EFESUX 2:1 - Wa Common Language Translation

¹ Nawh Cao hoik yuh ti kieh pex im ka, yam hoik yum pex kheu pa lud mai phimap.

EFESUX 2:1 Iomraidhean Croise

YAM JAH 8:21

Siyiex khaw rhawm mai rieb ka pa sioe bhawng an mai Simiang Siyiex ah nin ka daux rhawm tix, “Aux tak ang lai baox jhax lawg ka haktiex kheu jao kawn pui khaix in tix bawg kawx, mawh kheu kawn pui koe rhawm pa caox caig jah tom yam iak tix, Aux tak ang lai baox yuh can pa im ju khankix laux leeing awm pa hoik yuh Aux bawg in heue.

MATHIEX 8:22

Yesux ah nin ka nawh, “Hawt khaix Aux mai kieh pui yum sipaung ka pui yum cie kix heue.” (Mak 4:35-41; Luk 8:22-25)

LUKAX 15:24

Mawh kheu kawn simex aux in hoik yum, yam in hoik deeh im, nawh hoik grai, hoik deeh yaox yam in heue. Kix jah ti yuh krax gaux rhawm heue.

LUKAX 15:32

Khaw ti yuh krax gaux rhawm mai gaux rhawm heue. Mawh kheu pux maix in hoik yum mai yam in hoik deeh im, nawh hoik grai mai yam in hoik deeh yaox heue.”

YOHAN 10:10

Pui briex hoek ngie sonsang briex mai pah yum yuh laux khaing. Aux hoek sonsang pon kix pa im ju mai sonsang pon kix ju pa im pa nie lheu khaing in heue.

YOHAN 14:6

Yesux baox pawk lox ah nin ka nawh, “Aux mawh daux krax pa mawh meh mai ju heue. Phan ang mawh daux Aux pui tix kaux kawx ang pon ti hoek ka Keeing Cao.

YOHAN 5:21

Grawh grawng nawh awm kieh Keeing Cao pui yum deeh kaoh im, viang mawh Kawn Cao kawx, koe rhawm ti sang kieh pui mawx im kawx, chix tix heue.

YOHAN 5:25

Aux krai lox tete ka pex, bawg yam nari tak sang hoek, hoik hoek yam in mai yam tak mhong pui pa hoik yum khankix lox Kawn Siyiex kix pa mhong tak im heue.

ROMAX 8:2

Grawh grawng nawh been pa dex mai Khuan pa im ju, ka daux Yesux Khrit, hoik ploi aux luan khaing been phimap pa dex mai krax yum heue.

1 KAWRINTHUX 15:45

Awm hoik tiiem ti deuh ah nin, “ Adam pa mawh pui ka sivoe paox tix, hoik lih mawh ju pa im. ” mai Adam pa mawh khaix, lih mawh khuan pa tawx ju pa im heue.

2 KAWRINTHUX 5:14

Grawh grawng nawh krax moh Cao Khrit pex ka ex, mawh kheu hoik deuh rhawm ex grawng phan tix Kaux hoik yum ka son pui khawmuik, pui khawmuik kawx hoik yum kheu an,

EFESUX 4:18

Kheu krax tawng kix hoik faik, kix hoik tang tiah hu khaing Siyiex pa im ju, mawh kheu pa pheem pa ang tawng tidtix pa koe ka daux kix, mawh kheu kiien rhawm rhi kix heue.

EFESUX 5:14

Mawh kheu nan Nawh Cao hoik ah nin, “Kaw pa laig it eue, siduad heue. Mai kaoh im khaing krax yum mai Cao Khrit tak jhan riang ka piang maix heue.”

KAWLAWSIE 2:13

Pex pa hoik yum kheu phimap tix, kheu ang pat hak pa dex mai nex nham tix, Nawh Cao hoik kieh pex deeh im tau mai Nawh mai pluat ploi phimap ex khawmuik,

1 TIMOSE 5:6

Miexmai pa nieb yuh krax gaux rhawm haktiex, nawh hoik yum yam kawn klawd tix heue.

1 YOHAN 3:14

Ex tawng grawh grawng hoik lih ex khaing pa yum mai hoik laig ka daux pa im ju, mawh kheu moh ex ka puxaik khankix heue. Kaw pa ang koe krax moh krax rhawm ot ka daux pa yum heue.

PLAK JHI 3:1

“Tiem ka kawncau Siyiex ceucao pa koe ka daux veng Sadix yuh nin, ceu in khankix mawh pa ah kaw pa koe Khwan Siyiex aliah mu mai simuing aliah mu. Aux tawng grawng krax twah krax klaung maix, grawh grawng pa koe maix ceu kaux pa im maix, viang mawh nan maix hoik yum heue.