EFESUX 1:11 - Wa Common Language Translation

¹¹ Pa hoik kieh ex mawh sin, kheu hoik ciak ti deuh ex awm pa khaw mai pa hoik bak yiak, kaw pa yuh kuceu khawmuik hawt alo pa keud tix,

EFESUX 1:11 Iomraidhean Croise

YAWBAX 12:13

Nawh Cao naog ka pingnya cuyi mai ka riang rao, Nawh Cao chix tawx rhawm keud dong sawn mai krax tawng yung heue.

YAWBAX 33:29

“Jhak heue, Siyiex yuh ceu an khankix, ka pui ra bawg mai loe bawg heue.”

YAOGYAW 37:18

Siyiex hoik tawng bawg yam singaix mai kieh sin ngao kix grum kaux jheung jheung heue.

LOX KAB 8:14

Pingnya mawh pa ngawh, pa chix tawx krax keud gau pa mhawm, koe ka aux heue. Aux mawh pingnya mai pa ting riang rao grum koe ka daux aux heue.

ISAYAX 25:1

Siyiex eue, Maix mawh Siyiex aux, aux tak sang yaog min bwan Maix, aux tak sang yaog yaw min ceu kaux Maix, kheu mawh Maix pa hoik yuh ceu pa daox am, krax keud krax sawn Maix tom yam jah dix ang tieh loh tix, mawh pa kaux sijax heue.

ISAYAX 28:29

In kawx mawh pa kaoh khaing Siyiex cao kru naing raoma, pa daox am kah mai pingnya Nawh Cao ting lhaong heue.

ISAYAX 5:19

pa ah nin, kieh Nawh Cao sigleeig ti yuh ka kaing jhaw cie Nawh Cao phai, son tak sang pon ex ti yaox an mai kieh krax pa keud pa sawn Siyiex Cao pa singax ceu pui Isarelax tix kaux an, greed hoek dex, sonsang pon ex ti tawng ka ceu an heue.”

YERAMIX 23:18

Grawh grawng nawh, mawh pui mawx pa pon cung tix kum tau mai Siyiex mai hoik tawng hoik yaox mai hoik mhong ka gumlox Nawh Cao lie? Mawh pui mawx pa hoik mhai ti deuh gumlox Nawh Cao mai hoik mhong ka an lie?

YERAMIX 32:19

Krax keud Maix Cao mawh pa kied ting riang rao mai mawh pa kied ting sibrawm ka daux kaing jhaw pa yuh tix, grawh grawng nawh, ngai Maix Cao mawh pa simi ti jhak ka daux krax hu kawn pui khawmuik, sonsang tawx bwanson ka pui ku kaux awm kaing jhaw plix pa yuh nawh khankix heue.

ZAKHARIX 6:13

Nawh tak sang sum nyiex bwan Siyiex, Nawh tak sang koe min pakngai mai tak sang ngawm ti kwang ka piang dang ngeung cao nawh mai krax keud krax sawn pa yuh paox pie ka daux krax pa nhim, tak sang koe ka daux sinax kiex khawm ra heue.”

KAWNCAU 13:48

Yam mhong pui tang ceu lox an khankix, kix gaux rhawm mai yaogyaw gumlox bwan Siyiex. Kix pa hoik ciak laug sonsang pon ju leeing ju khawmuik yum rhawm heue.

KAWNCAU 2:23

Kaw pa hoik dud keud Siyiex, grux tawng mai tawx, pex hoik teei ti tawk Nawh yum piang khaox lhak, ka tawm taix pui ceu pa ang koe lai beenli heue.

KAWNCAU 20:27

Grawh grawng nawh, ang aux sax lhat krai lox tawm jhawm krai Siyiex khawmuik ka pex heue.

KAWNCAU 20:32

Puxaik khankix eue, yam in aux tawx pong pex ka Siyiex mai ka gumlox bwanson Nawh, pa chix kieh pex ting lhaong mai tawx sin ka pex, ka sinax kix pa singax singeh khawmuik heue.

KAWNCAU 26:18

sonsang paoh ngai kix, sonsang deeh tieh kix ti lih khaing pa faik mai hoek ka pa riang mai khaing sibrawm Satan mai hoek ka Siyiex, sonsang pon kix krax pluat ploi phimap mai pon sin tau mai pui pa hoik singax singeh, kheu krax yum rhawm ka daux Aux heue.

KAWNCAU 4:28

ti yuh awm taix Maix mai pa keud Maix hoik grux ciak ti kieh mawh heue.

ROMAX 11:34

“Mawh pui mawx pasax tawng ka rhawm Siyiex? Phan ang mawh nan mawh pui mawx pasax mawh cao pa teem kum, teem ah ka son Nawh Cao?”

ROMAX 8:17

Phan mawh kawn, mawh cao pa pon sin heue. Pa mawh cao pa pon sin Siyiex mai pa rom ti pon sin tau mai Cao Khrit, phan ex rom ti kham geu tau mai Nawh Cao, sonsang pon khawm min plakngai tau mai Nawh heue.

