2 SIMIANG 8:4 - Wa Common Language Translation

⁴ Yam an simiang krai lox tau mai Gehazix kawncau pui siyiex ah nin, “Yuh bwanson krai aux mhong ceu pa kied ting kied lhaong pa hoik yuh Elishie liak!”

2 SIMIANG 8:4 Iomraidhean Croise

2 SIMIANG 2:14

Nawh teei sibex dhah Eliyax pa hoik cod khaing nawh mai sivied rawm ka ah nin, “Siyiex Eliyax ot dee mawx lie?” Mai yam hoik sivied nawh rawm ka sibex dhah an, rawm hoik tang gwieh ti hu plak in plak an mai Elishie tiang ka plak toi an heue.

2 SIMIANG 2:24

Nawh deeh veeh tix mai jhak ka kix mai nawh jhax lawg ka kix ka daux min ceu kaux Siyiex mai krih miex ra mu lih khaing daux nong mai paig ka kawn nyawm ankix, tixpon ra kaux heue.

2 SIMIANG 4:12

Khaix an nawh ah nin ka kawncau tix Gehazix, kok ka bun Shunam heue. Yam kok nawh bun an hoek, bun an cung ka plak sivoe Elishie heue.

2 SIMIANG 4:25

Kheu nan, nawh lih mai hu ka pui Siyiex ka piang gawng Khamelax mai yam yaox pui Siyiex ka yam hoek nawh dee singai, nawh ah nin ka kawncau tix Gehazix, “Bun veng Shunam hoek heue.”

2 SIMIANG 5:14

Mawh kheu nan, Ne man lih hu mai com cao tix ka daux rawm klawng Yawdan aliah bawg, awm gumlox pa ah pui Siyiex; mai nex nham nawh hoik deeh mhawm awm nex nham kawn nyawm iak tix kaux; mai nawh hoik singax heue.

2 SIMIANG 6:32

Elishie kawn ngawm ka daux nyiex mai kuad riex ju khankix ngawm tau mai nawh, simiang ploi pui tix kaux hu ka plak sivoe nawh, sivoe sang hoek cao cau an, Eliishie ah nin ka cub kuad riex ju khankix, “Yaox pex ka kawn simex cao pa pah pui in tix kaux pa ploi pui hoek sonsang kid tix viex kaing aux hu dee singai lie? Jhak! yam hoek cao cau an, nyeep siviex mai giex nawh daux diang siviex, ang mawh lox diang caong simiang nawh pa hoek ka plak khaix nawh lie?”

2 SIMIANG 6:6

Pui Siyiex deeh ah nin, “Mawh cod see dee mawx?” Nawh jhi Elishie yaox dee cod moe an, Elishie kid khaox tix gawng mai taing ka dee an mai kieh moe an sibloe ti lih ka piang rawm heue.

2 SIMIANG 7:1

Khaix an, Elishie ah nin, “Nghiet ka gumlox Siyiex; Siyiex ah awm in, yam hoek bawg yam in daux pasax, phawng gaox nghox ca tix phliex mawh pa coh tix ka mau tix shekhe mai gaox nghox ca Ra phliex tak mawh pa coh tix ka mau tix shekhe hawt diang sivie veng Samarix heue.

2 SIMIANG 7:10

Kheu nan, kix hu kok ka cao pau diang siviex veng khankix mai krai ka kix ah nin, “Yix hoik hu ka daux tab pui Surix khankix mai daox deng ka ang pui lai ot tan tix kaux kawx, ang mhong ka lox pui, mawh ngie brung mai la pa phyawk tix khankix mai nyiex gox pa ang nyang laux khankix heue.”

2 SIMIANG 7:3

Pui koe jhawm saux sipawg pon kaux ot ka daux diang siviex veng; mai kix ah nin ka paox tix, tix kaux hoik tix kaux, “Kheu jao patix ex kawn ngawm tin tom yum ex lie?”

2 SIMIANG 8:3

Khaix hoik sidah aliah num, bun an deeh ing khaing haktiex pui Philitix mai nawh hu khyox khaw mhaing nyiex nawh mai haktiex nawh ka simiang heue.

MATHIEX 2:8

Nawh ploi kix hu ka veng Bieliehiem mai tawm lox ah nin, “Hu sawg Kawn nyawm an mhawm mhawm, yam hoik yaox pex ka Nawh, sonsang pon aux ti hu krub ka Nawh, deeh ing krai ka aux liak.”

LUKAX 23:8

Yam yaox Herut Yesux, nawh kied gaux rhawm, mawh kheu nawh hoik uik dawg rheung simie ti yaox Nawh Cao, kheu nawh hoik mhong grawng Nawh mai simie ti yaox mhai pa daox am pa yuh Nawh Cao tix ceu ceu heue.

LUKAX 9:9

Viang mawh nan Herut ah nin, “Aux hoik kid kaing Yohan, viang mawh nan, kaw pa mhong aux grawng ceu in khankix mawh mawx?” Nawh sawg sonsang pon ti yaox Yesux heue.

YOHAN 9:27

Nawh pawk lox ka kix ah nin, “Pie yam in aux hoik krai ka pex, pex ang nghiet. Mawh kheu patix pex mie ti baox deeh mhong? Viang mawh pex kawx simie ti yuh kawncau Nawh lie?”

KAWNCAU 24:24

Khaix singaix tix blah simiang Felit hoek tau mai moeng nawh Drusila pa mawh pui Yudax mai kok Pawlux mai nghiet lox nawh grawng pa dex dawd mai krax yum rhawm ka daux Yesux Khrit heue.