu khaing mai pa rom ti pon tau ka lox sijax mukheu pa koe ka daux Yesux Khrit kheu lox bwan gaux rhawm.,

EFESUX 4:4

Koe ngie tokaux tix mu khaing mai Khuan Cao tix mu khaing, awm ceu pa kok pa hoik kok ka pex mawh ka daux krax keud pot jun pot tix mu khaing.

KAWLAWSIE 2:14

hoik preet lai khaix taix been, pa koeng pa ang khaw ka ex, hoik teei an khaing sinax ex, tawk ka khaox lhak,

KAWLAWSIE 3:15

Kieh pa nhim Cao Khrit giex kaing ka daux rhawm rhi pex, pa hoik kok pex ka, khawm ka tokaux tix mu khaing, kieh pex yaogyaw bwanson heue.