EFESUX 1:4 - Wa Common Language Translation

⁴ awm hoik laug Nawh Cao ti teei ex daux Cao Khrit, tom ka sang jah ti kaw haktiex, sonsang mawh ex pa singax, pa ang koe dee cha pa loig sivoe Nawh ka daux krax moh,

EFESUX 1:4 Iomraidhean Croise

2 SAMOELAX 22:24

Aux hoik rahsee sivoe ngai Nawh mai aux hoik viex ka phimap pa caox.

YAOGYAW 135:4

Grawh grawng nawh, Simiang hoik laug ti teei ka ceu Yakop son Nawh mai ceu pui Isarelax mawh kraung cie Nawh heue.

ISAYAX 42:1

Jhak ka kawncau Aux, pa yaog Aux kah, pa mawh pui laug Aux, pui pa khaw rhawm Aux, Aux hoik deuh khwan tix ka piang nawh, nawh tak viex pa rahsee hoek ka pui kuceu.

KRUB 19:2

Krai ka cub pui hun ceu pui Isarelax khankix ah nin, pex tak mawh pa singax singeh, kheu mawh Aux Simiang Siyiex pex pa singax singeh.

KRUB 20:7

Mawh kheu nan, kieh tokaux pex singax mai mawh pa singax singeh, grawh grawng nawh Aux mawh Siyiex pa mawh Simiang Siyiex pex.

MATHIEX 24:22

Phan bawg yam singaix an khankix ang mawh singaix pa dawd, tix kaux kawx ang pon ti luan, viang mawh nan son pui pa hoik laug Siyiex tak mawh bawg yam singaix pa dawd heue.

MATHIEX 24:24

Khrit pa ang mawh meh khankix mai cao jhai pa ang mawh meh khankix tak sang lih hoek mai plak jhi mhai mai ceu pa daox deng ceu pa kied ting, sonsang pon nyaw glaw ka pui hu krax lud, phan chix tix, ka pui pa hoik laug Siyiex kawx heue.

MATHIEX 24:31

Nawh tak sang ploi kawncau raoma cie tix hu mai lox teet tawng pa kied ting kied luah mai kix tak sang khrawm pui pa hoik laug mawh cie Nawh, khaing pon plak, jah dee sidah daog raoma tix plak, tom sidah hoek daog raoma plak an heue.

MATHIEX 25:34

Yam an Simiang tak sang ah ka kix pa ot plak taix khawn dawm Nawh, Hoek heue, pex pa hoik pon bwanson khaing Keeing aux, teei sin Meung pa hoik cox son pex, tom yam jah ti kaw haktiex heue.

YOHAN 10:16

Aux kawn koe yung pa ang neuex daux kawg yung in, Aux tak viex kix hoek, kix tak nghiet ka lox Aux, tak sang mawh yung tix cub, cao liang yung tix kaux khaing.

YOHAN 15:16

Pex laug ti teei Aux ang mawh, viang mawh nan Aux hoik laug ti teei pex hoik ciak ti deuh pex, yuh ka mawx sonsang hu plix pex plix sonsang kaux cong plix pex heue. Kheu pex sang rawg ceu patix ang ah, ka Keeing Cao ka daux ceu kaux Aux, Nawh sang tawx ka pex.

YOHAN 17:24

Keeing eue, Aux simie ti kieh kix pa hoik tawx Maix ka Aux, ot tau mai Aux ka dee ot Aux, sonsang yaox kix min pakngai Aux, pa hoik tawx Maix ka Aux, mawh kheu hoik moh Maix ka Aux ka sang jah ti kaw num haktiex heue.

KAWNCAU 13:48

Yam mhong pui tang ceu lox an khankix, kix gaux rhawm mai yaogyaw gumlox bwan Siyiex. Kix pa hoik ciak laug sonsang pon ju leeing ju khawmuik yum rhawm heue.

KAWNCAU 15:18

Siyiex pa hoik kieh tawng ceu in khankix tom didix, ah nin heue.

KAWNCAU 18:10

kheu Aux ot tau mai maix, pui tix kaux kawx ang pon si nyhup ti yuh maix laux, mawh kheu Aux koe pui tom nie ka daux veng in heue.”

