2 SIMIANG 8:9 - Wa Common Language Translation

⁹ Mawh kheu nan, Hazalax lih hu sonsang pub tix ka nawh mai nawh teei ti viex totaix ceu pa mhawm khankix kuceu hu tau mai tix khaing daux veng Damase mai tang ka piang kala uk tixpon mu mai nawh hoek mai cung sivoe nawh ah nin, “Kawn simex maix Benhadat simiang haktiex Surix ploi aux hoek ka maix ah nin, mawh sang deeh pon moi aux khaing jhawm saux in lie?”

2 SIMIANG 8:9 Iomraidhean Croise

1 SIMIANG 14:3

Teei ti viex blah kao lon mai blah rhi khlawp tiblah mai rawm hia tix kawng mai hu ka nawh, nawh tak krai maix mhong pa sang lih ti mawh ka kawn nyawm an heue.”

1 SIMIANG 15:18

Asa teei mau mai khri pa kawn deuk khaing daux nyiex krao sinngao nyiex bwan Simiang Siyiex, nyiex krao sinngao simiang mai ap ankix ka daux tawm taix kawncau nawh khankix mai Asa ploi kix hu ka Benhadat kawn simex Tabarimon kawn simex Hezon, simiang Surix pa ot ka daux veng Damase ah nin,

1 SIMIANG 19:15

Simiang Siyiex ah nin ka nawh, “Hu heue, deeh ing krax daux tiag Damase, mai yam hoek maix groi bee ka piang Hazelax mai yaog nawh mawh simiang Surix heue.

2 SIMIANG 1:2

Yam in Ahaziyax rau khaing daux siviex iak lawg plak piang ot nawh ka daux veng Samarix mai nawh mat; mawh kheu nan, nawh ploi cao cau khankix hu, ah nin ka kix, “Hu, chawk ti yaox ka sang deeh pon aux ti moi khaing krax pa mat aux, ka Balazebuk, pa mawh siyiex Ekaron heue.”

2 SIMIANG 13:14

Elishie pon jhawm saux pa tak sang kieh nawh yum, khaix an, Yehosha simiang pui Isarelax lih hoek ka nawh mai yiiem ka sivoe ngai nawh ah nin, “Keeing aux eue, keeing aux eue, ling lawx naing brung pui Isarelax mai cub pui naing brung cie kix khankix eue, ”

2 SIMIANG 16:7

Mawh kheu nan, Ahaza ploi cao cau khankix hu ka Tikalat Pilesa, simiang haktiex Asurix ah nin “Aux mawh kawncau maix mai kawn simex maix heue. Hoek heue. deeh taoh aux lih khaing daux tawm taix simiang Surix mai khaing daux tawm taix simiang pui Isarelax pa yaog ti tieh feen ka aux heue.”

2 SIMIANG 5:13

Kawncau nawh khankix greed tix hoek dex mai ah nin ka nawh, “Keeing aux eue, phan cao jhai hoik krai sonsang yuh ceu pa ting lhaong ti ceuceu, mawh ang maix yuh ceu ankix lie? Khaix an, mawh ang maix caw ti yuh ceu pa nie lheu khaing an yam ah nawh lie? Heem mai deeh mawh pa singax heue.”

2 SIMIANG 5:5

Mawh kheu nan, simiang meung Surix ah nin, “Hu yam in heue, aux sang tiiem ti tawx lai tix pheen ka simiang pui Isarelax, ” Mawh kheu nan, Ne man lih hu khaing tan mai viex mau kao talantan, khri liah rheng shekhe mai kraung ceep kao jung tau mai tix heue.

2 SIMIANG 6:21

Yam yaox simiang Isarelax ka kix, nawh ah nin ka Elishie, “Keeing aux eue, mawh sang pah aux kix yum lie?”

SIDIEX 3:6

koe bawg yam sawg mai koe bawg yam grai, koe bawg yam priex deuh mai koe bawg yam luan,

PHILEMON 1:14

Phan aux ang nyang pon lox maix ang aux rhawm yuh tix ceu kawx, yuh ka mawx ceu pa mhawm pa sang yuh maix ka aux tak ang mawh pa khin ti kieh yuh, son sang mawh pa lak keud maix ti yuh hawt alo tix tiru heue.

1 SAMOELAX 25:8

Chawk ti yaox pui awn ju maix khankix, kix tak krai ka maix. Mawh kheu nan, kieh pui awn ju aux khankix pon bwanson plak sivoe ngai maix, mawh kheu hoek yix singaix yuh pawie. Yuh bwanson tawx pa koe daux taix maix tix ceuceu ka kawncau maix mai ka kawn simex maix Davit.”

1 SAMOELAX 9:7

Mai Sawlux ah nin ka kawncau tix, “Phan ax hu sang viex ax patix hu ka pui an lie? mawh kheu blah pa viex ax hoik uik, totaix pa sang viex ax ka pui Siyiex ang lai koe, kawn koe ceu patix ka ax lie?”