EFESUX 1:13 - Wa Common Language Translation

¹³ Ka daux Nawh kawx, pex hoik mhong gum lox pa mawh meh, pa mawh lox bwan gaux rhawm pa dex mai krax taoh pex mai kheu hoik yum rhawm ka daux Nawh, hoik tawk cum ka pex ka Khuan Singax pa dex mai lox sijax mukheu heue.

EFESUX 1:13 Iomraidhean Croise

YAOGYAW 119:43

Paw lai teei lox sijax mukheu lih khaing daux jheeh aux, mawh kheu krox jun aux ka krax prawng ca Maix heue.

YOLAX 2:28

Khaix in sax Aux tak kieh khuan Aux lih piang pui khawmuik heue. Kawn simex kawn bun pex tak sang krai lox jhai mai pui awn ju pex, tak sang yaox riang susai mai pui kuad song pex tak sang camaox ti yaox heue.

LUKAX 11:13

Phan pex pa mawh pui caox kawx, chix tawx kraung pa mhawm ka kawn praix tix, Keeing pex pa ot ka daux meung raoma tak nie lheu tawx Khuan Singax Singeh, ka pui pa rawg ka Nawh miex ding?”

LUKAX 24:49

Jhak heue, Aux sang ploi awm lox mukheu pa hoik tawx Keeing Aux, ka piang pex, mawh kheu nan pex ot ka daux veng in, tom pon ceep pex sibrawm khaing dee long heue.”

YOHAN 1:17

Grawh grawng nawh, lox lai beenli hoik tawx ka Mose, bwanson pa mawh meh hoik lih hoek kheu Yesux Khrit heue.

YOHAN 14:26

Viang mawh kawx nan, Cao Teem pex, pa mawh Khuan Singax Singeh, pa tak sang ploi Keeing Cao hoek ka daux ceu kaux Aux, Nawh tak sang gau pex kuceu khawmuik kieh pex doh keud ka lox pa hoik krai Aux ka pex khawmuik heue.

YOHAN 15:26

Viang mawh nan yam hoik hoek Cao Teem pa sang ploi Aux hoek khaing Keeing Cao ka pex, pa mawh Khuan pa mawh pa meh, pa lih hoek khaing Keeing Cao, Nawh tak sang kham mhai rug grawh grawng Aux heue.

YOHAN 3:33

Kaw pa rieb ti teei mhai rug pa kham Nawh, hoik tawk cum ka nawh grawng mawh Siyiex pa kaux sijax heue.

YOHAN 6:27

Paw coca yuh ti pon pa ih pa chix laux leeing, viang mawh nan coca sonsang pon pa ih pa kaux tom pon ju leeing ju, pa sang tawx Kawn kawn pui ka pex. Kheu mawh Nawh Siyiex, pa hoik tawk Keeing Cao cum ka heue.”

KAWNCAU 1:4

Yam khrawm Nawh Cao tau mai kix, Nawh tawm lox ka kix son ang kix sang lih khaing veng Yerusaliem, krox tom hoik pon, awm lox mukheu pa tawx Keeing Cao, pa ah Nawh, “Hoik mhong pex ka Aux.

KAWNCAU 13:26

Puxaik khankix pa mawh kawn ru Abraham mai pui ka daux pex pa lhat ka Siyiex eue, gumlox bwan grawng krax pa taoh in hoik sipaox ka pex heue.

KAWNCAU 2:33

Mawh kheu hoik yaog Nawh mai kheu ot Nawh plak taix khawn dawm Siyiex mai kheu hoik pon awm lox mukheu pa hoik tawx Keeing Cao grawng Khuan Singax Singeh, pa hoik kieh Nawh ceu in lih, pa yaox pa mhong pex kah heue.

ROMAX 1:16

Grawh grawng nawh, ang aux kaig tua kheu lox bwan gaux rhawm, mawh kheu lox bwan an mawh sibrawm Siyiex, son can pui pa yum rhawm ku kaux sang hoek krax taoh, son pui Yudax ka paox tix mai khawm son pui Helasax heue.

ROMAX 4:11

Nawh pon mhai pa pat hak, pa mawh cum pa rahsee, pa dex mai krax yum rhawm, pa hoik koe nawh tom ka sang pat hak, sonsang mawh nawh keeing kix can pa yum rhawm khawmuik, viang kix ang pat hak kawx, sonsang pon sawn kix mawh pa rahsee,

ROMAX 6:17

Viang mawh nan yaogyaw bwanson Siyiex, mawh kheu viang pex hoik sax mawh siliex phimap kawx, pa hoik viex khawm rhawm tix cu nghiet ka been sidiex gau pa hoik rieb pex ti teei.

