EFESUX 2:10 - Wa Common Language Translation

¹⁰ Ex mawh khaix taix Nawh, pa hoik phan hoik yuh ka daux Yesux Khrit, sonsang twah, yuh ceu pa mhawm, pa hoik grux cox Siyiex sonsang hu ex ka daux ceu an khankix heue.

EFESUX 2:10 Iomraidhean Croise

YAOGYAW 100:3

Pex deuh ti tawng, Siyiex mawh Siyiex leeing ju awx. Nawh mawh Cao pa phan pa yuh ka ex mai mawh Siyiex ex, ex kawx mawh pui Nawh mai cub yung sawm dex Nawh heue.

YAOGYAW 119:3

Kix ang chix yuh phimap, viang mawh nan kix hu hoek ka daux krax Nawh heue.

YAOGYAW 138:8

Siyiex, tak kieh grawng pa dex mai aux hoik, Siyiex eue, krax caux rhawm Maix, kaux cong jheung jheung leeing ju, Maix paw lai tik ka ceu pa hoik yuh Maix ka taix tix liak.

YAOGYAW 51:10

Siyiex eue, kieh daux rhawm aux singax singeh liak. Cox rhawm rhi aux mawh pa khraox mai kieh kaux cong liak.

YAOGYAW 81:13

Pui Aux khankix, nghiet ka lox Aux, kieh ceu pui Isarelax hawt daux krax Aux liak.

ISAYAX 19:25

Mawh pui pa sang nawb Siyiex cao kru naing raoma bwanson ka daux pa ah nin; “Ceu pui Aux Ejiptux mai ceu pui Asurix pa hoik cox khre Aux mai ceu pui Isarelax khankix pa mawh sinngao Aux kieh koe bwanson heue.

ISAYAX 29:23

Mawh kheu yam yaox nawh ka kawn praix tix, pa mawh kaing yuh Aux ka taix tix, ka sinax nawh, kix tak yungyi ka ceu kaux Aux mai nab yam ka pa singax singeh Siyiex pui Yakop mai lhat graung ka Siyiex pui Isarelax.

ISAYAX 43:21

Pa mawh pui pa phan Aux son tix. Sonsang yaogyaw kix ka Aux.

ISAYAX 43:7

Pa mawh ceu pui pa hoik kok ka daux ceu kaux Aux, mawh pui pa hoik phan Aux ka son min pakngai tix, pa mawh pui hoik phan hoik yuh Aux.”

ISAYAX 44:21

Ceu pui Yakop eue, doh keud ka inkix, pui Isarelax eue, “Pex mawh siliex Aux, Aux mawh cao phan pex, pex mawh siliex Aux pui Isarelax eue, Aux ang piawm ka pex.

ISAYAX 60:21

Pui maix khawmuik tak mawh pa rahsee, kix tak pon ti cie haktiex mawh sinngao tix leeing ju heue. Mawh khaox pa hoik sum Aux mai kaing jhaw taix aux khankix tak mawh pa pon Aux ti koe min pakngai ka heue.

ISAYAX 61:3

sonsang yuh krax pa nyawm rhawm pui an kix pa koe krax khi rhawm ka daux veng Zion, sonsang tawx mhok khri pa mhawm grang ka kix son tang nyaox mai rawm bee pa gaux rhawm son tang krax pa khi rhawm mai kraung ceep pa yaog yaw, son tang khwan pa khi, son krax pa sum Siyiex, sonsang pon Nawh ti koe min pakngai ka heue.”

YERAMIX 31:33

Viang mawh nan, in mawh sijax mukheu, pa sang yuh Aux tau mai nyiex ma ceu pui Isarelax khankix heue. Siyiex ah nin, khaix hoik luan singaix bawg yam khankix Aux tak sang sau lox tat jhawm prawng cie Aux ka daux dee keud kix mai tiem piang rhawm kix mai Aux tak mawh Siyiex kix mai kix tak mawh pui Aux heue.

MATHIEX 5:16

Awm an kieh pa riang pex jhan riang sivoe ngai kawn pui heue, sonsang yaox kix kaing pa yuh pex pa mhawm mai yaogyaw Keeing pex pa ot daux Meung Raoma.”

YOHAN 3:21

Kaw pa yuh pa mawh meh hoek ka pa riang, sonsang sidawng pa yuh tix, grawng mawh pa hoik yuh ka daux Siyiex heue.”

KAWNCAU 9:31

Ceucao pa koe ka daux meung Yudax mai meung Galilie mai meung Samarix khawmuik koe krax nhim mai baox ting lhaong mai kix hu ka daux pa lhat ka Simiang Yesux mai ka daux ceu pa nyawm rhawm pa khu Khuan Singax Singeh mai baox nie haoh hun heue.

KAWNCAU 9:36

Ka daux veng Yawppax koe kawncau tix kaux pa kaux Tabithax, phan toe lox an kok mawh Dawka heue. Bun in naog ka kaing jhaw ceu pa mhawm mai pa yuh bwanson tan pa yuh tix heue.