ROMAX 8:28

Ex tawng grawng kuceu khawmuik rom ti yuh tau, sonsang mawh pa mhawm ka son kix pa moh ka Siyiex, pa mawh pa hoik kok ti teei awm pa khaw mai pa hoik yiag hoik bak Nawh Cao heue.

ROMAX 8:29

Kix pa hoik grux tawng Nawh Cao kah, Nawh hoik ciak ti kieh awm riang Kawn tix, sonsang mawh Nawh pa liang ti keh ka daux puxaik tom nie heue.

ROMAX 8:30

Kix pa hoik ciak ti deuh Nawh Cao khankix kawx, Nawh kok ti teei khawm heue. Kix pa hoik kok Nawh Cao ti teei kawx, Nawh kieh rahsee khawm. Nawh tawx khawm min plakngai ka kix heue.

ROMAX 9:11

Yam ang bax keh kawn an kiex, ka ang nyang bax yuh ceu pa mhawm, phan ang mawh nan ceu pa caox sonsang khaw mai pa yiag pa bak Siyiex, sonsang kaux cong awm pa khaw mai pa laug ti teei, ang mawh pa dex mai krax twah klaung, viang mawh nan mawh pa dex mai Kaw pa kok,

KALATIX 3:18

Phan sin an mawh pa dex dawd mai lox lai beenli, ang baox lai mawh pa dex dawd mai lox sijax mukheu, Siyiex hoik tawx sin an ka Abraham, ka lox sijax mukheu heue.

EFESUX 1:14

Khuan an mawh gawng ka grawng sin ex, tom bawg yam sang taoh Nawh Cao cie tokaux tix, sonsang yaogyaw min pakngai Nawh heue.

EFESUX 1:18

sonsang kieh ngai rhawm rhi pex riang, sang tawng pex pa keud pot jun pot pa hoik kok Nawh pex ka, mawh pa yuh ka mawx, grawng sin pa sang pon Nawh Cao ka daux pui singax khankix ting miex ding,

EFESUX 1:5

hoik grux ciak ti kieh ex mawh kawn tokaux Nawh Cao, kheu Yesux Khrit, awm pa khaw caw mai alo Nawh,

EFESUX 1:8

pa hoik kieh Nawh koe tom nie, plak ex ka daux pingnya mai daux krax tawng,

EFESUX 1:9

yam kieh ex tawng alo Nawh pa hoik mox kah, awm pa khaw mai alo Nawh pa hoik bak yiak ti kieh mawh daux Khrit,

EFESUX 3:11

awm ceu pa hoik bak hoik yiak Siyiex ti deuh ka daux Simiang ex Yesux Khrit leeing ju heue.

PINGNYAP 4:20

Simiang Siyiex hoik teei pex lih khaing daux glah ngu rhiem, meung Ejiptux sonsang mawh pex pui cie Nawh Cao awm pa koe pex daux in singaix.

KAWLAWSIE 1:12

yaogyaw bwanson Keeing Cao, Kaw pa hoik yuh ex mawh pa keung ti rom ti pon sin pui pa singax singeh ka daux pa riang,

KAWLAWSIE 3:24

Mawh kheu hoik tawng pex grawng tak sang pon bwanson pa mawh sin khaing Simiang. Pa yuh pex mawh son Simiang Cao Khrit heue.

TITUX 2:14

Kaw pa hoik tawx tokaux tix son ex, son sang taoh Nawh ex khaing daux phimap khawmuik, yuh ti kieh pui tix ceu singax son sang mawh cie tokaux tix, pa nied ti coca ti yuh kaing pa mhawm heue.

TITUX 3:7

son sang hoek ex ka krax rahsee kheu bwanson Nawh, son sang mawh ex pui pa sang pon sin, pa khaw mai krax keud pot jun pot son ju leeing ju heue.

HEBRIE 6:17

Mawh kheu Siyiex koe rhawm ti sang nie jhi sidawng laing laing, ka cao pa sang pon sin lox sijax mukheu an, ka grawng pa ang chix tieh loh ceu pa bak Nawh, Nawh tom shiao lox tiex tu sinax,

YAKOP 2:5

Puxaik pa moh aux khankix eue, nghiet heue, Siyiex hoik laug pui pa hot pa sibhawm plak haktiex, tix kieh kix mawh pa mi pa koe plak krax yum rhawm mai pa pon sin Meung an, pa hoik tawx Nawh lox sijax mukheu ti tawx ka kix pa moh ka Nawh ang mawh lie?

1 PETRUX 1:4

sonsang pon sin pa ang chix laux leeing mai pa ang seeing, pa ang chix bheet laix, pa hoik priex son pex ka daux meung raoma,

1 PETRUX 3:9

Paw deeh pawk pa caox son pa caox mai paw deeh pawk pa nieb yuh pa ang cee cak, son pa ang cee cak, viang mawh nan deeh pawk bwanson, kheu tawng pex grawng pa hoik kok pex ti yuh nan mai sonsang pon sinngao heue.