2 KAWRINTHUX 1:22

pa hoik tawk cum ka ex mai hoik tawx gawng pa dex mai Khuan Cao ka daux rhawm rhi ex heue.

2 KAWRINTHUX 6:7

ka daux gumlox pa mawh meh, ka daux siawp sibrawm Siyiex, kheu kraung naing pa rahsee ka taix plak khawn dawm mai ka plak khawn gwiex,

KALATIX 3:14

Son sang pon pui tang ceu khankix bwanson Abraham ka daux Cao Khrit heue. Son sang pon ex sijax mukheu grawng Khuan Cao, kheu krax yum rhawm heue.

EFESUX 4:21

Phan pex hoik mhong Nawh Cao mai hoik gau ka daux Nawh, ceu pa mawh meh pa koe ka daux Yesux.

EFESUX 4:30

Paw yuh ti kieh Khuan Singax Singeh Siyiex khi rhawm, pa mawh pa hoik tawk pex cum ka daux Nawh, tom hoek singaix pa taoh heue.

1 THESALONIX 2:13

Mawh kheu in, ex kawx yaogyaw ka bwanson Siyiex ang jud ang jai, kheu hoik rieb pex ti teei gumlox pa mhong khaing ex, pa mawh gumlox bwan Siyiex, pa ang rieb ti teei awm mawh gumlox kawn pui, hoik rieb awm mawh gumlox Siyiex pa mawh pa meh, pa yuh kaing ka plak daux pex pa yum rhawm khankix heue.

2 TIMOSE 2:15

Nied ti coca sonsang pon maix ti tawx tokaux tix ka Siyiex, pa mawh pui pa hoik cheu ti yaox kah, pa mawh pui yuh kaing pa ang koe dee kaig tua pa chix gwieh ka gumlox pa mawh meh awm pa khaw heue.

2 TIMOSE 2:19

Viang mawh nan jaong num Siyiex kaux cong, pa koe cum yuh nin, “Simiang Siyiex tawng kix pa mawh cie tix,” mai khawm pa ah, “Kieh pa kok ka ceu kaux Simiang Siyiex ku kaux daux pui lih hu khaing pa ang rahsee heue.”

2 TIMOSE 3:15

mai jah tom yam mawh maix kawn nyawm maix hoik tawng phuk lai sigang khri pa singax singeh, pa chix kieh maix koe pingnya tom hoek ka krax taoh kheu pa yum rhawm ka daux Yesux Khrit.

TITUX 2:11

Bwanson Siyiex hoik lih bleeh, viex krax taoh ka pui khawmuik,

HEBRIE 2:3

Phan ex dha ti ang kriem ka krax taoh pa ting nie ding nie dod, ex lai chix pon luan khaing krax ciyang yuh ka mawx? Mawh tokaux Simiang pa jah ti krai grawng krax taoh in ka sivoe paox tix mai kix pa hoik mhong khankix hoik kham mhai rug grawng mawh pa mawh meh ka ex,

YAKOP 1:18

Nawh teei gum lox pa mawh pa meh, yuh ti kieh ex keh ti mawh awm koe alo Nawh, sonsang mawh ex, plix pa liang ti plix ka daux ceu pa hoik phan hoik yuh Nawh khankix heue.

YAKOP 1:21

Mawh kheu nan tik pa seeing brai ku ceu khawmuik mai pa chax nie luan yuh pa caox mai viex rhawm awn rhawm tiem mai rieb ti teei gumlox pa hoik sum ka daux pex, pa chix taoh ju pex heue.

1 PETRUX 2:10

Ka daux bawg yam pa hoik luan, pex ang mawh ceu pui pa yuh nan, viang mawh nan yam in pex hoik mawh ceu pui Siyiex heue. Glang ka in viang pex ang pon bwanson pa caux rhawm kawx, yam in pex hoik pon bwanson pa caux rhawm heue.

PLAK JHI 7:2

Aux yaox kawncau Siyiex tang kaux tix kaux haok khaing plak lih singaix pa koe cum Siyiex pa im ju mai nawh yo lox ting lox sinum ka kawncau Siyiex pon kaux, pa hoik tawx akhwang ka kix ti sang chuh yuh laux ka haktiex mai ka rawm sigrit sigra,