AMOT 2:4 - Wa Common Language Translation

⁴ Siyiex ah nin, “Mawh kheu lud ceu pui Yudax ang joeng mawh loe ceu mawh pon ceu, aux tak ang lai yoi krax song rhawm tix khaing kix heue. Grawh grawng nawh, kix hoik tik ka gumlox beenli Siyiex mai ang tie koe krax priex rien, ka gumlox pingnyap Nawh khankix heue. Krax pie lhen pa hawt keeing kix ti yuh, hoik kieh kix lud hu krax tix heue.

AMOT 2:4 Iomraidhean Croise

2 SIMIANG 17:19

Pui Yudax baox ang cu ti priex rien ka lox pingnyap Siyiex kix mai kix hoik hawt hu ka daux krax been yungyi ceu pui Isarelax khankix ka pa hoik yuh kix ti deuh heue.

2 GRAWNG BEEN 25:14

Yam in ceu ankix hoik baox lih ti mawh, khaix hoik hoek Amazix khaing pah tix pui Edom yum, nawh teei ti viex siyiex ceu pui Sirax hoek mai jung ti deuh ankix mawh Siyiex Cao nawh mai ngeuh kaing tix ka plak sivoe kix mai gleeing ti tawx nyawng bhawng ka kix heue.

2 GRAWNG BEEN 30:7

paw kieh pex awm keeing pex mai puxaik pex khankix, pa hoik lud ka Siyiex keeing kix mai tom hoik yuh Nawh Cao kix laux leeing khawmuik awm hoik yaox pex nawh ka ngai tix heue.

NEHAMIX 1:7

Yix hoik yuh ceu pa kied caox ka Maix Cao mai ang lai priex rien ka gumlox pingnyap mai gumlox beenli mai lox tat jhawm prawng pa hoik tawm hoik deuh Maix Cao ka kawncau Maix Mose heue.

NEHAMIX 9:26

Viang mawh nan kix ang cu nghiet mai hoik tieh feen ka Maix Cao mai tik vud ka lox tat jhawm prawng Maix Cao plak khaix tix mai hoik pah ka cao jhai Maix Cao khankix, pa sidiex gau kix sonsang veeh tix ing ka Maix Cao mai kix hoik yuh kaing pa salao pa kied ting lhaong heue.

ISAYAX 28:15

Mawh kheu pex hoik ah nin, yix hoik yuh sijax mukheu tau mai krax yum mai yuh paox pie tau mai meung yum, yam hoek kheem pa kha rhawm tak ang hoek ka yix, yix hoik een rhawm ka pie lhien mai hoik mox tix ka ceu pa giex going.

ISAYAX 44:20

Nawh ih ka nyaox, rhawm caox caig hoik kieh nawh lud mai nawh ang pon taoh cao tix ah nin, “Mawh ang pa pie koe ka daux taix khawn dawm aux lie?” Ang lai tawng ti doh keud.

YERAMIX 16:11

Khaix an maix tak deeh ah nin ka kix, Siyiex ah nin, mawh kheu jao hoik tik vud keeing pex khankix ka Aux mai kix hoik hu hawt khaix siyiex tang kaux tang hak khankix mai hoik yuh kaing jhaw son kix mai hoik krub ka kix mai hoik tik vud ka Aux mai ang lai priex rien ka gumlox tat jhawm prawng Aux heue.

YERAMIX 16:12

Pex hoik nie lheu yuh pa caox khaing keeing tix, jhak heue, mawh kheu ku kaux hoik hawt hu awm krax keud rhawm cao tix, tom ang pui tix kaux kawx lai nghiet ka Aux heue.

YERAMIX 17:27

“Phan pex ang cu nghiet ka Aux, ang deuh singaix twah mawh pa singax singeh mai viang ang viex beeh pa cien laig ka daux diang siviex veng Yerusaliem singaix twah kawx, khaix an Aux tak sang keeig ngu ka diang siviex veng khankix mai ngu an tak sang proe yuh nyiex haw simiang pa koe ka daux veng Yerusaliem mai ngu an tak ang lai chix yeet heue.”

YERAMIX 6:19

Pui haktiex khankix eue, nghiet mai jhak heue, Aux tak viex krax pa ting kha rhawm hoek piang ceu pui in awm plix simie pa keud kix khankix heue. Mawh kheu ang kix nghiet ka gumlox Aux mai thiang ti tik ka lox tat jhawm prawng Aux khankix heue.

YERAMIX 8:2

Kix tak sang prung prang si-ang khankix ka plak sivoe singaix mai khix mai kraung pa koe daux raoma khankix khawmuik, ka pa hoik moh kix ka mai pa hoik yuh kix kaing mai pa hoik hawt kix khaix mai pa hoik sawg kix mai pa hoik krub kix heue. Ang lai koe cao pa deeh khrawm mai cao pa sipaung ka si-ang an heue. Ankix tak awm aing piang haktiex heue.

YERAMIX 8:9

Pui pa koe pingnya cuyi khankix kaig tua heue, kix siyaoh mai krix ka kie. Jhak heue, kix thiang ti tik gumlox Siyiex, mawh koe pingnya cuyi ceu patix daux kix lie?

YERAMIX 9:14

kix hawt hu awm krax pa keud rhawm tix mai hawt hu khaix siyiex Balax awm pa hoik gau keeing kix ti deuh ka kix,

YEZAKELAX 13:22

Ka pui pa rahsee pa ang Aux kieh laux rhawm khankix, pex hoik kieh laux rhawm kheu jao pie lhien an mai pex hoik tawx riang rao ka taix pui pa caox caig, son ang kix lai veeh khaing daux krax pa caox caig yuh tix mai taoh ka ju tix heue.”