ROMAX 8:1

Mawh kheu nan, yam in, ang lai koe dee prawng ciyang ka kix pa ot ka daux Yesux Khrit heue.

ROMAX 8:29

Kix pa hoik grux tawng Nawh Cao kah, Nawh hoik ciak ti kieh awm riang Kawn tix, sonsang mawh Nawh pa liang ti keh ka daux puxaik tom nie heue.

1 KAWRINTHUX 3:9

Grawh grawng nawh yiex mawh paox pa rom ti yuh kaing tau mai Siyiex mai pex mawh ma Siyiex mai nyiex Siyiex heue.

2 KAWRINTHUX 5:17

Phan pui tix kaux kaux ot ka daux Cao Khrit, nawh mawh ceu pa khraox heue. Ceu pa prim khankix hoik grai hoik grup hu mai jhak heue, ceu an kix hoik lih mawh pa khraox heue.

2 KAWRINTHUX 5:5

Kaw pa hoik yuh hoik cox ex ka son ceu in mawh Siyiex, pa hoik tawx gawng pa dex mai Khuan Cao ka ex heue.

2 KAWRINTHUX 9:8

Siyiex chix kieh bwanson khawmuik pre ka pex, sonsang grum kub pex ka ku ceu mai son sang pre ka krax twah krax klaung pa mhawm ku ceu,

KALATIX 6:15

Ka daux Yesux Khrit pa pat hak ang ah, pa ang pat hak ang ah, ang koe bwanson tidtix, ceu pa koe bwanson mawh ngie pa mawh pui pa khraox heue.

EFESUX 1:1

Pawlux pa mawh kawncau pa ting Yesux Khrit kheu alo Siyiex, tawx ka pui pa singax pa ot ka daux veng Efesux mai ka pui pa kaux sijax ka daux Yesux Khrit heue.

EFESUX 1:4

awm hoik laug Nawh Cao ti teei ex daux Cao Khrit, tom ka sang jah ti kaw haktiex, sonsang mawh ex pa singax, pa ang koe dee cha pa loig sivoe Nawh ka daux krax moh,

EFESUX 2:13

Yam in ka daux Yesux Khrit, pex pa hoik singai tix bawg, hoik kieh dex kheu nham Cao Khrit heue.

EFESUX 2:15

kheu hoik kieh Nawh ceu pa koeng pak lawg ka daux tokaux tix, pa mawh lox tawm mai been khankix pa koe ka daux lai beenli, sonsang pon Nawh ti phan, yuh kiex khawm ra mawh pui khraox tix kaux khaing, ka daux tokaux tix mai kieh nhim heue.

EFESUX 2:2

Pa hoik sax hu pex ka, awm pa khaw mai been haktiex, pa khaw mai simiang siawp sibrawm bhawm, pa mawh khuan pa yuh kaing ka daux kawn pa lieh lox khankix.

EFESUX 2:6

Hoik kieh ex deeh kaoh tau mai Nawh, hoik kieh ex ngawm tau mai Nawh ka daux raoma, ka daux Yesux Khrit.

EFESUX 4:1

Mawh kheu nan aux pa mawh pui pa laung son Simiang, khyox khaw ka pex, sonsang hu awm pa keung mai ceu pa hoik kok ka pex,

EFESUX 4:24

mai ceep ka pui pa khraox pa hoik phan hoik yuh ka daux pa rahsee mai pa singax singeh pa dex mai pa mawh meh, awm Siyiex heue.

PINGNYAP 32:6

Pui pa daox aw pa ang koe pingnya khankix eue, mawh sang deeh pawk maix bwanson ka Simiang Siyiex yuh nin lie? Nawh Cao mawh keeing pa hoik kieh pex koe ang mawh lie? Nawh Cao hoik mawh pa phan pa deuh pex mai pa deuh pex kaux cong ang mawh lie?

PINGNYAP 5:33

Pex tak lawng daux krax pa hoik tawm Simiang Siyiex pex ka pex, sonsang im ju pex mai pon bwanson ceu pa mhawm tau mai lang ju ka daux haktiex pa sang pon pex ti cie heue.

PHILIPPIX 1:6

Aux hoik yum rhawm mhawm mhawm, grawh grawng kaw pa hoik jah ti yuh kaing pa mhawm ka daux pex, tak kawn sang yuh tom grum hoik, tom hoek singaix Yesux Khrit heue.

PHILIPPIX 2:13

Siyiex, mawh kaw pa yuh kaing ka daux pex, sonsang koe rhawm ti yuh mai sonsang yuh kaing, son pa caw rhawm Nawh heue.

KAWLAWSIE 1:10

sonsang hu pex awm pa keung ka Simiang, sonsang caw rhawm Nawh ka khawmuik mai plix plix ka daux kaing pa mhawm ku ceu mai haok huan ka daux krax tawng Simiang Siyiex,

KAWLAWSIE 3:10

hoik ceep pui khraox, pa kawn yuh pa khraox pot tom pon krax tawng, awm riang pakpeung kaw pa phan pa yuh nawh heue.