ROMAX 8:33

Mawx pa sang chix deuh phimap ka pui pa hoik laug Siyiex ti teei? Mawh Siyiex pa kieh rahsee heue.

1 KAWRINTHUX 1:8

Kaw pa tak sang kieh pex kaux cong tom sidah, sonsang mawh pex pa ang koe dee deuh phimap, ka daux singaix Simiang ex Yesux Khrit heue.

KALATIX 5:13

Grawh grawng nawh puxaik khankix eue, hoik kok pex sonsang mawh pui ploi, viang mawh nan paw vi shiao krax pa ploi pex, ti mawh dee duh sonsang hawt yuh alo nex nham, viang mawh nan pex tix kaux lai tix kaux yuh son paox tix ka daux krax moh heue.

KALATIX 5:22

Plix cie Khuan Cao mawh, pa moh rhawm, pa gaux rhawm, pa nhim, pa lang gun lang yeung, pa chix caux rhawm, pa mhawm, pa kaux sijax,

KALATIX 5:6

Grawh grawng nawh ka daux Yesux Khrit, ceu pa pat hak ang ah, pa ang pat hak ang ah, ang koe bwanson tidtix, mawh krax yum rhawm pa yuh kheu krax moh, pa koe bwanson heue.

EFESUX 2:10

Ex mawh khaix taix Nawh, pa hoik phan hoik yuh ka daux Yesux Khrit, sonsang twah, yuh ceu pa mhawm, pa hoik grux cox Siyiex sonsang hu ex ka daux ceu an khankix heue.

EFESUX 3:17

Sonsang ot Cao Khrit ka daux rhawm rhi pex kheu krax yum rhawm, kheu sang kaux cong riah pex ka daux krax moh krax rhawm,

EFESUX 4:2

Ka rhawm pa awn pa tiem pa lang gun lang yeung mai yeung ka paox tix ka daux krax moh krax rhawm.

EFESUX 5:2

hu ka daux pa moh rhawm, awm Cao Khrit kawx hoik moh ka pex mai hoik tawx tokaux tix son ex, ti mawh pa tan ka Siyiex, sonsang mawh bhawng pa sioe baux heue.

EFESUX 5:27

sonsang pon tawx Nawh ceu cao pa koe min pakngai ka tokaux tix, pa ang koe dee pliag dee deen mai ang koe pa awm an tix ceu kawx, sonsang mawh ceu cao pa singax pa loig heue.

PHILIPPIX 2:15

sonsang lih pex ti mawh pa ang koe dee lud mai pa ang chix lud, pa mawh kawn Siyiex pa loig, ka sigreung ju pa kawk vawk, pa tieh lud, jhi tokaux pex ka sinax pui pa yuh nin awm ceu pa toh riang ka daux haktiex,

KAWLAWSIE 1:22

yam in Nawh Cao hoik deeh kieh khaw paox tix, ka daux tokaux nex nham Nawh, kheu pa yum Nawh, sonsang pon tix tawx pex mawh pa hoik singax singeh pa loig pa ang koe dee deuh phimap ka plak sivoe Nawh Cao.

KAWLAWSIE 2:2

sonsang nyawm rhawm kix, kheu hoik kleuk kix tau ka daux krax moh krax rhawm, tom pon pa mi pa koe khawmuik, pa fah rhawm ka grawng krax tawng, sonsang tawng kix pa raux pa mox cie Siyiex, pa mawh Cao Khrit,

KAWLAWSIE 3:12

Awm pui pa hoik laug Simiang Siyiex, pa singax singeh, pa moh kah, pex ceep ceu pa moh rhawm, pa caux rhawm, pa mhawm rhawm, pa tiem rhawm tiem rhi, pa awn rhawm awn rhi, pa lang gun lang yeung heue.

1 THESALONIX 3:12

Simiang Yesux kieh krax moh krax rhawm pex nie baox ting ka paox tix mai ka pui khawmuik, awm ex kawx moh ka pex,

1 THESALONIX 4:7

Siyiex ang kok ex son pa ang singax singeh, kok ka daux pa singax singeh heue.

