2 SIMIANG 8:1 - Wa Common Language Translation

¹ Khaix an Elishie sikah ka bun pa hoik deeh kieh nawh kawn simex nawh deeh im ah nin, “Maix kaoh hu mai khrawm pui daux nyiex ma maix khankix, hu peung ka dee sang pon peung maix ti ot tix dahdah, mawh kheu Siyiex hoik tawm pa sang koe krax sibhawm praix, lheu khaing an krax sibhawm praix tak lih ti koe ka piang haktiex in aliah num heue.”

2 SIMIANG 8:1 Iomraidhean Croise

YAM JAH 12:10

Yam an sibhawm praix lih koe daux haktiex Khanan mai Abram lih hu plak meung Ejiptux, sonsang laux lee ti tivud ticu glang sinax koe sibhawm praix daux haktiex an heue.

YAM JAH 26:1

Khaix hoik koe krax sibhawm praix baux ju Abraham tix bawg, khaix an krax sibhawm praix baox koe daux meung an, Icak hu veng Gerax ka Abimaliet pa mawh Simiang Philitix heue.

YAM JAH 41:25

Khaix an Yosiep ah nin ka Pharaw, “Grawng camaox Pharaw mawh ngie tix ceu khaing, Siyiex hoik jhi Pharaw yaox ka grawng pa sang yuh Nawh Cao heue.

YAM JAH 41:32

Grawng deeh baox Pharaw ti camaox ra bawg in, mawh pa hoik tat Siyiex ti deuh mai Siyiex tak sang khran kieh ceu in lih ti mawh heue.

YAM JAH 41:54

num sibhawm praix aliah num hoik jah ti hoek, awm pa hoik krai Yosiep, sibhawm praix lih koe ka daux haktiex kudah, viang mawh nan, daux haktiex Ejiptux koe pa ih heue.

YAM JAH 47:4

Kix ah nin ka Pharaw, “Yix hoik hoek sonsang paung tix daux haktiex in, mawh kheu kied kin sibhawm praix ka daux meung Khanan, ang lai koe dee ih dee liang son tobrie yix, mawh kheu nan yuh bwanson, kieh kawncau maix khankix ot ka daux haktiex Goshen liak.”

2 SAMOELAX 21:1

Sibhawm praix sidiiet tix loe num glang yam kwang Davit ka haktiex, Davit chawk grawng ceu an ka Simiang Siyiex mai Simiang Siyiex deeh pawk ka nawh ah nin, “An hoik lih ti koe kheu jao Sawlux mai kheu jao paox nyiex pa hoik kieh nham pui jauh, mawh kheu hoik pah nawh ka pui veng Gibeon khankix.”

2 SAMOELAX 24:13

Mai Gat hoek ka Davit krai grawng an ka nawh ah nin, “Mawh sang kieh maix krax hot sibhawm hoek piang haktiex tix, phan ang mawh nan, mawh sang to maix khaing sivoe pui koeng pa pheet maix loe khix, phan ang mawh nan, mawh sang kieh maix jhawm saux preng lih ka haktiex tix loe singaix lie? Yam in keud tix yaox mhawm mhawm mai deeh pawk lox pa sang caw aux tix viex ing ka Nawh Cao, pa ploi aux hoek ka maix.”

1 SIMIANG 17:1

Eliyax pui veng Tishabix pa ot meung Gilat ah nin ka Ahap, “Awm im ju Simiang Siyiex, Siyiex pui Isarelax pa krub aux kah, phan ang mawh khaing gumlox Aux, rawm ciex mai rawm lhiex tak ang koe ka daux num in heue.”

1 SIMIANG 18:2

Mawh kheu nan, Eliyax hu jhi tokaux tix ka Ahap heue. Yam in sibhawm praix pa kied kin sigrien ka daux veng Samarix heue.

2 SIMIANG 4:18

Kawn simex an ting sipie, ka daux tix ngaix, nawh lih hu ka keeing tix mai ka cao pa vawg nghox khankix heue.

2 SIMIANG 4:36

Elishie deeh kok ka Gehazix ah nin, kok ka bun Shunam an heue. Mawh kheu nan, hu kok ka bun an mai yam laig bun an ka dee ot nawh, nawh ah nin, “Yaog ti klien kawn simex pax heue.”