2 THESALONIX 2:17

Kieh rhawm pex nyawm rhawm mai kieh pex kaux cong, ka daux kaing pa mhawm ku ceu mai gumlox ku ceu heue.

1 TIMOSE 2:10

Kieh krax twah krax klaung pa mhawm mawh pa jawg tix, awm pa khaw pa nyawm ti jhak son bun khankix pa hoik ah ti mawh pa chix nab chix yam mai pa yuh pa khaw caw ka Siyiex heue.

1 TIMOSE 5:10

pa kham pui mhai ruk ka grawng pa hoik yuh kiex pa mhawm, phan kiex hoik eei kawn tix ting, phan kiex hoik chix kia nyo sinie, phan kiex hoik khoek caong pui pa singax singeh khankix, phan kiex hoik kia ngien ka pui pa yaox krax tug krax kha, phan kiex hoik nied ti coca yuh kaing pa mhawm ku ceu, sau kiex daux carang heue.

1 TIMOSE 5:25

Awm an viang mawh kaing ceu pa mhawm kawx koe pa sidawng mai pa ang sidawng kawx ang pon ti mox heue.

1 TIMOSE 6:18

Sonsang yuh kix pa mhawm, sonsang mi sang koe kix daux kaing pa mhawm, sonsang koe rhawm kix ti sang gwieh ti tawx ka pui mai pa koe rhawm ti sang yuh paox pie heue.

2 TIMOSE 2:21

Phan pui tix kaux kaux kieh tokaux tix singax khaing in khankix, nawh tak mawh klong pa koe min pakngai, pa singax mai pa mhawm sonsang shiao cao nyiex, pa hoik cox khre ka son kaing pa mhawm ku ceu heue.

2 TIMOSE 3:17

sonsang kieh pui Simiang Siyiex mawh pa grum naog mai pa hoik rien tix son kaing pa mhawm ku ceu heue.

TITUX 2:14

Kaw pa hoik tawx tokaux tix son ex, son sang taoh Nawh ex khaing daux phimap khawmuik, yuh ti kieh pui tix ceu singax son sang mawh cie tokaux tix, pa nied ti coca ti yuh kaing pa mhawm heue.

TITUX 2:7

Ka daux ku ceu khawmuik jhi ti kieh tokaux tix mawh mhai pa jawh ka grawng pa mhawm pa yuh tix, ka daux ceu pa gau maix, paw kieh koe pa ang mhawm pa sium, kieh koe rhawm pa chix keud mhawm mhawm,

TITUX 3:1

Kieh kix doh keud kah, sonsang chix ot kix greem simiang giex kaing, pa koe sibrawm khankix, son sang koe krax chix cu chix nghiet, sonsang rien tix ka son kaing pa mhawm ku ceu.

TITUX 3:14

Kieh pui ex khankix gau ti yuh ceu pa mhawm jheung jheung, son sang koe pa shiao kix, son ceu pa lo khankix, son ang kix sang mawh pa ang plix plix heue.

TITUX 3:8

Lox in mawh pa kaux sijax, aux simie ti kieh maix sidiex grawng ceu in khankix mawh pa lung pa loi, son pui pa hoik yum rhawm ka Siyiex khankix, tak rien rhawm tix, yuh kaing ceu pa mhawm heue. Ceu in khankix mawh pa mhawm mai pa koe bwanson son kawn pui heue.

HEBRIE 10:24

Kieh ex keud grawng paox tix, tix kaux lai tix kaux, sonsang kieh koe krax moh mai krax twah klaung pa mhawm.

HEBRIE 13:21

Kieh pex grum mhawm ka pa hawt yuh alo Nawh Cao ka daux ceu pa mhawm ku ceu mai yuh ceu pa khaw caw plak sivoe Nawh Cao, ka daux pex, kheu Yesux Khrit. Kieh Nawh koe min pakngai ku ju leeing ju liak. Amen.

1 PETRUX 2:12

Kieh pa yuh pex mawh pa nyawm ti jhak ka sinax pui tang ceu khankix, yuh ka mawx viang kix ah lox deuh phimap ka piang pex awm mawh pex pui pa yuh pa caox kawx, kix tak sang yaox kaing pa yuh pex pa mhawm mai yaogyaw Siyiex ka daux singaix pa kia pa prawng heue.

1 YOHAN 1:7

Viang mawh nan phan ex hu ka daux pa riang, awm ot Nawh Cao ka daux pa riang, ex yaox ti mawh paox pie ka paox tix mai nham Kawn Nawh Yesux sigrhah ex singax khaing phimap khawmuik heue.

1 YOHAN 2:6

Kaw pa ah “Aux ot ka daux Nawh,” tokaux nawh kawx khaw ti hu awm pa hoik hu Nawh Cao heue.