2 TIMOSE 1:9

pa hoik taoh ex mai pa hoik kok ex kah, pa kok pa singax singeh, ang mawh ka pa khaw mai kaing pa yuh ex, mawh pa khaw mai pa hoik yiag hoik bak Nawh mai bwanson pa hoik tawx ka ex ka daux Yesux Khrit, tom ka sivoe yam jah ti koe bawg yam,

2 TIMOSE 2:10

Aux tom kham geu ku ceu khawmuik, son pui pa hoik laug khankix, yuh ka mawx kix kawx, sang pon krax taoh pa koe ka daux Yesux Khrit tau mai min pakngai leeing ju heue.

2 TIMOSE 2:19

Viang mawh nan jaong num Siyiex kaux cong, pa koe cum yuh nin, “Simiang Siyiex tawng kix pa mawh cie tix,” mai khawm pa ah, “Kieh pa kok ka ceu kaux Simiang Siyiex ku kaux daux pui lih hu khaing pa ang rahsee heue.”

YAKOP 2:5

Puxaik pa moh aux khankix eue, nghiet heue, Siyiex hoik laug pui pa hot pa sibhawm plak haktiex, tix kieh kix mawh pa mi pa koe plak krax yum rhawm mai pa pon sin Meung an, pa hoik tawx Nawh lox sijax mukheu ti tawx ka kix pa moh ka Nawh ang mawh lie?

1 PETRUX 1:2

pa hoik laug awm pa khaw mai pa grux tawng Siyiex Keeing Cao sonsang kieh singax singeh ka daux Khuan Cao, sonsang koe krax cu nghiet mai pa phruah ka nham Yesux Khrit heue. Kieh bwanson mai pa nhim baox thiem thie ka pex liak awx.

1 PETRUX 1:20

Cao Khrit an, mawh pa hoik grux ciak ti deuh ka sang jah ti kaw haktiex, viang mawh nan pa hoik kieh sidawng, daux bawg yam sidah in, son pex,

1 PETRUX 2:9

Viang mawh nan pex mawh ceu pui pa hoik laug, pa mawh cao giex kaing li Siyiex, pa mawh ceu pui pa singax singeh, pa mawh pui Siyiex tete, sonsang jhi pex grawh grawng ceu pa ting lhaong, pa mhawm, Kaw pa hoik kok pex lih khaing daux pa faik mai laig ka daux pa riang pa daox deng cie tix heue.

2 PETRUX 3:14

Mawh kheu nan, pa moh aux khankix eue, kheu hoik yaox grawng krox pex ti jhak son ceu in khankix, nied ti coca yuh ka mawx sonsang pon pex ti yaox ka daux pa nhim mai pa loig pa ang koe dee ne ka sivoe ngai Nawh Cao heue.

1 YOHAN 4:16

Ex tawng mai hoik yum rhawm ka krax moh krax rhawm Siyiex ka son ex heue. Siyiex mawh krax moh krax rhawm mai kaw pa ot ka daux krax moh krax rhawm ot ka daux Siyiex mai Siyiex ot ka daux nawh heue.

PLAK JHI 13:8

Can pui pa ot ka piang haktiex khawmuik tak sang krub ka nawh, pa mawh can pa ang lai tiiem ti deuh ka ceu kaux kix tom yam jah ti kaw haktiex ka daux phuk lai pa im ju, cie kawn yung pa hoik pah yum heue.

PLAK JHI 17:8

Totiag pa hoik yaox maix an, hoik mawh, mai ang lai mawh, dex sang lih hoek khaing daux, daux pa ang koe dee die mai hu ka daux pa laux pa laux leeing heue. Pui pa ot ka piang haktiex khankix, pa mawh kix pa ang lai tiiem ti deuh ka ceu kaux kix, tom yam jah ti kaw haktiex, ka daux phuk lai pa im ju, yam yaox kix ka totiag an pa hoik mawh mai pa ang lai mawh mai pa tak sang hoek khaix, tak sang daox deng ka heue.