YEZAKELAX 20:13

Viang mawh nan, pui Isarelax hoik tieh feen Aux ka daux tiag, kix ang lawng hu ka daux lox lai beenli pa deuh Aux mai hoik thiang ka been pa phan pa deuh Aux, ka pui pa hawt ti yuh awm an tak yaox ti im ju, mai kix hoik kied map ka singaix twah Aux mai ang yungyi ka heue. Khaix an Aux keud tix sang klup krax pa song rhawm tix ka piang kix ka daux tiag sonsang yuh kix laux leeing heue.

YEZAKELAX 20:16

Mawh kheu hoik thiang kix ka been pa phan pa deuh Aux mai ang lawng hu ka daux lox lai beenli Aux khankix mai hoik map ka singaix twah Aux, mawh kheu rhawm rhi kix hoik hawt khaix riang grang krub kix heue.

YEZAKELAX 20:18

“Aux ah nin ka kawn praix kix ka daux tiagtu, paw lai lawng hu ka daux lox lai been miex keeing pex khankix mai paw hawt yuh awm been pa phan pa deuh kix mai paw kieh tokaux pex seeing brai ka riang grang krub kix heue.

YEZAKELAX 20:24

Mawh kheu ang kix yuh hawt awm been pa phan pa deuh Aux mai thiang ka lox lai beenli pa deuh Aux mai ang yungyi ka singaix twah Aux mai ngai kix ca jeung ti ka piang riang grang krub keeing kix heue.

YEZAKELAX 20:30

Krai ka nyiex ma ceu pui Isarelax, Siyiex ah nin, mawh ca kawn yuh pex tokaux tix seeing brai awm been pa yuh miex keeing pex mai kawn ca lud loe lud vao ka ceu an khankix lie?

YEZAKELAX 22:28

Cao jhai haktiex an hoik mox phimap tix awm kraix pui tiex phawng pid ka ding mai kix yaox riang susai pa ang mawh meh mai krai lox jhai pie lhien, mawh lox Siyiex, viang mawh nan ang mawh lox krai Siyiex heue.

YEZAKELAX 22:8

Maix hoik nu nai ka ceu pa singax singeh Aux mai ang yungyi ka singaix twah Aux.

HOSE 12:2

Siyiex yuh see ka Yudax mai tak sang tawx krax kham geu ka Yakop awm krax pa yuh nawh khankix, Nawh Cao tak sang deeh pawk ti tawx ka nawh awm krax pa yuh nawh khankix heue.

HOSE 12:3

Yakop hoik giex loek caong puxke nawh ka daux vaig miex nawh mai yam koe riang rao nawh, nawh hoik silah tix tau mai Siyiex heue.

HOSE 6:11

Ceu pui Yudax eue, bawg yam vawg nghox mawh pa hoik tat ti deuh ka son maix, yam tawx Aux pui Aux pa giex laung khankix deeh ing heue.

AMOT 1:3

Siyiex ah nin, “Mawh kheu lud veng Damase ang joeng mawh loe ceu, mawh pon ceu, aux tak ang yoi krax song rhawm aux ka piang kix heue. Grawh grawng nawh, kix hoik pah haktiex Gilat ka kraung cag rhiem pah nghox heue.

AMOT 3:2

Aux hoik tawng ngie ka pex nong nong khaing ka daux nyiex ma pa koe ka piang haktiex heue. Mawh kheu nan, Aux tak sang tawx krax pa kham geu ka pex, son phimap pa yuh pex khawmuik heue.”

MIKHA 6:12

Pui pa mag mi daux veng in mawh pa naog ka krax pa kin, pui pa ot ka daux veng an khankix hoik ah lox pie lhen mai dak daux jheeh kix mawh pa pie lhen heue.

HABAKUK 2:18

Riang grang pa hoik saik pui ti yuh koe khankix koe bwanson patix? Riang rao pa hoik raug ti mawh cao gau krax pie lhen, cao pa raug ti yuh een, rhawm tix ka riang grang pa ang chix sikah an, koe bwanson patix lie?

ROMAX 1:25

Mawh kheu kix hoik loh pa mawh meh Siyiex ka son pie lhen mai krub mai yuh son ceu pa hoik phan hoik yuh mai ang krub ang yuh son Cao Phan Cao Yuh, Kaw pa koe bwanson leeing ju. Amen.

1 THESALONIX 4:8

Kaw pa thiang ti tik, thiang ti tik ka kawn pui ang mawh, thiang ti tik ka Simiang Siyiex, pa tawx Khuan Singax Singeh Nawh Cao ka pex heue.

1 PETRUX 1:18

Mawh kheu tawng pex, grawng ang teei mau khri ceu pa chix laux leeing mai taoh pex khaing pa giex going pa yuh tix, pa hoik toe ti tawx ka pex khaing tax du pex dix heue.

CAO PRAWNG 10:6

Khaix an pui Isarelax khankix, baox deeh yuh pa caox caig, ka plak sivoe ngai Simiang Siyiex mai yuh kaing jhaw siyiex Balax mai siyiex Ashatariet, siyiex, Shurix, siyiex Sidon, siyiex Mawbax, siyiex pui Amon mai siyiex pui Philitix khankix, kix hoik tik vud ka Simiang Siyiex mai ang lai yuh kaing jhaw Nawh Cao heue.