2 SIMIANG 4:38

Elishie deeh ing ka veng Gilagalax mai krax sibhawm praix lih ti koe ka daux haktiex an mai kawn simex cao jhai khankix hoik ngawm ka plak sivoe nawh mai nawh ah nin ka kawncau tix, “Tang ti deuh aw pa ting mai ngaik taux lhax son kawn simex cub cao jhai khankix heue.”

2 SIMIANG 7:20

Mawh kheu hoik dig pui ka nawh, daux diang siviex, nawh yum heue.

2 SIMIANG 8:2

Mawh kheu nan, bun an yaog ti kaoh mai yuh ceu ankix awm pa hoik ah pui Siyiex mai nawh lih hu tau mai pui daux nyiex ma tix khankix mai hu peung ka daux haktiex pui Philitix khankix aliah num heue.

YAOGYAW 105:16

Siyiex kieh sibhawm praix hoek ka daux meung an mai teei ti tik ka ceu pa ih khawmuik.

YAOGYAW 107:34

Haktiex dee mhawm dee koe phon kawx, kieh ceet hu kheu phimap pa yuh pui haktiex heue.

YERAMIX 25:29

Grawh grawng nawh, jhak heue, Aux jah tix viex krax kha rhawm hoek piang veng, pa hoik kok ka ceu kaux Aux mai mawh pex pa ang pon krax ciyang pak lawg lie? pex tak ang mawh pa pon luan khaing pa ciyang heue. Grawh grawng nawh, Aux tak sang kok vaig lawm tix kre hoek piang can pui pa ot piang ca haktiex khawmuik, Siyiex Cao kru naing raoma ah nin heue.

KRUB 26:26

Yam hoik tat Aux krax teem pa ih ka pex, bun kao kaux tak yuh blah sin ka daux glah ngu tix mu mai kix tak deeh ciang ti tawx blah son pex, pex tak ih mai ang sak.

AMOT 4:6

Aux tak sang kieh rhang pex singax ka daux veng cao pex khankix mai deeh baox kieh krax cud cha ka pa ih, koe ka dah dee ot pex khawmuik, pex kawn ang cu ti deeh ing ka Aux heue. “Siyiex ah nan heue.

HAGIE 1:11

Aux hoik kok krax pa kroh kroing hoek ka piang tiex mai ka piang gawng khankix mai ka piang simie nghox mai ka piang rawm plix siiet pa khraox mai rawm bee mai ka piang can ceu pa tak sang lih khaing daux tiex, ka piang pui khankix mai to brie pa eei mai ka piang can ceu pa yuh pex khawmuik ka riang rao taix pex heue. Grawng Krax Cu Nghiet Pui

LUKAX 21:11

kla reem ting tak sang tuk, praix tak sang sibhawm, ceu pa saux preng, tak sang koe dee haoh dee mai tak sang koe ceu pa lhat graung, pa ting khaing raoma heue.

LUKAX 21:22

Mawh kheu singaix an khankix, mawh bawg yam sang prawng ciyang ti kieh ceu pa hoik tiiem ti deuh khawmuik grum naog heue.

LUKAX 4:25

Viang mawh nan Aux krai lox pa mawh meh ka pex, daux ju bawg yam singaix Eliyax, koe miexmai tom nie ka daux Isarelax, yam nyeep raoma loe num mai liah khix mai yam kin sibhawm praix khawmuik.

KAWNCAU 11:28

Ka daux kix tix kaux pa kaux Agabux kaoh cung mai grux krai lox jhai ka daux Khuan, grawng tak sang kied sibhawm praix piang haktiex khawmuik heue. Sibhawm ting an hoek ti mawh ka daux bawg yam singaix simiang Kesa Klawdi heue.

RUTHAX 1:1

Baux yam kwang cao prawng see haktiex yam an, sibhawm praix lih koe daux meung Isarelax heue. Simex tix kaux khaing veng Bieliehiem meung Yudax, viex moeng mai kawn simex tix ra kaux hu ot meung Mawbax heue.