EFESUX 1:5 - Wa Common Language Translation

⁵ hoik grux ciak ti kieh ex mawh kawn tokaux Nawh Cao, kheu Yesux Khrit, awm pa khaw caw mai alo Nawh,

EFESUX 1:5 Iomraidhean Croise

YERAMIX 3:19

Viang mawh nan, aux hoik ah nin, “Aux tak sang pon deuh maix ot ka sinax kawn praix khankix mai tawx haktiex pa mhawm, pa mawh singao mhawm grang meung haktiex khankix ka maix yuh ka mawx lie? Aux ah nin maix tak kok ka Aux, keeing Aux eue, mai tak ang lai lih hu khaing aux heue.”

YERAMIX 3:4

Jhak tom yam in, ang mawh maix pa kok ka Aux ah nin, keeing aux eue, Maix Cao mawh paox grawm aux tom kawn awn ju aux ang mawh lie?

DANYELAX 4:35

Can pui pa ot piang haktiex khankix khawmuik, mawh pa hoik sawn tix ang mawh tidtix Nawh yuh awm krax pa koe rhawm Nawh Cao ti yuh ka cub kru naing raoma mai ka can pui pa ot piang haktiex khankix heue. Pui tix kaux kawx ang pon tiebtie ka plawng taix Nawh mai ang pon chawk ah nin ka Nawh Cao heue. “Mawh yuh Maix Cao ceu patix lie?”

HOSE 1:10

Viang mawh nan, ceu pui Isarelax khankix, tak sang awm mhaik rawm sigrit sigra, pa ang pon ti tiag mai pa ang uik simin tix heue. Ka in ka baoh khaing dee mawh pa hoik ah nin ka kix, pex ang lai mawh pui Aux heue. Khaix in tak sang mawh pa ah nin ka kix tan, pex mawh kawn Siyiex pa im ju heue.

MATHIEX 1:25

Viang mawh nan nawh ang dex mai Marix, ka ang nyang keh kawn Ai mai nawh kok ceu kaux nawh mawh Yesux heue.

MATHIEX 11:26

Mawh heue, Keeing kheu Maix koe rhawm alo ti yuh nan heue.

LUKAX 10:21

Ka daux bawg yam nari an Nawh Cao gaux rhawm ka daux Khuan Singax Singeh ah nin, “Aux yaogyaw bwanson Maix, Keeing eue, Simiang pa ting piang raoma mai haktiex, kheu hoik mox Maix ceu in khankix, khaing pui lhak lhiem mai pa chix tawng khankix mai hoik plak kieh kawn ngie khankix yaox heue. Mawh heue, Keeing, kheu Maix koe rhawm khaw rhawm ti yuh nan heue.

LUKAX 11:32

Pui veng Nineve tak cung tau mai pui ju in ka daux ngaix prawng ngaix ciyang sax mai deuh phimap ka piang kix, kheu hoik doh keud kix ka phimap tix, yam sidiex gau Yonax mai jhak heue, Kaw pa lheu ting khaing Yonax ot tin heue.

LUKAX 12:32

Cub yung iak eue, paw lhat graung, mawh kheu Keeing pex koe rhawm ti tawx meung an ka pex heue.

YOHAN 1:12

Pui pa rieb ka Nawh, pui pa yum rhawm ka ceu kaux Nawh khankix Nawh tawx akhuang kieh mawh kawn Siyiex heue.

YOHAN 11:52

Ang joeng mawh ngie son pui ceu an, viang mawh nan mawh sonsang deeh khrawm kawn Siyiex khankix pa hoik prung prang ku dah dee kieh mawh tix mu khaing.

YOHAN 20:17

Yesux baox ah nin ka nawh, “Paw vi teeh Aux, kheu ang Aux nyang bax haok hu ka Keeing Cao. Viang mawh kawx nan hu ka puxaik Aux khankix krai kix grawh grawng pa sang haok Aux ka Keeing Aux Keeing pex Siyiex Aux mai Siyiex pex heue.”

KAWNCAU 13:48

Yam mhong pui tang ceu lox an khankix, kix gaux rhawm mai yaogyaw gumlox bwan Siyiex. Kix pa hoik ciak laug sonsang pon ju leeing ju khawmuik yum rhawm heue.

ROMAX 8:23

Ang joeng mawh ngie nan, pie tokaux ex kawx, pa hoik pon plix liang Khuan Cao, pie tokaux ex kawx, ngia ka daux tokaux tix mai ca krox bawg yam pa sang sawn tix mawh kawn lih, pa mawh pa taoh ka tokaux ex heue.

1 KAWRINTHUX 1:1

Pawlux pa hoik kok ti kieh mawh kawncau pa ting Yesux Khrit kheu alo Siyiex mai puxaik ex Sotsen,

1 KAWRINTHUX 1:21

Grawh grawng nawh, mawh kheu hoik yaox grawng ka daux pa khaw mai pingnya Siyiex, haktiex in ang lai tawng ka Siyiex kheu pingnya tix tiru, hoik caw ka rhawm Siyiex ti sang kieh kix pa yum rhawm hoek ka krax taoh, kheu ceu pa daox aw pa sidiex gau heue.

2 KAWRINTHUX 6:18

Aux tak mawh Keeing ka pex mai pex tak mawh kawn simex kawn bun ka Aux, Simiang pa ting Pa Koe Sibrawm Piang Khawmuik ah nan heue.”

KALATIX 3:26

Grawh grawng nawh pex khawmuik mawh kawn Siyiex kheu krax yum rhawm ka Yesux Khrit heue.

EFESUX 1:11

Pa hoik kieh ex mawh sin, kheu hoik ciak ti deuh ex awm pa khaw mai pa hoik bak yiak, kaw pa yuh kuceu khawmuik hawt alo pa keud tix,

EFESUX 1:9

yam kieh ex tawng alo Nawh pa hoik mox kah, awm pa khaw mai alo Nawh pa hoik bak yiak ti kieh mawh daux Khrit,

PHILIPPIX 2:13

Siyiex, mawh kaw pa yuh kaing ka daux pex, sonsang koe rhawm ti yuh mai sonsang yuh kaing, son pa caw rhawm Nawh heue.

KAWLAWSIE 1:19

Grawh grawng nawh hoik khaw hoik caw ka rhawm Siyiex ti kieh pa grum khawmuik ot ka daux Nawh Cao.

2 THESALONIX 1:11

Mawh kheu in, ex rawg bwan ka son pex, ka Simiang Siyiex ex ku jheung jheung, sonsang een sang sawn pex mawh pa keung ka ceu pa hoik kok pex kah, kieh ceu pa simie pex pa mhawm ku ceu, kieh kaing krax yum rhawm ku ceu tau mai siawp sibrawm, kieh grum naog heue.

HEBRIE 2:4

Siyiex kawx kham mhai rug tau mai kix, ka mhai mai ka ceu pa daox am mai ka kaing sibrawm tom nie ceu mai ka totaix pa hoik gwieh ti tawx Khuan Singax, awm pa khaw mai alo Nawh Cao heue.

1 YOHAN 3:1

Jhak heue, Keeing Cao hoik tawx krax moh krax rhawm piang ex miex ding miex glhaong sonsang kok ex mawh kawn Siyiex mai mawh ex nan. Mawh kheu jao in haktiex ang tawng ka ex, kheu ang haktiex tawng ka Nawh Cao heue.

PLAK JHI 21:7

Kaw pa pex, tak sang pon tix cie sin ceu in khankix heue. Aux tak sang mawh Siyiex nawh mai nawh tak sang mawh kawn Aux heue.