EFESUX 1:12 - Wa Common Language Translation

¹² son ex pa hoik keud pot jun pot ka daux Cao Khrit ka sivoe paox tix, sang mawh son pa yaogyaw min pakngai Nawh heue.

EFESUX 1:12 Iomraidhean Croise

YAOGYAW 2:12

Ngeet ka kawn Cao, phan ang yuh nan, Nawh tak song rhawm mai maix tak hoek krax laux leeing heue. Pui pa een rawm ka Nawh Cao pon bwanson heue.

ISAYAX 11:10

Ka daux singaix an, num riah Yessie tak sang mawh chix pa pak ti deuh son pui khawmuik, pui tang ceu khankix tak sang sawg ti yaox Nawh Cao mai dee laux lee nawh tix, tak koe min pakngai pa ting heue.

ISAYAX 12:2

Jhak heue, Siyiex mawh cao taoh aux, aux tak een rhawm tix ka Nawh Cao mai ang koe krax pa lhat graung, mawh kheu Siyiex mawh riang rao aux mai mawh lai rhax aux, Nawh Cao hoik mawh cao pa taoh aux heue.

ISAYAX 45:23

Aux hoik tiextu ka cao tix, gumlox pa lih khaing jheeh Aux mawh pa rahsee mai ang lai deeh hoek, ngawng ku ngawng tak grux tix ka Aux, dak ku dak tak tiextu tix ka Aux.”

ISAYAX 45:25

Doeh ru pui Isarelax, tak hoek daux pa rahsee mai pa yaw rangdi ka daux Siyiex heue.

YERAMIX 23:6

Singaix bawg yam nawh khankix, meung Yudax tak pon krax taoh mai ceu pui Isarelax khankix tak yaox ti ot yiien yawg, yam in ceu kaux Nawh Cao tak kok mawh “Siyiex mawh pa rahsee ex heue.”

YOHAN 14:1

“Paw kieh rhawm pex koe krax khi rhawm, yum rhawm ka Siyiex, ka Aux kawx yum rhawm heue.

EFESUX 1:6

sonsang yaogyaw min pakngai bwanson Nawh pa hoik yuh bwanson ti tawx ka ex ka daux kawn pa moh Nawh,

EFESUX 2:7

Ka daux ju pa tak sang hoek khankix, Nawh tak sang pon ti jhi ceu pa kied ting mi koe bwanson tix, ka daux pa yuh bwanson ka ex ka daux Yesux Khrit heue.

EFESUX 3:21

kieh Nawh koe min plakngai ka daux ceu cao mai ka daux Yesux Khrit ku ju khawmuik leeing ju liak. Amen.

2 THESALONIX 2:13

Puxaik pa moh Simiang Siyiex khankix eue, ex yaogyaw bwanson ka Siyiex, son pex ku jheung jheung, kheu Siyiex hoik laug pex khaing tom yam jah sonsang hoek ka krax taoh, ka daux pa kieh Khuan Cao pex singax singeh mai ka daux pa yum rhawm ka pa mawh meh heue.

2 TIMOSE 1:12

Mawh kheu grawng in aux tom yaox ti kham geu ceu in khankix, aux ang lai kaig tua, mawh kheu hoik tawng aux kaw pa hoik yum rhawm aux kah mai aux tawng grawng chix pau Nawh ka ceu pa hoik tawx hoik pong aux ka Nawh tom singaix an heue.

YAKOP 1:18

Nawh teei gum lox pa mawh pa meh, yuh ti kieh ex keh ti mawh awm koe alo Nawh, sonsang mawh ex, plix pa liang ti plix ka daux ceu pa hoik phan hoik yuh Nawh khankix heue.

1 PETRUX 1:21

pa mawh pui pa hoik yum rhawm ka Siyiex ka daux Nawh, pa hoik kieh Nawh deeh kaoh im khaing krax yum mai tawx min pakngai ka Nawh, son krax pa yum rhawm mai krax keud pot jun pot pex, tak mawh ka daux Siyiex heue.